Números 21:28 - La'aqtaqa Ñim Lo'onatac 'Enauacna 2013

²⁸ Cha'aye ye Jesbón nache chegoqchiguiña so norec, qataq ye nỹecpi ye Sijón, nache chegoqchiguiña so le'eraxa da nlaxaañi so nỹecpi ye Ar, yem 'alhua Moab, qataq so nataxala'pi ye qaỹoqotcheguemec 'alhua ye Arnón.

Números 21:28 Referans Kwoze

Números 21:15

qataq na loigue so la'auaxacpi maye quetelec ye 'alhua Ar, ivitta'a ye loga't ye 'alhua Moab.»

Amós 2:5

Qaq ỹoqo'oye sauo'o qome ca norec da ỹavic ñaqa'en ye Judá, nache que'eca norec nlachiguiñi naqa'en qome na nma' lta'araicpi ye Jerusalén.

Amós 2:2

Ỹoqo'oye sauo'o qome ca norec da ỹavic ñaqa'en yi'iye 'alhua Moab, nache que'eca norec nlachiguiñi naqa'en qome na nma' lta'araicpi ye Queriot, nache da na'alaxac da qaỹa'alaxalec da alaataxac qataq da l-lamaxa ana nasheerepi, qalaq nache huaigui qome da ileu na Moab le'ecpi.

Amós 1:14

Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.

Amós 1:12

Qaq ỹoqo'oye sauo'o qome ca norec da ỹavic ñaqa'en ye Temán, nache que'eca norec nlachiguiñi naqa'en qome na nma' lta'araicpi ye Bosra.

Amós 1:10

Qaq ỹoqo'oye sauo'o qome ca norec da ỹavic ñaqa'en na lpaqtaxanaxatpi ye Tiro, nache que'eca norec ỹavigaxat qome na nma' lta'araicpi.

Amós 1:7

Qaq ỹoqo'oye sauo'o qome ca norec da ỹavic ñaqa'en na lpaqtaxanaxatpi ye Gaza, nache que'eca norec nlachiguiñi naqa'en na nma' lta'araicpi.

Amós 1:4

Qaq ỹoqo'oye serolec qome ca norec da savigaxat ñi lma' lta'araic so Jazael, qaq que'eca norec nataqa'en ỹavigaxat qome ñi lma' lta'araic so Ben Adad.

Isaías 10:16

Qaq ỹoqo'oye Ñim Nataxala' maye Qaica ca Ỹaqalanapec qaica qome ca la'añaxac naqa'en nam ỹataqta 'añaxaicpi, qataq ỹo'ot da 'eroigui na lo'oc souaxat na le'eraxa ca napaxa.

Jueces 9:20

Qalaxaye qom saishet da nache 'eetec de'era, nache da layeloxo ñi Abimelec, nmichiguiñi naqa'en qome na lma' na Siquén qataq ye Miló, qaq da layeloxo na Siquén qataq ye Miló nache chegaqaigui qome da imeuo naqa'en so Abimelec.»

Deuteronómio 2:18

‹Nagui, nache qaua'axasoxoñiilec ye loga't ye 'alhua Moab, nache qanqo'oñiỹa ye 'alhua Ar,

Deuteronómio 2:9

Huaña, nache Ñim Nataxala' qaltaq aỹem 'enapega 'eeta': ‹Saishet qome da qauloquiaxañi ye moabiitapi, cha'aye yemayepi chegoxoguet so Lot, qaq saishet da qami' sanema catai' laỹolec ye na'alhua yemayepi. Cha'aye Aỹem sanem co'ollaxa da yaqto' lalamaxat yi'iye 'alhua Ar.›»

Números 22:41

Qaq so lỹa na'a'q, nache so Balac ỹauec so Balaam da tasheguema ye Bamot Baal. Qaq huaña yemaye nache so Balaam ila'a so netaña so lpe'lpi so Israel le'ecpi.

Números 21:27

Qaq ỹoqo'oye nam do'onaxaataueegue naxa na la'aqtacpi, 'eeta': «¡Ña qauanaiua'a na Jesbón, nam lma' so Sijón! ¡Nache qaltaq qano'oxoñiisheguem na nỹecpi!

Salmos 78:63

So nsoxoppi qalaq ileu, ỹavigaxatta so norec, nache qaica ca do'onaxaalec da laronaxac ana huaron.

Isaías 15:4

Ye Hesbón qataq ye Eleale qalaq iỹaxaataique ca ntaunaguec, qaq da la'alaxac qalaq qaỹa'aqtega ivira'a ye Jahas. Qaq ỹoqo'oye na alleppi ye Moab ỹataqta ñi'i qataq nlaqchigui da lcolanaxa.

Isaías 16:12

Qaq na'aictaxa ye Moab da tasheguema ana lcomaraxalatepi, da huaña da nqouagaxauen ivitta'a da nasamñi, qataq na'aictaxa da taua'a añi natamnaxaqui da natamen, qalaxaye nache 'ena'am qaica qome ca ỹachegoxotaigui damaye.

Jueces 9:15

Qalaxaye asa'aso ỹaxat 'enapego' aso qo'oipaqpi, 'eeta': Da ỹoqta 'eesa da qauauoitaique da aỹem qarta'ai, nache qauanaqui da qoviỹo'ot na ipaqal. Qalaxaye da saishet da aỹem qaualaqaiguet, huaña qome nache aỹem chegaqaigui ca norec, maye ỹavigaxat 'enauac aye cedropi maye huaña ye Líbano.