Números 21:34 - La'aqtaqa Ñim Lo'onatac 'Enauacna 2013

³⁴ Qalaxaye Ñim Nataxala' 'enapega co'ollaxa so Moisés, 'eeta': «Saishet qome da 'aye'etega namayepi, cha'aye 'am sanem da 'oxonec na nta'a Og, qataq 'enauac na nalleppi, qataq na na'alhua. Qaq namaye, 'eeta'am 'anqa'en da qonetec co'ollaxa so Sijón maye lta'a na amorreopi som netaña ye Jesbón.»

Números 21:34 Referans Kwoze

Josué 8:7

Huaña qome nache qoquiỹa'aisalo naua qanqañoxotaqa'achilli' nache qauotaxañic ye huaqta'a't nỹecpi, cha'aye Ñim Nataxala' maye Qanatamnaxala'ai qami' ỹanema yemaye.

Isaías 41:13

Cha'aye Aỹem Nataxala' maye Aỹem 'Anatamnaxala', sacoota'aguet na 'oiguishec 'arhuaq qataq 'am shenapega, sheeta': ‹Saishet qome da 'añe'etac, Aỹem 'am setauan.›»

2 Reyes 3:18

Qaq damaye, ye saq 'amaqtaq naqa'en Ñim Nataxala', nache Ñimaye qami' ỹanema nataqa'en qome ye moabiitapi da yaqto' qoroxoñiqui.

1 Reyes 20:28

Huaña, nache so la'aqtaxanaxanec Ñim Lo'onatac 'Enauacna, 'enapega so nta'a ye Israel, 'eeta': Ñim Nataxala', 'eeta': «Qaq souaxat da na siiriopi 'eeta' da la'aqtac: ‹Ñim Nataxala' maye Atamnaxala', Ñimaye qasoxonaxa le'ec, saishet da netaña na ca'amapega'tpi, ỹoqo'oye 'am sanem da 'oxonec namayepi, yaqto' 'auaỹateeta da Aỹem, nachaỹem Nataxala'.›»

1 Reyes 20:13

Qaq huo'o co'ollaxa so na'aqtaxanaxanec da taua'a so Ajab, maye lta'a so Israel le'ecpi, nache 'eeta': «Ñim Nataxala', 'eeta' da la'aqtac: ‹¿Peta'a 'aulota'a ne'ena qalota shiỹaxauapi? Namayepi 'am sanem da 'oxonec nagui, yaqto' 'auaỹateeta da nachaỹem Nataxala'.›»

2 Samuel 5:19

Nache so David, inat co'ollaxa Ñim Nataxala', 'eeta': ¿Peta'a ñeqo'ona ye filisteopi da seloquiaxan? Qataq peta'a ¿aỹem 'aỹa'anem da ỹoxonec yemayepi? Nache Ñim Nataxala' 'enapeco': «Aja', 'anqo'ona qome da 'auloquiaxan, cha'aye mashe 'am sanem da 'oxonec yemayepi.»

1 Samuel 23:4

Nache so David qaltaq ỹe'eguelaxalec da inat Ñim Nataxala', nache Ñimaye, 'enapeco': 'Aue, qojec 'anqo'ona ye Keila, cha'aye aỹem 'am sanem da 'oxonec ye filisteopi.

Jueces 11:30

Yem huaña da so Jefté ỹanot da la'aqtac Ñim Nataxala', 'eeta': «Qom aỹem 'aỹa'anem da ỹoxonec ye amoniitapi,

Josué 10:25

huaña nache so Josué, 'enapeco': «Saishet da qayi'iitac, qataq da qauqaulleetac, qataq saishet da leuapigui ye qarvilỹaxaqui, nacherata da ỹataqta qami' qaramchiguilo qome qataq da qami' 'añaxaiqa, cha'aye 'era da 'eetec qome Ñim Nataxala' 'enauac na qampa'aguenaxauaipi.»

Josué 10:8

nache Ñim Nataxala' 'enapego' somaye, 'eeta': «Saishet qome da 'añe'etega yemayepi, cha'aye aỹem 'am sanem qome da 'oxonecpi, qaq yemayepi qaica ca ishet da 'am dataỹa'aguet.»

Deuteronómio 31:6

Qaq ỹoqo'oye qana'añaxache, qataq qami' qaramchiguilo qome, saishet da huo'o da qarcolanaqai, qataq saishet da qayi'iitac qom qauataiỹa'aguet yemayepi, cha'aye Ñim Nataxala' maye Qanatamnaxala'ai, qami' hueta'agueta qome qataq saishet da qami' ỹaxaare'c huo'otaq da qami' ỹala't.»

Deuteronómio 20:3

Nache 'eeta': Qami' Israel le'ecpi, ña qana'axaỹaxañiichiguiñi ne'ena na'a'q, cha'aye mashe yaqta'a da qaunoxoñiiua'a da qanalaache' na qampa'aguenaxauaipi. Qaq saishet qome da leuapigui ye qarville, qataq saishet da qayi'iitac, qataq saishet da qauqalviitac, qataq saishet da qami' iviloxolaqche't da qarcolanaqai.

Deuteronómio 7:24

Qaq qami' ỹanema da qoroxoñiqui ye lta'alpi yemayepi, ivitta'a da ỹataqta pal qanqa'eñi na le'enaxatpi yemayepi, cha'aye saishet da qami' nalo'ogueta qome da qami' deloguito.

Deuteronómio 3:11

Qaq se'eso nta'a Og, somaye nacheso so pa'atec som logoraicpi, so lmala' lcat qalaq ivi' cuatro metros ye lalogaxa, qaq ye lcategue qalaq ivi' dos metros. Qaq se'eso mala' ñaq 'eetalec nagui da qaimeteetac huetaña ye Rabá maye lma' so amoniitapi.

Números 14:9

Qaq ỹoqo'oye saishet qome da qauataiỹa'aguet Ñim Nataxala', qataq saishet da qayi'iitega yi'iye nhuo' le'ecpi maye lma' yemaye, cha'aye yemayepi sa qalaq da qoroxonec. Cha'aye yemayepi qaica ca npaxattalec, qomi' qalaxaye qomi' npaxattaleguete Ñim Nataxala'. ¡Ỹoqo'oye saishet da qayi'iitac!»

Números 32:4

maye loxonec co'ollaxa Ñim Nataxala' da yaqto' lalamaxat naqa'en na Israel le'ecpi, naamaye hualec na no'on 'auaqpi maye aloq na 'atetpi, qaq qomi' huo'o na qana'atetpi.

Deuteronómio 2:30

Qalaxaye so nta'a Sijón saishet co'ollaxa da qomi' ỹashenema da sa'axasoxonaxalec ye na'alhua, cha'aye Ñim Nataxala' maye Qanatamnaxala' nache 'ena'ac da qaramchigui naqa'en da lquiyaqteỹaxac, da yaqto' seloquiaxai' qataq qoroxonec, qaq nache ivitta'a nagui.

Deuteronómio 3:1

Qaq co'ollaq saqteuga so nqa'aic maye tateuga ye Basán, nache so Og maye lta'a so netaña yemaye nache qomi' ca'ata'agueta da qomi' iloquiaxa'n huaña ye Edrey.

Deuteronómio 7:17

Cha'aye sa iuena'a da qoñiita' da qarhuennataqai: «Ne'ena shiỹaxauapi ỹataqta qomi' napacaleguete ye lcata, ¿Qaq chaq shenaqteco' da so'oraqauec namayepi?»

Deuteronómio 7:18

¡Qalaxaye saishet qome da qañi'iitega yemayepi! Qantooñita'ac qome na ỹo'otpi co'ollaxa Ñim Nataxala' maye Qanatamnaxala'ai co'ollaq ỹauo'o da nhuaxanaguec so faraón, qataq 'enauac so netaña ye Egipto.

Deuteronómio 7:21

Ỹoqo'oye saishet qome da qami' iviloxolaqche't da qarcolanaqai souaxat da qañi'iitega yemayepi, cha'aye Ñim Nataxala' maye Qanatamnaxala'ai, Ñim 'Amaqtaqaic qataq ncolanaxat qami' hueta'agueta.