Números 21:23 - La'aqtaqa Ñim Lo'onatac 'Enauacna 2013

²³ Qalaxaye so Sijón sa ỹashenem so Israel le'ecpi da ỹa'axasoxoolec so na'alhua, nacherata da laỹona't so nalleppi, nache tauga so toolec 'alhua da nauana'aguet somayepi, qaq co'ollaq ivita ye Yahás nache iloquiaxan.

Números 21:23 Referans Kwoze

Jueces 11:20

Qalaxaye so nta'a Sijón saishet da qomi' ỹa'amaqte'n co'ollaxa, nache qomi' sa ỹashenema da sa'axasoxonaxalec ye na'alhua, nacherata da laỹona't 'enauac so nalleppi, nache nqo'ona ye Yahás, nache ỹanaña so lpe'lpi, nache qomi' iloquiaxa'n.

Jeremías 48:34

Na shiỹaxauapi ye Hesbón qalaq ỹa'alaqtac souaxat da nqui'ic, qaq da la'alaxac qalaq ivira'a ye Eleale qataq ye Jahas. Qataq chegoqchiguiña ye Sóar, nache ivira'a ye Joronayin qataq ye Eglat Selisiyá, cha'aye ivira'a ana 'etaxat laỹe'pi ye Nimrín da deqaqta.

Isaías 15:4

Ye Hesbón qataq ye Eleale qalaq iỹaxaataique ca ntaunaguec, qaq da la'alaxac qalaq qaỹa'aqtega ivira'a ye Jahas. Qaq ỹoqo'oye na alleppi ye Moab ỹataqta ñi'i qataq nlaqchigui da lcolanaxa.

Números 20:21

nache somaye ỹataqta sa ỹashen da qaỹa'asoxoolec so na'alhua. Nache so Israel le'ecpi dasheuec ỹaqa'a so tateuga nqa'aic.

Josué 13:18

Yahás, Cademot, Mefagat,

Jeremías 48:21

Mashe nvi' da nhuaxanaguec maye qaitaxaỹa co'ollaxa da talec nam huaqta'a't nỹecpi maye hueta'a ye nalochiguiñi 'alhua: Ye Holón, Jahas, Mefagat,

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Números 20:18

Nache so nta'a ye Edom ỹamaq so la'aqtac, 'eeta': «¡Saishet qome da qaua'axasoxoñiilec na ña'alhua, cha'aye qom qaua'axasoxoñiilec, nache iỹatec qome na ñalleppi da qami' seloquiaxa'n!»

Deuteronómio 4:46

co'ollaq ñaq hueta'a ye pa'aigue da nala' lliguisheguem ye tala Jordán, yem ca'amapega't maye nalotta ye Bet Pegor, maye na'alhua co'ollaxa so Sijón, som lta'a na amorreopi. Qaq se'eso Sijón, netaña co'ollaxa ye Jesbón, qaq so Moisés qataq so Israel le'ecpi loxonec co'ollaxa somaye co'ollaq ca'ai somayepi ye Egipto.