Números 20:4 - La'aqtaqa Ñim Lo'onatac 'Enauacna 2013

⁴ ¿Ta'ainco' ye qanaviquiuga na toolec 'alhua ne'ena nhuo' le'ecpi maye lalamaxat Ñim Nataxala'? ¿Peta'a qansheetaique da seleuaqaña namaye qataq na qana'atetpi?

Números 20:4 Referans Kwoze

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Hechos 7:35

Qaq na'aictaxa co'ollaxa somayepi da ỹo'otan so Moisés, nache 'eetega, 'eeta': «¿Negue't ca 'am ỹanagui da 'am qarataxala', qataq da yaqto' 'anmit ca huo'o ca lasouaxashet?» Qalaxaye Ñim Lo'onatac 'Enauacna ỹachegoxotchigui so lamaxashec Ñimaye maye nachaxana so Moisés co'ollaq huaigui aso qo'oipaqole, da lataxala' naqa'en qataq da isouec na Israel le'ecpi.

Salmos 106:21

Nache icoua'ai Ñim Lo'onatac 'Enauacna maye nca'alaxatec co'ollaxa somayepi, qataq ỹo'ot na lta'araic da la'amaqchec co'ollaq huaña ye Egipto,

Números 16:41

Qaq so lỹa na'a'q nache 'enauac se'eso Israel le'ecpi, qaltaq quetapeguelec so Moisés qataq so Aarón, nache 'eeta': Qami', qauo'ochec da l-leuaxa se'eso nhuo' le'ecpi maye lalamaxat Ñim Nataxala'.

Números 11:5

¡Qaq nagui qomi', tachigui qarhuel co'ollaq souaqta'a ye Egipto, qalaq saishet da sesheetenaq da sacheguenaq na nỹaq! Nataqa'en sacheguenaqtac ana pepinos, melones, puerros, sebollas, ajos.

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Jueces 11:16

Co'ollaq qolqa'ai ye Egipto, nache qolaqtalec ye toolec 'alhua, nache seviraqta'a aso Auaxai Togaxarai, qataq seviraqta'a ye Cades.

Números 11:20

Cha'aye ivittec qome ca 'oonolec ca'agoxoic, choche ivitta'a da ỹataqta qauaỹemequi qome, souaxat da qaica ca naigui qanqa'eñi Ñim Nataxala' maye qami' ỹalectaiguilo, qataq qami' ỹauaachiguilo da qanỹeñeetac qoñiita': ‹¿Che'eeto' co'ollaxa da qolqa'ai ye Egipto?›»