Números 21:25 - La'aqtaqa Ñim Lo'onatac 'Enauacna 2013

²⁵ Huaña, nache so Israel le'ecpi ỹacona nache naigui 'enauac so huaqta'a't nỹecpi maye ỹotta'a't naua nañalo maye lalamaxat se'eso amorreopi, maye naña ye Jesbón, qataq so laỹepi nỹecpiolec maye naugalo naua loiguiye yemaye.

Números 21:25 Referans Kwoze

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.

Ezequiel 16:53

Aỹem, so'ot qome da qaica ca iueetaique ye Sodoma qataq ye Samaria, qataq nam salamai' nỹecpiolec maye coleesopa yeemaye, qaq 'am nataqa'en 'am sanem qome da qaica ca 'aueetaique,

Ezequiel 16:49

Qaq 'ena nam lasouaxashetpi co'ollaxa aso 'arqaỹa Sodoma, asomaye qataq nam salamai' nỹecpiolec maye coleesop, huo'o co'ollaxa da ño'oxonnaxac souaxat da saqoue na aloq, qataq souaxat da huetaigui da qaica ca iuen, qalaxaye saỹauano' da itauan ca choxoraq qataq ca deuenaxaatac.

Ezequiel 16:46

Da sheu' qalaq neta'ague añi 'arqaỹa ỹe, maye nacheye yem huaqta'a't nỹecpi ye Samaria, qataq 'enauac nam salamai' nỹecpiolec maye coleesop yemaye, qaq da taguiñi qalaq neta'ague añi 'arqaỹa na'asa, maye nacheye yem huaqta'a't nỹecpi ye Sodoma, qataq 'enauac nam salamai' nỹecpiolec maye coleesop yemaye.

Jeremías 48:45

«Qaq huo'o qome na datauec qalaq qaica ca la'añaxac, nache jec da ỹe'eguena da deuaxaỹot ye Hesbón, qalaxaye ye Hesbón yem lalamaxat so nta'a Sijón yemaye ỹavictac qaq na norec nache nquictauec nache ivira'a da ỹavigaxat añi qasoxonaxa ye Moab, yem nhuo' le'ecpi maye 'oopaicpi.

Jeremías 48:34

Na shiỹaxauapi ye Hesbón qalaq ỹa'alaqtac souaxat da nqui'ic, qaq da la'alaxac qalaq ivira'a ye Eleale qataq ye Jahas. Qataq chegoqchiguiña ye Sóar, nache ivira'a ye Joronayin qataq ye Eglat Selisiyá, cha'aye ivira'a ana 'etaxat laỹe'pi ye Nimrín da deqaqta.

Jeremías 48:2

Da llo'oxoyec ye Moab qalaq mashe imeuo. Ye Esbón maye mpa'aguenaxauapi yemaye, qalaq mashe lapaxañi nam lhuennataxacpi da yaqto' ye Moab imeuo na hueta'a shiỹaxauapi. Qaq 'am Madmena nataqa'en 'am dolachigui qome, cha'aye ca alaataxac saishet da 'am ỹaxaatac qome.

Isaías 15:4

Ye Hesbón qataq ye Eleale qalaq iỹaxaataique ca ntaunaguec, qaq da la'alaxac qalaq qaỹa'aqtega ivira'a ye Jahas. Qaq ỹoqo'oye na alleppi ye Moab ỹataqta ñi'i qataq nlaqchigui da lcolanaxa.

Cantares 7:4

Na 'arqosot 'eeta'am ana nalloxolate maye chegaqaigui na lpi'inec ana lhue ana qasoxonaxa. Naua 'ara'ai'te ỹataqta cherañi 'eeta'ama yeua lapelolel maye netraña ye Hesbón, huaqta'ai' ñi lasom ye Bat Rabín. Ñi 'armic 'eeta'am añi nalloxolate ye Líbano, maye ilotague' qataq datatta ye Damasco.

Deuteronómio 2:12

Qaq yi'iye 'alhua Seír, yemaye netalec co'ollaxa so horeopi, qalaxaye so chegoxoguetpi so Esaú, nmatchiguiñi co'ollaxa se'eso horeopi, nache somayepi nalec co'ollaxa da ỹauo'o lalamaxat. Qaq nachera da 'eetec qome na Israel le'ecpi da nalec ye 'alhua maye Ñim Nataxala' ỹanem da lalamaxat namayepi.

Números 21:31

Qaq 'era da 'eetec co'ollaxa so Israel le'ecpi, da nalec ye na'alhua so amorreopi.

Números 21:26

Qaq yi'iye nỹecpi ye Jesbón, nacheye ye netaña co'ollaxa so Sijón som lta'a so amorreopi. Somaye nacheso so deloctague' co'ollaxa so hua'auñi nta'a ye Moab, nache deuotaxanec ye na'alhua somaye, ivitta'a so tala Arnón.

Jueces 11:26

Qaq mashe ivi' naua trescientos vi'iye da sonaqtalec na Jesbón, qataq na Aroer qataq na lauoreuapi nma'piolec, qataq 'enauac na huaqta'a't nỹecpi maye ỹotta'a't naua nañalo maye hueto'ot na loigue so tala Arnón. Qalaq ¿ta'ainco' da sa qauanaqui co'ollaxa 'enauac se'esoua vi'iye da qauotaxañic namayepi?

Números 32:3

Naua 'aleu', Atarot, Dibón, Jazer, Nimrá, Jesbón, Eleale, Sebán, Nebo qataq Beón,

Josué 24:8

nache ivitta'a da qami' ñauegalo ye na'alhua ye amorreopi maye pa'aỹa'ague da nala' lliguisheguem so Jordán. Qaq yemayepi qami' deloctagueto, qalaxaye aỹem, qami' sanema da qoroxoñiqui yemayepi, nache qanaviqui yemayepi, nache qauacoñiỹa yem 'alhuapi.