Números 20:8 - La'aqtaqa Ñim Lo'onatac 'Enauacna 2013

⁸ 'Auacona qome aca nashelte, nache 'am qataq ñi 'arqaỹa Aarón qalaỹoñiỹa't qome na shiỹaxauapi. Nache ỹauaachigui 'anqa'en da qonapega añi coma' da ỹanem namayepi ca 'etaxat, qaq huaña nache 'auauaachigui añi coma' da chegaqaigui ca 'etaxat, nache nỹomigui na shiỹaxauapi qataq na na'atetpi.

Números 20:8 Referans Kwoze

Éxodo 4:17

Qaq 'auache qome ana 'arashelte, cha'aye anamaye nachana ana 'auo'onataxana da 'auo'ot ca na'anec maye ỹo'ot da na'aalaxa.»

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Isaías 43:20

Qaq na shiguiỹacpi maye huauec, ana huaxaỹaxapi qataq na mañecpi, huo'o naq 'enec naqa'en aỹem cha'aye npaxaatasheguem ñaqa'en na 'etaxat ye toolec 'alhua, qataq so'ot na tala na 'alhuapi maye qaica ca ñaxaalec, da yaqto' sami' na laquip na ỹalamaxat nhuo' le'ecpi maye lleca'aguishecpi,

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Hechos 1:14

Qaq 'enauaque soomaye nache 'eetai' da lapoota'a't da nqouagaxaueeta'ape, ỹalectra'agueta aso late'e So Jesús, qataq soua lqaỹa't, qataq so laỹepi 'alpi.

Juan 16:24

Qaq choche ivitta'a nagui da qami' saxanaxa da huo'o ca qauỹaxañiỹaique da qoviilec da ỹe'enaxat. Qaq qauỹaxañi qome, nache qauacoñiiguet ca qauỹaxañiỹaique, yaqto' ỹataqta qami' nlaqchiguilo da qantonaxaqui.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Mateo 21:21

Nache So Jesús 'enapeco': –Ỹataqta 'eesa de'era qami' sa'axatema, da ỹoqta 'eesa da huo'o ca qarpi'iỹaxaqui qataq saishet da qauqolliguichi da la'añaxac Ñim Lo'onatac 'Enauacna, nache 'enauac cam qauỹaxañiỹaique da qauoita'a da qanqouagaxaunaxaqui, nache ishet da huo'o. Nataqa'en ishet da ivira'a da qauo'oche dam so'otec ara higo lcheyec, qataq ishet da ỹactec ca qauo'oche da huo'otaq qoñiỹapega ana qaỹoqotcheguemec 'alhua da, qoñiita': «Qoca'ai ne'ena qonetaña, ime, qaq 'angui aso auaxai», qaq de'era qara'aqtaqui ỹataqta ipacchigui.

Isaías 48:21

Qaq na'aictaxa co'ollaxa ỹauecteuga ye toolec 'alhua qalaq saishet da ilem na laquip, Ñimaye depoqogui naqa'en so coma' nache chegaqaigui somaye so 'etaxat da yaqto' nỹom somayepi.

Salmos 114:8

Cha'aye Ñimaye nañigui naqa'en da laỹe' na 'etaxat aca coma', qataq nañigui naqa'en da mpaxaatasheguem na 'etaxat aca coma'.

Salmos 105:41

Qataq chegaqaigui naqa'en aso coma' so 'etaxat, nache 'eeta'am na tala da quelec so toolec 'alhua.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

Nehemías 9:15

Qataq 'anamaxa so nallec maye chegoqo'ot na piguem da yaqto' vi'iguet na lqouaxa, qataq 'aỹa'anem so 'etaxat 'auachegoxotaigui aso coma', da yaqto' vi'iguet so laquip lamaic. Qataq 'aỹa'anem ye 'alhua, maye 'auachaxanapeguem co'ollaxa da 'aỹa'anem.

Josué 6:20

Huaña nache so nhuo' le'ecpi ỹa'alaq nache soua ntaxaỹaxanaxanaqa ỹashiiyiguilo soua lasheerel. Nache so nhuo' le'ecpi co'ollaq hua'axaỹa da l-lamaxa soua nasheerel, nache ỹataqta na'axannec da la'alaxac, nache so lpaqtaxat se'eso huaqta'a't nỹecpi hua'axauec. Huaña nache somayepi inoxotaua'a se'eso huaqta'a't nỹecpi nache loxonec.

Josué 6:5

Nache qom qaua'aqaiỹa da ỹoqta qana'axannec da l-lamaxa aca nasheerepi, nache ỹataqta qana'axanñic qome da qara'alaxaqui, nache ye lpaqtaxat yi'iye huaqta'a't nỹecpi hua'axauec qome. Huaña, nache ñi 'oonolec da qoñiita ỹalamaxatteua'a qome yi'iye huaqta'a't nỹecpi.»

Números 21:18

¡So nataxala'pi ỹauota'a aso lasheltepi co'ollaq nshettac qaq so nta'alpi qalaq ỹauota'a so npon co'ollaq ỹauangui añimaye!» Nache somayepi chegoqchiguiña co'ollaxa ye toolec 'alhua, da taỹa ye Mataná,

Números 21:15

qataq na loigue so la'auaxacpi maye quetelec ye 'alhua Ar, ivitta'a ye loga't ye 'alhua Moab.»

Números 20:11

Qaq co'ollaq ime, da la'aqtac so Moisés, nache ỹachaxaasheguem aso nashelte. Nache dos da iuaxaneua'a aso coma', nache ỹataqta lta'araic so npaxanec 'etaxat. Qaq huaña nache nỹom se'eso shiỹaxauapi qataq so na'atetpi.

Éxodo 17:9

Nache so Moisés 'enapego' so Josué, 'eeta': «'Auauo'oi qome caua 'auaconeua'alo shiỹaxau'. Ime, qaq qojec 'aulogui' na amaleciitapi. Aỹem qalaq sootalec qonte' nte'eta añi qaỹoqotcheguemec 'alhua, llasoqta'a qome aye lashelte Ñim Lo'onatac 'Enauacna.»

Éxodo 14:16

Qaq 'am 'auachaxaasheguem qome ana 'arashelte, 'analoqteetelec ana auaxai, nache 'auỹorecache na 'etaxat, dos 'anqa'en naua lpa'axaco, yaqto' na Israel le'ecpi daqaqtegue ca llec da taitague da le'ego.

Éxodo 7:20

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'. So Aarón ỹachaxaasheguem aso lashelte, nache iuaxangui so 'etaxat so tala, ỹauaachigui naqa'en so faraón qataq so ltauapi. Nache 'enauac so 'etaxat so tala nañigui na ntago'q.

Éxodo 4:20

Nache so Moisés ỹauec aso lhua, qataq so llalec nache ỹanaxanaxaleguete so 'ashena. Ime, nache ỹe'eguelaxa ye Egipto. Nache ỹachetac aso lashelte maye lalamaqte Ñim Lo'onatac 'Enauacna.

Éxodo 4:2

Nache Ñim Nataxala' inat so Moisés, 'eeta': «¿Negue't na 'alasoqta'a?» Nache so Moisés 'enapeco': «Qomye ỹashelte.»

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Números 20:7

Nache Ñim Nataxala' 'enapega so Moisés, 'eeta':