Números 21:27 - La'aqtaqa Ñim Lo'onatac 'Enauacna 2013

²⁷ Qaq ỹoqo'oye nam do'onaxaataueegue naxa na la'aqtacpi, 'eeta': «¡Ña qauanaiua'a na Jesbón, nam lma' so Sijón! ¡Nache qaltaq qano'oxoñiisheguem na nỹecpi!

Números 21:27 Referans Kwoze

Habacuc 2:6

Qalaxaye 'enauac nam ỹotta'a't shiỹaxauapi maye noxonecpi co'ollaxa, namayepi choche ỹe'eetac nam doxonaxanpi co'ollaxa, nache do'onaxaatai' qome, 'eeta': ¡Choxoraicolec 'am maye 'ausalligui nam saishet da 'aralamaxatpi! Qaq ¿chaq laguio' da 'axaañi da 'alapootasheguem da nsallaxa maye choche 'ara'aalec?

Isaías 14:4

nache qanlamaxareñi qome da qanasaqairec ne'enaua na'aqtaqa, da yaqto' qavi'iñiitac ñi nta'a ye Babilonia, nache qoñiita': «¡Ña qaumiiñi dam ivireguet ñim qaica ca iren! ¡Ña qauloỹa dam ivireguet naqa'en da ño'oxonnaxac!

Números 21:14

Qaq ỹoqo'oye aso nere maye ỹa'axat da nalaataxac Ñim Nataxala', 'eeta': «Sa'asoxonaxalec aso Auaxai Togaxarai, qataq so la'auaxacpi ye 'alhua ye Arnón,

Números 21:26

Qaq yi'iye nỹecpi ye Jesbón, nacheye ye netaña co'ollaxa so Sijón som lta'a so amorreopi. Somaye nacheso so deloctague' co'ollaxa so hua'auñi nta'a ye Moab, nache deuotaxanec ye na'alhua somaye, ivitta'a so tala Arnón.

Números 21:28

Cha'aye ye Jesbón nache chegoqchiguiña so norec, qataq ye nỹecpi ye Sijón, nache chegoqchiguiña so le'eraxa da nlaxaañi so nỹecpi ye Ar, yem 'alhua Moab, qataq so nataxala'pi ye qaỹoqotcheguemec 'alhua ye Arnón.

Nehemías 7:1

Qaq co'ollaq mashe ime da qano'oxoosheguem se'eso npaqtaxanaxat, qataq da qoỹanauo so lasompi, nache qoỹaneuo som ilo'ogue so lasompi, qataq so no'onaxanaxanecpi, qataq so leviitapi.