Números 22:26 - La'aqtaqa Ñim Lo'onatac 'Enauacna 2013

²⁶ Qalaxaye so lamaxashec piguem le'ec Ñim Nataxala', hueqata'ague da taỹa'ague somaye, nache nachatchiguingui na laiñi so sa lca'ague nqa'aic, nache somaye saishet da dasheuec, cha'aye ỹataqta sa lca'ague so nqa'aic.

Números 22:26 Referans Kwoze

Oseas 2:6

Qaq ỹoqo'oye sapogui qome nam llecpi sauota'a ana ỹaxat, qataq sauo'o ca npaqtaxanaxat da sapoua'a, yaqto' saishet da ỹanata nam llecpi.

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Números 22:25

Qaq aso 'ashena co'ollaq ila'a so lamaxashec piguem le'ec Ñim Nataxala', nache hua'aqot se'eso npaqtaxanaxat, nache ipataxaguet somaye na lapia' so Balaam. Nache so Balaam qaltaq iuaxaatalec asomaye.

Números 22:27

Nache aso 'ashena co'ollaq ila'a so lamaxashec piguem le'ec Ñim Nataxala', nache nasoola't qaq so Balaam, nache netalec asomaye. Huaña, nache so Balaam ỹataqta dalemata, nache irota'a so 'epaq da iuaxaatac aso 'ashena.