Números 22:1 - La'aqtaqa Ñim Lo'onatac 'Enauacna 2013

¹ Qaq so Israel le'ecpi qaltaq jec co'ollaxa, nache naña ye nalochiguiñi 'alhua ye Moab, maye pa'aỹa'ague da nala' lliguisheguem ye Jordán qataq nalotta ye Jericó.

Números 22:1 Referans Kwoze

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.

Deuteronómio 34:8

Nache so Israel le'ecpi nỹeetapeguelec co'ollaxa so Moisés soua treinta na'axa'te huaña ye ca'amapega't 'alhua ye Moab, nache qaipacchigui da lataxac da nasouaxac.

Deuteronómio 34:1

So Moisés chegoqchiguiña co'ollaxa ye toolec 'alhua ye Moab da tasheguema añi qasoxonaxa Nebo, nache ivittasheguema na pa'asheguem añi qasoxonaxa Pisga maye nalotta ye Jericó. Qaq nache huaña co'ollaxa da Ñim Nataxala' ỹallelec naqa'en 'enauac ye 'alhua ye Galaad, ivitta'a ye na'alhua so Dan,

Deuteronómio 3:8

Qaq 'era da 'eetec se'eso na'a'q da saconaxa ye na'alhuapi se'esoua dos nta'al maye ilotagueto so amorreopi maye neraña co'ollaxa ye pa'aỹa'ague da nala' lliguisheguem ye tala Arnón, qataq ivitta'a añi qasoxonaxa Hermón,

Deuteronómio 1:5

Qataq co'ollaq ñaq netaña ye pa'aigue da nala' lliguisheguem ye tala Jordán ye 'alhua Moab, nache so Moisés da'aqtaxanem co'ollaxa so Israel le'ecpi de'era napaxaguenataxanaxac, 'eeta':

Números 36:13

Qaq 'era da namaxasoxonaxac qataq da qalapaxañi lataxac maye Ñim Nataxala' ỹanem so Moisés, da yaqto' ỹamaxalec so Israel le'ecpi co'ollaq huaña ye nalochiguiñi 'alhua ye Moab, maye sa qaỹapeque ye Jordán qataq nalotta ye Jericó.

Números 34:15

Qaq ne'enaua dos qataq na maiche nalamaxat nhuo' le'ecpi maye ncolaxachigui co'ollaxa, mashe huo'o ye lalamaxat na'alhua pa'aigue da nala' lliguisheguem ye sa qaỹapeque ye tala Jordán, maye nalotta ye Jericó.»

Números 32:19

Qaq qomi', nache saishet da sauoqo'o ca qana'alhua yem pa'aitague da le'ego ye Jordán, cha'aye qomi' saconaxa ne'ena 'alhua maye npa'aitague na nala' lliguisheguem na Jordán.

Números 21:20

qataq chegoqchiguiña yemaye da taỹa ye ca'amapega't 'alhua ye Moab, nache ivittasheguema ye ỹoqta pa'asheguem añi qasoxonaxa Pisga, yem huaña da yo'oqotta ye toolec 'alhua.

Números 26:3

Nache so Moisés qataq so ntaxaỹaxanaxanec Eleazar, detaxairapegue' somayepi, huaña ye no'onaxa ye Moab, maye sa qaỹapeque ye tala Jordán, yem nalotta ye Jericó, 'eeta':

Jeremías 40:11

Qaq nataqa'en na judiopi maye hueta'a ye Moab, Amón, Edóm, qataq na hueta'a na laỹepi 'alhuapi la'axaỹaxac co'ollaxa, da so nta'a ye Babilonia ỹasheetem na judiopi da huo'o na no'onaña ye maiche na'alhua, qataq da ỹanagui da nta'a so Gedalías da ilo'ogue somayepi.

Números 31:12

nache se'eso loxonecpi ỹauegueua'a co'ollaxa so Moisés, qataq so ntaxaỹaxanaxanec Eleazar, qataq so nhuo' Israel le'ecpi maye netaña co'ollaxa ye nalochiguiñi 'alhua ye Moab, maye sa qaỹapeque ye Jordán qataq nalotta ye Jericó.

Números 35:1

Ñim Nataxala' 'enapega so Moisés, co'ollaq huaña ye nalochiguiñi 'alhua ye Moab, yem sa qaỹapeque ye Jordán qataq nalotta ye Jericó, 'eeta':