Números 20:26 - La'aqtaqa Ñim Lo'onatac 'Enauacna 2013

²⁶ qaq nache huaña qome yemaye da 'anqa't daua alogo da Aarón dam ỹaatrañi da ntaxaỹaxanaxanec, nache ỹaayeñi 'anqa'en da Eleazar maye llalec damaye, cha'aye nache huaña qome yemaye, da ileu da Aarón.»

Números 20:26 Referans Kwoze

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Hebreos 7:11

Ñim Lo'onatac 'Enauacna ỹami' na namaxasoxonaxacpi so Israel le'ecpi. Qaq ne'ena namaxasoxonaxacpi qaỹo'ot, cha'aye qaiuennatega da na ntaxaỹaxanaxanecpi maye chegoxoguet na llalaqpi so Leví itauan 'enauac na lauo' le'ecpi da yaqto' nalochiguiñi da lataxac. Qalaxaye ne'ena ntaxaỹaxanaxanecpi sa ỹañoxot da ỹo'ot damaye, ỹoqo'oye iuen da huo'o ca lỹa ntaxaỹaxanaxanec da qaitaxaỹapegue' Ñim Lo'onatac 'Enauacna da huaỹoqtec da lataxac qataq saishet da chegoxoguet so ntaxaỹaxanaxanec Aarón. Nachaqrata da 'eeta'am so Melquisedec.

Números 20:27

Nache so Moisés ỹo'ot de'era la'aqtac Ñim Nataxala', qataq ỹauaachigui naqa'en 'enauac so Israel le'ecpi, da tayesheguema aso qasoxonaxa Hor.

Números 31:2

«'Apalaique qome ca lvi' na Israel le'ecpi, nache 'analaate' na madianiitapi, qaq qom ime, nache 'am qojec da 'aualegoigui so hua'au 'arhuo' le'ecpi.»