Números 22:12 - La'aqtaqa Ñim Lo'onatac 'Enauacna 2013

¹² Nache Ñim Nataxala' 'enapega so Balaam, 'eeta': Saishet qome da 'auca'ategue namayepi, qataq saishet da 'auasaxalec ca qauem 'ara'aqtac yi'iye nhuo' le'ecpi, cha'aye yemayepi mashe sanem da no'on da llecỹaxac.

Números 22:12 Referans Kwoze

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Deuteronómio 23:5

Qalaxaye Ñim Nataxala' maye Qanatamnaxala'ai, saishet co'ollaxa da ỹoqocha'a so Balaam, souaxat da lauotaxanaqtaic da qoñiita. Nache Ñimaye chegoqchigui naqa'en de'era l-laraxanaxac somaye da qami' ỹanema da qanchoxonnataguiiqui.

Romanos 11:29

Ñim Lo'onatac 'Enauacna saishet da ñe'eguelaxaala't cam mashe ime da ỹan, qataq saishet da icoua'ai cam shiỹaxauapi maye lca'aguishecpi.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Deuteronómio 33:29

¡'Am Israel, ỹataqta 'auamachiguiñi qome! ¿Negue'tom ca 'am 'eeta'am? Cha'aye 'am lca'alaqtac Ñim Nataxala', Ñimaye 'am npaxattalec qataq 'am itauan, ¡Ñimaye 'eeta'am ca 'ainec maye huegaxanaxaic! Qaq ỹo'ot qome da 'oxonec ca 'ampa'aguenaxauapi qataq da 'auapigui camayepi.

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Salmos 146:5

Qaq ỹataqta machiguiñi qome cam ỹaconeguet, da ltaunaxanaxac Ñim Natamnaxala' so Jacob, cam ỹacheto'ot da naquitaxac Ñim Nataxala' maye Natamnaxala',

Salmos 144:15

Ỹataqta machiguiñi qome ca nhuo' le'ecpi maye hueto'ot 'enauac de'era, ỹataqta machiguiñi qome ca nhuo' le'ecpi maye Natamnaxala' Ñim Nataxala'.

Números 23:23

Nache qaica ca ishet da ỹo'otec ca qauem so Jacob, huo'otaq camachaqca ne'enaxanaxac na Israel le'ecpi. Qaq da qaitaxaỹa so Jacob qataq na Israel le'ecpi nache qoỹeeta': Ña qauloỹa da ỹo'otec Ñim Nataxala' namayepi.

Números 23:3

Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' shapegueto' da ishet da ñauane' Ñim Nataxala'. Qaq ca la'aqtac Ñimaye, nache 'am sa'axatem qome. Nache so Balaam jec, tasheguema aso no'oitelec lcomaraxalate.

Números 22:6

Ỹoqo'oye 'am ñachoxonnot da sa 'anaỹaloxon qome da 'auanac, yaqto' 'auasaxalec qome ca qauem 'ara'aqtac namayepi, cha'aye namayepi ỹataqta napacalec da qara'añaxac. Shapegueto' qom ishet da so'orauec da yaqto' ca'ai ne'ena 'alhua. Cha'aye aỹem saỹaten da huo'o ca 'auasaxalec ca no'on 'ara'aqtac, nache talec ca no'on, qaq ca 'auasaxalec ca qauem 'ara'aqtac, nache talec ca qauem.»

Números 22:11

da huo'o ca nhuo' le'ecpi chegoqta'ague da Egipto, qaq camayepi mashe imattalec 'enauac ye na'alhua camaye. Nache cam Balac, aỹem 'eetega da sa ñaỹaloxon da ñeqo'ona da yaqto' sasaxalec ca qauem ỹa'aqtac camayepi, yaqto' da nalaate', nache ishet da ỹo'orauec, ca'ai naqa'en ye 'alhua.

Números 22:13

Nache so lỹa na'a'q, so Balaam no'ottasheguem, nache 'enapega so nataxala'pi maye lamaxashecpi so Balac, 'eeta': Qami', qavi'iguelaqỹa qome ca qarmaye. Cha'aye Ñim Nataxala' aỹem sa ỹashenem da qami' seca'ateguelo.

Números 23:8

Qalaxaye ¿Ca 'eeteco' da sasaxalec ca qauem ỹa'aqtac, ne'ena shiỹaxauapi maye Ñim Lo'onatac 'Enauacna saishet da ỹasaxalec ca qauem la'aqtac? ¿Qataq ta'ainec taxa da sasaxalec ca nhuaxanaguec, ye Ñim Nataxala' saishet da ỹo'ot ca nhuaxanaguec?

Números 24:9

Qaq da nmatec, qalaq 'eeta'am ca quiyoc da nqapaxaatañi, ¡Nache qaica ca ỹe'egueeta'a da nlouec naqa'en! ¡Ỹataqta talec da nchoxonnataxanaxa ca 'am ichoxoren, qaq saishet da talec da nchoxonnataguec ca 'am saichoxoren!»

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Deuteronómio 7:14

Nache qami' huetaleguete qome da nchoxonnataxanaxa saishet da qoñiita'am na laỹepi shiỹaxauapi. Cha'aye qaica qome ca ỹale, huo'otaq aca 'alo da sa deco'o, ivira'a ca shiguiỹacpi 'enauac da huo'o ca llalaqpi.

Deuteronómio 28:6

qataq huo'o qome da 'anchoxonnataguec da 'arviraxac, qataq da 'aunoxonec.

2 Crónicas 31:10

nache so lataxala' so ntaxaỹaxanaxanecpi Azarías, maye chegoxoguet so Sadoc, ỹasateguet somaye 'eeta': «Chegoqchiguiña co'ollaq qaỹacoolec da qandoua'a ana atamnaxaqui maye lalamaqte Ñim Nataxala' ne'ena nachetaqtaxanaxatpi, nache qomi' saishet da seuenaqtaique ca sacheguenaq, qalaxaye ñaqaiyeta qalota na no'onañi, qaq 'enauac ne'ena nachena na no'onañi, cha'aye Ñim Nataxala' talec naqa'en da nqouagaxa nam lalamaxat nhuo' le'ecpi.»

Isaías 61:9

Qaq nam chegoxoguetpi namayepi qalaq ỹataqta huo'o qome da ño'oxonnataguec da ỹalectaigui na ỹotta'a't shiỹaxauapi, qataq 'enauac nam ila'a qome namayepi, nache ỹauatton da nhuo' le'ecpi maye Ñim Nataxala' ỹasaxalec da lchoxonnataxanaxa.