Números 21:6 - La'aqtaqa Ñim Lo'onatac 'Enauacna 2013

⁶ Nache Ñim Nataxala' namaxa somayepi so na'araxanaqpi maye qanlem na lshenataxanaxa da yaqto' inac, ỹoqo'oye qalota co'ollaxa so ileu se'eso Israel le'ecpi.

Números 21:6 Referans Kwoze

1 Corintios 10:9

Nataqa'en saishet da she'eguenaqtac Ñim Nataxala', 'eeta'am da 'eetec somayepi da huo'o co'ollaxa na ye'eguenataxan. Qaq ỹoqo'oye huo'o so ileupi co'ollaq so na'araxanaqpi detoxongui somayepi.

Jeremías 8:17

Ñim Nataxala', 'enapec: «Aỹem qami' ñamaxalo qome ca 'araxanaqpi maye huo'o na lshenataxanaxa, nache qami' desogaxanguilo, qaq camayepi qaica ca 'onataxac da ishet da dataỹa'aguet.»

Deuteronómio 8:15

qataq qoquiitalec nataqa'en ye toolec 'alhua maye chaqaic qataq qalochiguiñi, qataq nlaqtelec na 'araxanaq maye qanlem na lshenataxanaxa, qataq na pe'elaqtoic, qataq qaica na 'etaxat. Qalaxaye Ñimaye qami' ỹanema so 'etaxat ỹachegoxotaigui aso coma' da yaqto' qami' nỹomaxa'n,

Isaías 30:6

Qaỹa'axata'a da 'eetec qome nam shiguiỹacpi ye Néguev: Qaq ye 'alhua maye nlaqaalec da lchec, yem hueta'a na llonpi maye desoqtai', qataq hueta'a na 'araxanaqpi qataq nam 'araxanaq maye ishet da huaỹo, qataq ỹache da lsallaxa qataq na no'on logoxoshetpi ỹachelec na l-laq na 'ashena qataq ana nauanaxanaxa, da ira'a ye Egipto yem nhuo' le'ecpi maye qaica ca ỹaỹaana'a,

Isaías 14:29

Qami' Filistea le'ecpi saishet qome da qantoñiitapigui', da qoñeetega mashe huacaigui so pon maye qami' qairotegalo naxa da qami' qaiuaxaata'ape, cha'aye yem chegoqchiguiña so na'araxanaq, nache chegoqchiguiña qome ca lỹa na'araxanaq, qaq camaye ỹactec qome, cha'aye camaye huaỹo qome.

Ezequiel 14:15

Qaq da ñamaxa ca shiguiỹacpi maye qauemaicpi ca lỹa 'alhua da yaqto' ỹalauat ca netalecpi camaye, nache ỹe'eguelaxa da toolec naqa'en qataq qaica ca ishet da ỹa'axasoxoolec camaye, souaxat da ñe'etaique na shiguiỹac maye qauemaicpi,