Números 22:18 - La'aqtaqa Ñim Lo'onatac 'Enauacna 2013

¹⁸ Qalaxaye so Balaam, 'enapeco': Na'aictoxo' da aỹem ỹanem 'enauac ca oro, qataq ca plata, maye imattaigui ca lma' ca Balac, qalaxaye aỹem saishet da seca'ata camaye. Cha'aye aỹem sa sishet da so'ot ca lta'araic, huo'otaq ca qapio'olec, da ñapacalec ca la'aqtac Ñim Nataxala' maye Ñatamnaxala'.

Números 22:18 Referans Kwoze

Números 24:13

da na'aictaxa da aỹem 'aỹa'anem ñi 'arma' maye nlaqchigui na oro qataq na plata, qalaxaye aỹem saishet da ñapacalec ca la'aqtac Ñim Nataxala' da yaqto' so'ot ca no'on huo'otaq ca qauem, nacherata da sa'axat ca la'aqtac Ñim Nataxala'.

2 Crónicas 18:13

Nache so Micaías, 'enapeco': Qaq cha'aye 'eesa da nca'altauec Ñim Nataxala', nache cam la'aqtac maye aỹem ỹanem Ñimaye, nacheca qome ca sa'axat.

1 Reyes 22:14

Nache so Micaía, 'enapeco': Qaq cha'aye 'eesa da nca'altauec Ñim Nataxala', nache cam la'aqtac maye aỹem ỹanem Ñimaye, nacheca qome ca sa'axat.

Números 23:26

Nache so Balaam 'enapeco': ¿Peta'a saisheto' da 'am sheetega co'ollaxa, da nachecata ca aỹem ỹanem la'aqtac Ñim Lo'onatac 'Enauacna maye ishet da sa'axat?

Números 22:38

Nache so Balaam 'enapega so Balac, 'eeta': Aja', qalaxaye mashe soota'a ne'ena, aỹem 'am ñanaỹa. Qalaxaye aỹem, saishet da sa'axat ca saishet da aỹem ỹanem Ñim Lo'onatac 'Enauacna.

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

Hechos 8:20

Nache so Pedro 'enapego' somaye, 'eeta': –Ana 'om 'arỹaueegue' da 'auqat, cha'aye 'aupi'itaxaatega da qaisheenaxata'a da lqouagaxanaqtaic Ñim Lo'onatac 'Enauacna.

Daniel 5:17

Qaq huaña nache so Daniel ỹasateguet so nta'a, 'eeta': 'Am nta'a, nache 'am hueto'ot qome cam huotaique da ñeme 'anqa'en, qataq 'aỹa'anem ca lỹa shiỹaxaua dam ño'oxoyec da do'onataxaneua'a na 'arma' lta'araic. Qaq aỹem qalaq choche 'am sa'aqtaxanem 'am nta'a, dam naigui yi'iyiua na'aqtaqa maye nanettaleguete na lque.

Números 22:19

Qalaxaye nataqa'en qami' qoviỹa'a qome ne'ena pe, ne'ena ima', cha'aye seuata'a ca 'eetec ca dalaxaic la'aqtac Ñim Nataxala'.

Números 24:12

Nache so Balaam 'enapego' somaye, 'eeta': Aỹem mashe sa'aqtaxaateguem so 'aramaxashecpi co'ollaxa,

1 Reyes 13:8

Qalaxaye so la'aqtaxanaxanec Ñim Lo'onatac 'Enauacna 'enapega so nta'a, 'eeta': Na'aictoxo' da aỹem 'aỹa'anem ca tachiguingui na laiñi nam 'aralamaxatpi, qalaxaye aỹem saishet da 'am seca'ategue, qataq saishet da sachec aca nauole, huo'otaq da ñeỹomgui ca 'etaxat da huaña ne'ena.

Números 22:8

Nache so Balaam 'enapego' somayepi, 'eeta': Ña qoviỹa'a na ima' ne'ena pe, nache aỹem qami' sa'aqtaxanema qome ca la'aqtac Ñim Nataxala'. Nache se'eso nqueroxonecpi maye Moab le'ecpi, hua'a so lma' somaye se'eso pe.

Josué 24:10

Qalaxaye aỹem sa sashenem somaye da qami' ỹasaxaleguete ca qauem, nacherata da qami' ỹasaxaleguete ñaqa'en da qanchoxonnataguiiqui. Qaq 'era co'ollaxa da 'eetec da qami' ñeca'alaxatrec.

Da na'aqtaguec so Job 3:15

huo'otaq so nta'alpi maye nlaxatchiguilo soua lma'ate lta'al na oro qataq na plata.