Números 21:24 - La'aqtaqa Ñim Lo'onatac 'Enauacna 2013

²⁴ Qalaxaye so Israel le'ecpi loxonec somayepi, nache deuotaxanec 'enauac ye na'alhua, chegoqchiguiña so tala Arnón ivitta'a so lỹa tala le'enaxat Yaboc, qataq ivitta'a so loga't ye na'alhua so amoniitapi, maye huo'o so lpaqtaxat.

Números 21:24 Referans Kwoze

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Salmos 136:19

Som Sijón maye lta'a so amorreopi, cha'aye da lauotaxanaqtaic chochaq tatec.

Nehemías 9:22

Nataqa'en 'aỹa'anem da lo'onataxanaxac so nta'alpi qataq ỹotta'a't shiỹaxauapi, qataq 'analoqñigui so 'alhuapi, qataq deuotaxanec 'anqa'en so na'alhuapi so Og qataq so Sijón, som nta'al co'ollaxa ye Jesbón qataq ye Basán.

Josué 24:8

nache ivitta'a da qami' ñauegalo ye na'alhua ye amorreopi maye pa'aỹa'ague da nala' lliguisheguem so Jordán. Qaq yemayepi qami' deloctagueto, qalaxaye aỹem, qami' sanema da qoroxoñiqui yemayepi, nache qanaviqui yemayepi, nache qauacoñiỹa yem 'alhuapi.

Génesis 32:22

Qaq nacheso se'eso pe, da ñisheguem so Jacob, nache ỹaconeua'alo soua dos lhua't, qataq soua dos lamaxashe, qataq soua once llalqa. Ime, nache ỹa'axasoxoolec naqa'en somayepi so la'auaxac le'enaxat Yaboc,

Jueces 21:8

Nache nnattega't, 'eeta': ¿Qaq ne'ena maiche nhuo' Israel le'ecpi peta'a huo'o ca sa ỹalegueua'a co'ollaxa se'eso qaraponaxac da ñenataxai' Ñim Nataxala' maye huaña ye Mispá? Qaq huaña nache somayepi ntoonec da ye Jabés maye huaigui ye Galaad qaica co'ollaxa ca ỹalegueua'a se'eso lta'araic naỹonaxac,

Josué 9:10

qataq da ỹo'oteque co'ollaxa soua dos lta'al so amorreopi maye neraña da le'ego ye tala Jordán, so Sijón maye nta'a ye Jesbón, qataq so Og maye nta'a ye Basán maye netaña ye Astarot.

Deuteronómio 29:7

Qaq co'ollaq ñevitaxa ne'ena 'alhua, nache so Sijón, maye lta'a so netaña ye Jesbón, qataq so Og, maye lta'a so netaña ye Basán, qomi' ca'ata'agueta co'ollaxa da yaqto' qomi' iloquiaxa'n qalaxaye qoroxonec.

Deuteronómio 3:16

Qaq na maiche nhuo' le'ecpi maye chegoxoguet so Rubén qataq so Gad, sanem ye chegoqchiguiña ye Galaad, nache ivira'a so la'auaxac Arnón, qataq ivitta'a ye tala Yaboc, maye loga't ye na'alhua so amoniitapi.

Números 21:13

Ime qaltaq chegoqchiguiña yemaye da jec, nache naña ye pa'aitague da le'ego so tala Arnón, maye huaña ye toolec 'alhua. Qaq yemaye nache chegoqchiguiña na na'alhua so amorreopi, qataq nache la'anaxat naua loga'te na na'alhua so Moab le'ecpi, qataq so amorreopi.

Josué 13:12

Nataqa'en yem 'alhuapi maye ilotague' co'ollaxa so Og, som nta'a ye Basán, maye ilotague' nataqa'en ye Astarot qataq ye Edrey. Qaq somaye nache pa'atec som chegoxoguetpi som refaiitapi, maye so Moisés loxonec co'ollaxa qataq ỹo'orauec.

Jueces 11:13

Nache so lta'a so 'amoniitapi 'enapegalo' soua lamaxa'she so Jefté, 'eeta': «Qami' Israel le'ecpi, co'ollaq qoquiỹa'ai ye Egipto, nache qauotaxañic na ña'alhua, chegoqchiguiña so tala Arnón, nache ivitta'a so tala Yaboc qataq ye Jordán. Qaq ỹoqo'oye nagui aỹem qavi'iguelaxachiỹot yi'iye 'alhua, yaqto' selagaqtapiguiñi qome.»

Deuteronómio 1:4

Qaq damaye huetoigui co'ollaq mashe ime da loxonec so Sijón, so lta'a so amorreopi maye lma' ye Jesbón, qataq so Og maye lta'a na netaña ye Basán qataq ilotague' so netaña ye Astarot qataq ye Edrey.

Deuteronómio 4:46

co'ollaq ñaq hueta'a ye pa'aigue da nala' lliguisheguem ye tala Jordán, yem ca'amapega't maye nalotta ye Bet Pegor, maye na'alhua co'ollaxa so Sijón, som lta'a na amorreopi. Qaq se'eso Sijón, netaña co'ollaxa ye Jesbón, qaq so Moisés qataq so Israel le'ecpi loxonec co'ollaxa somaye co'ollaq ca'ai somayepi ye Egipto.

Deuteronómio 31:4

Qataq yi'iye shiỹaxauapi, Ñim Nataxala' 'eeta'am qome naqa'en da 'eeteque soua Sijón, qataq so Og, maye lta'al na amorreopi, qataq da 'eetec ye na'alhua maye ỹataqta nlachiguiñi naqa'en co'ollaxa Ñimaye.

Jueces 10:11

Nache Ñim Nataxala' 'enapeco': «Co'ollaq qami' sa iyacna'ape na Egipto le'ecpi, amorreopi, 'amoniitapi, filisteopi,