Números 21:26 - La'aqtaqa Ñim Lo'onatac 'Enauacna 2013

²⁶ Qaq yi'iye nỹecpi ye Jesbón, nacheye ye netaña co'ollaxa so Sijón som lta'a so amorreopi. Somaye nacheso so deloctague' co'ollaxa so hua'auñi nta'a ye Moab, nache deuotaxanec ye na'alhua somaye, ivitta'a so tala Arnón.

Números 21:26 Referans Kwoze

Números 21:25

Huaña, nache so Israel le'ecpi ỹacona nache naigui 'enauac so huaqta'a't nỹecpi maye ỹotta'a't naua nañalo maye lalamaxat se'eso amorreopi, maye naña ye Jesbón, qataq so laỹepi nỹecpiolec maye naugalo naua loiguiye yemaye.

Números 21:27

Qaq ỹoqo'oye nam do'onaxaataueegue naxa na la'aqtacpi, 'eeta': «¡Ña qauanaiua'a na Jesbón, nam lma' so Sijón! ¡Nache qaltaq qano'oxoñiisheguem na nỹecpi!

Jueces 11:26

Qaq mashe ivi' naua trescientos vi'iye da sonaqtalec na Jesbón, qataq na Aroer qataq na lauoreuapi nma'piolec, qataq 'enauac na huaqta'a't nỹecpi maye ỹotta'a't naua nañalo maye hueto'ot na loigue so tala Arnón. Qalaq ¿ta'ainco' da sa qauanaqui co'ollaxa 'enauac se'esoua vi'iye da qauotaxañic namayepi?

Cantares 7:4

Na 'arqosot 'eeta'am ana nalloxolate maye chegaqaigui na lpi'inec ana lhue ana qasoxonaxa. Naua 'ara'ai'te ỹataqta cherañi 'eeta'ama yeua lapelolel maye netraña ye Hesbón, huaqta'ai' ñi lasom ye Bat Rabín. Ñi 'armic 'eeta'am añi nalloxolate ye Líbano, maye ilotague' qataq datatta ye Damasco.

Jeremías 48:45

«Qaq huo'o qome na datauec qalaq qaica ca la'añaxac, nache jec da ỹe'eguena da deuaxaỹot ye Hesbón, qalaxaye ye Hesbón yem lalamaxat so nta'a Sijón yemaye ỹavictac qaq na norec nache nquictauec nache ivira'a da ỹavigaxat añi qasoxonaxa ye Moab, yem nhuo' le'ecpi maye 'oopaicpi.

Deuteronómio 1:4

Qaq damaye huetoigui co'ollaq mashe ime da loxonec so Sijón, so lta'a so amorreopi maye lma' ye Jesbón, qataq so Og maye lta'a na netaña ye Basán qataq ilotague' so netaña ye Astarot qataq ye Edrey.

Josué 13:16

Nache se'eso lalamaxat na'alhua somayepi, nache chegoqchiguiña ye Aroer maye naña so loigue so tala Arnón, qataq so huaqta'a't nỹecpi maye naña na laiñi so ca'amapega't, qataq 'enauac so nalochiguiñi 'alhua ye Medeba,

Josué 13:17

qataq ivira'a ye Jesbón qataq 'enauac so huaqta'a't nỹecpi maye naña ye nalochiguiñi 'alhua ye Dibón, Bamot Baal, qataq ye Bet Baal Megón,

Josué 13:25

Nache somayepi taalec ye Jazer, qataq 'enauac so huaqta'a't nỹecpi maye ỹotta'a't naua nañalo ye Galaad, qataq so laỹe som na'alhua co'ollaxa so amoniitapi, nache ivitta'a so huaqta'a't nỹecpi ye Aroer, maye datatta ye Rabá,

Josué 21:39

Jesbón qataq ye Jazer. Nache ivi' cuatro se'eso huaqta'a't nỹecpi maye ỹotta'a't naua nañalo, lỹaueegue' so no'onaxapi maye lquia'aqa' na 'atetpi,

Cantares 7:5

Na 'arqaic qalaq 'eeta'am ñaqa'en añi qasoxonaxa Carmelo. Na 'araue qashelec qataq tocalec da lo'oxoỹaxac, ana 'anamogue nache 'eeta'am da lcoñetegueshec ca nta'a.

Jeremías 48:2

Da llo'oxoyec ye Moab qalaq mashe imeuo. Ye Esbón maye mpa'aguenaxauapi yemaye, qalaq mashe lapaxañi nam lhuennataxacpi da yaqto' ye Moab imeuo na hueta'a shiỹaxauapi. Qaq 'am Madmena nataqa'en 'am dolachigui qome, cha'aye ca alaataxac saishet da 'am ỹaxaatac qome.

Jeremías 48:20

Ye Moab huo'o da la'agaxa, qataq nlaxagui da lcolanaxa. ¡Ñaq qaualaqai, qataq qanỹeñiilec yemaye! ¡Qaua'aqtaxañim ye Arnón da ye Moab ỹataqta dolachigui!»