Números 21:13 - La'aqtaqa Ñim Lo'onatac 'Enauacna 2013

¹³ Ime qaltaq chegoqchiguiña yemaye da jec, nache naña ye pa'aitague da le'ego so tala Arnón, maye huaña ye toolec 'alhua. Qaq yemaye nache chegoqchiguiña na na'alhua so amorreopi, qataq nache la'anaxat naua loga'te na na'alhua so Moab le'ecpi, qataq so amorreopi.

Números 21:13 Referans Kwoze

Jueces 11:18

Huaña nache qaltaq qolaqtalec ye toolec 'alhua, nache qolaqto'oto naua loiguiye ye na'alhua ye edomiitapi qataq ye moabiitapi. Nache co'ollaq seviraxa yem na'alhua ye moabiitapi maye pa'aỹa'ague da nala' lliguisheguem, nache souaqa'a yemaye, yem pa'aỹa'atague da le'ego so tala Arnón. Cha'aye se'eso tala, nache loga't na na'alhua ye moabiitapi ỹoqo'oye saishet da senoxonaxaua'a yemaye.

Números 22:36

Qaq so Balac co'ollaq la'axaỹaxac da anacta so Balaam, nache huaqata'a so huaqta'a't nỹecpi ye Moab, maye naña ye sa qaỹapque so tala Arnón, maye loga't yi'iye 'alhua.

Jeremías 48:20

Ye Moab huo'o da la'agaxa, qataq nlaxagui da lcolanaxa. ¡Ñaq qaualaqai, qataq qanỹeñiilec yemaye! ¡Qaua'aqtaxañim ye Arnón da ye Moab ỹataqta dolachigui!»

Isaías 16:2

Qaq na lma' ye Moab qalaq ỹa'axasoxoolec qome so tala Arnón, 'eeta'am ca qoỹo da qaỹo'oraxat, nache datauec ca'ai ca lpata'c.

Deuteronómio 2:24

Qaq ime, nache Ñim Nataxala' qomi' 'enapegalo, 'eeta': ‹Qoqui qome, qaua'axasoxoñiilec ye tala Arnón, cha'aye qami' sanema da qoroxoñiqui ñi Amorreo le'ec Sijón, maye lta'a na netaña ye Jesbón qataq ye na'alhua. Qaq ỹoqo'oye qanoxochiỹaua'a qome ye na'alhua nache qanalaache' ñimaye.

Números 21:14

Qaq ỹoqo'oye aso nere maye ỹa'axat da nalaataxac Ñim Nataxala', 'eeta': «Sa'asoxonaxalec aso Auaxai Togaxarai, qataq so la'auaxacpi ye 'alhua ye Arnón,

Deuteronómio 2:13

«Ime co'ollaxa, nache Ñim Nataxala' qaltaq qomi' 'enapegalo, 'eeta': ‹Nagui, nache qoqui qome qaua'axasoxoñiilec so la'auaxac Zérec.› Nache qomi' sa'axasoxonaxalec se'eso la'auaxac.

Deuteronómio 2:18

‹Nagui, nache qaua'axasoxoñiilec ye loga't ye 'alhua Moab, nache qanqo'oñiỹa ye 'alhua Ar,