Números 20:5 - La'aqtaqa Ñim Lo'onatac 'Enauacna 2013

⁵ ¿Ta'ainco' ye qomi' qanqacheueeguesopa co'ollaxa ye Egipto, nache qomi' qanaviquiugalo ne'ena 'alhua maye ỹataqta qauem? Ne'ena 'alhua, namaye saishet da huo'o ca qoỹaalec, qaca aca higo, uva, granada, qataq qaica ca 'etaxat da yaqto' ñiỹomaxagui.

Números 20:5 Referans Kwoze

Números 16:14

Qataq saishet da 'auañoxot da qomi' 'auauegalo ca 'alhua maye sa qoue na huaca lche', qataq na te'esaq lli'i, qataq da qomi' 'anema ca qana'alhua maye hualec ana nañiguishe uva. ¿Peta'a 'aupi'itaxaatega da qanamaicpi ne'ena shiỹaxauapi da yaqto' maiche 'oiqueetac? Qaq ỹoqo'oye saishet da qolaq.

Ezequiel 20:36

Qami' ñimi't qome 'eeta'am da 'eetec co'ollaq ñimit so qarta'ailpi, co'ollaq huaña ye toolec 'alhua ye Egipto. Qaq 'era da ỹa'aqtac Aỹem Nataxala'.

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Nehemías 9:21

Qataq ivittrec soua cuarenta vi'iye da 'auquia'axaatac, qataq saishet da huo'o ca iueetaique 'anqa'en co'ollaq huetalec so toolec 'alhua. Nataqa'en saishet da ltoi' soua alogo, qataq saishet da ivira'a da nalaua't naua lapia'ate.

Deuteronómio 8:15

qataq qoquiitalec nataqa'en ye toolec 'alhua maye chaqaic qataq qalochiguiñi, qataq nlaqtelec na 'araxanaq maye qanlem na lshenataxanaxa, qataq na pe'elaqtoic, qataq qaica na 'etaxat. Qalaxaye Ñimaye qami' ỹanema so 'etaxat ỹachegoxotaigui aso coma' da yaqto' qami' nỹomaxa'n,

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Números 27:14

cha'aye qami', Aỹem sa qaualaqaiguet co'ollaq huaña ye toolec 'alhua ye Zin, yem huaña co'ollaxa da Aỹem quetapeguelec ne'ena nhuo' le'ecpi, nache saishet da ỹauaachigui qanqa'eñi da Aỹem qavio'oxoreñi co'ollaq chegaqaigui ñaqa'en so 'etaxat aso coma' ye Meriba. Qaq se'eso 'etaxat, nacheso so huaña ye Cades ye toolec 'alhua ye Zin.