Números 22:31 - La'aqtaqa Ñim Lo'onatac 'Enauacna 2013

³¹ Huaña, nache Ñim Nataxala', ỹo'ot da so Balaam ila'a naqa'en so lamaxashec piguem le'ec, nachattañi huetangui so nqa'aic, nasoqta'a so lainec. Nache so Balaam ỹa'alyiñi naua l-llecte, nache iviraxata'aguet naqa'en na latap na 'alhua.

Números 22:31 Referans Kwoze

Génesis 21:19

Qaq huaña, nache Ñim Lo'onatac 'Enauacna, ỹauatoiguilo naua la'ai'te aso Agar, nache asomaye ila'a aso nshere maye huo'o so le'ec 'etaxat. Qaq asomaye jec nache iỹoxogui aso lo'oc maye lỹoxoso, ime nache taỹa so Ismael da nỹomaxan.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Lucas 24:31

Huaña, nache soomaye 'eco' da qaỹauatoiguilo naua la'ai'te, nache ỹauatto'n Somaye, qalaxaye So Jesús nache pal.

Lucas 24:16

Qaq na'aictaxa da ilotro'ot Somaye, qalaxaye huo'o som 'eeta'am da npaxatta'agueta, da huo'omshe saishet da ỹauatto'n Somaye.

Juan 18:6

Nache huañi so huataxanaqpi qataq soua lỹa't huataxanaq lashe' maye ilotegueto aso no'onaxanaxaqui late'erai.

Salmos 9:20

'Am Nataxala' ñaq 'auauo'o qome da lcolanaxa namayepi, yaqto' namayepi ỹaỹaten da choche shiỹaxauapi.

1 Crónicas 21:16

Qaq co'ollaq namatasheguem so David, nache ila'a so lamaxashec piguem le'ec Ñim Nataxala', da huaỹoteguelec na piguem qataq ana 'alhua, nasoqta'a so lainec, nache ỹareetalec ye Jerusalén. Huaña, nache so David, qataq so nqueroxonecpi, ỹaayiñi naua sa nsattegueta logo, nache nqollemta'aguet na 'alhua.

Números 24:16

da la'aqtaxanaxac nam hua'axaỹalo naua la'aqtaqa Ñim Lo'onatac 'Enauacna, qataq ỹaỹate'n naua lhuennataxaco Ñim Nataỹaña 'enauacna, nam ỹauan na nauanaqchecpi maye chegoqo'ot Ñim Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

Números 24:4

nam hua'aqchiguilo naua la'aqtaqa Ñim Lo'onatac 'Enauacna, qataq ila'alo naua lauanaqcheco Ñim Lo'onatac 'Enauacna maye Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

Éxodo 34:8

Nache so Moisés sa naỹaloxon da ỹa'alyiñi naua l-llecte da nqapaxaneguet na 'alhua da natamen.

Números 22:30

Qalaxaye aso 'ashena 'enapega so Balaam, 'eeta': ¿Saisheto' peta'a da nachaỹem 'arelo 'ashena, maye aỹem qonetalec naxa 'enauaque naua na'axa'te choche ivitta'a nagui? ¿Qaq huo'o peta'a ca huaña da 'am so'otec ca 'eeta'am de'era? Nache so Balaam 'eeta': ¡'A'i, saishet!

Josué 5:13

Huo'o so na'a'q, nache so Josué hueta'a ye sa qaỹapeque ye Jericó, nache co'ollaq namatasheguem, nache ila'a so ỹale nachattañi, nasoqta'a so lainec, nache so Josué nquicot somaye nache inat, 'eeta': «¿Peta'a maiche 'am qarỹa, qalqo' 'am qampa'aguenaxaua?»

Josué 5:14

Nache somaye 'enapeco': «¡'A'i saishet! Qalaxaye aỹem ñanac, cha'aye aỹem Lataxala' na nalleppi Ñim Nataxala'.» Huaña nache so Josué ỹa'alyiñi naua l-llecte iviraxata'aguet naqa'en na latap na 'alhua, nache 'eeta': «¿Ca 'eetec ca 'aỹa'anem 'ara'aqtac ne'ena 'aramaxashec 'am ỹataxala'?»