Números 20:24 - La'aqtaqa Ñim Lo'onatac 'Enauacna 2013

²⁴ «Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Números 20:24 Referans Kwoze

Génesis 25:8

qaq somaye choche ilem da lqueroxo, co'ollaq mashe ỹataqta ỹa'axaiquiolec. Qaq huaña, nache ỹalegoigui som hua'au lta'alpi.

Deuteronómio 32:50

Qaq aña'añi qasoxonaxa Nebo, nache huaña qome da 'aleu, nache 'anauane' qome som hua'aupi maye maiche 'arhuo' le'ecpi, 'eeta'am da 'eetec so 'arqaỹa Aarón, maye ileu co'ollaxa hualec añi qasoxonaxa Hor, huaña nache nauane' som hua'au lta'alpi.

2 Crónicas 34:28

Aỹem 'am sanem qome da 'aulactapiguiñi qom 'aleu, qataq 'aualegoigui ñaqa'en som hua'au 'arta'alpi, yaqto' saishet da 'auauangui qome 'enauac ne'ena lta'araic lchecpi, maye sa'axatta'a da talec ñaqa'en qome ne'ena 'alhua, qataq nam shiỹaxauapi maye netalec namaye.›» Nache so lamaxashecpi so nta'a, ỹe'eguelaq da iroi' de'era la'axaỹaxac so nta'a.

Números 31:2

«'Apalaique qome ca lvi' na Israel le'ecpi, nache 'analaate' na madianiitapi, qaq qom ime, nache 'am qojec da 'aualegoigui so hua'au 'arhuo' le'ecpi.»

Números 27:13

Qaq qom ime da 'auallelec yemaye, nache 'am 'aleu, nache 'anauane' qome so hua'au 'arta'alpi, 'eeta'am co'ollaxa da 'eetec so 'arqaỹa Aarón,

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Números 4:27

Qaq so Aarón qataq soua llalqa, nachesoua so ilo'oguelo qome 'enauac da lo'onataxanaxac nam chegoxoguetpi so Guersón da ivita da huo'o ca ỹacoolec da ỹo'ot, qataq nam ishet da ỹache namayepi. Qataq qauamaqailec da ỹataqta ilo'ogue 'enauac na qoỹami' da ỹache namayepi.

Génesis 49:33

Qaq so Jacob co'ollaq imat da ỹanem de'era lqataxac soua llalqa, nache qaltaq ỹe'eguelaxañi da nnaañi. Huaña, nache ileu. Qaq 'era da 'eetec co'ollaxa da ỹalegoigui so hua'au lta'alpi.»

Génesis 49:29

Qaq huo'o so na'a'q, nache so Jacob ỹanem da la'aqtac so llalaqpi, 'eeta': «Aỹem mashe saqaỹaloq da seleu. Qaq no'on da aỹem qaulayiỹoigui qome ñi auac maye naigui ye na'alhua so Efrón som hitiita yaqto' salectaigui yem hua'au ita'alpi,

Génesis 35:29

Nache jec da ỹalegoigui so hua'au lta'alpi, qaq mashe ỹataqta ỹa'axaiquiolec co'ollaq ileu. Qaq soua llalqa Esaú qataq so Jacob, ilalyiñi co'ollaxa somaye.

Génesis 25:17

Qaq so Ismael ivi' soua ciento treinta y siete vi'iye da nachaalataxac co'ollaq ileu, nache jec, da ỹalegoigui so hua'au lta'alpi.

Génesis 15:15

Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi.

Éxodo 17:7

Nache ỹamata'ac se'eso 'alhua da Meribá, cha'aye nache huaña co'ollaxa da so Israel le'ecpi huo'o da nachoxoc. Nataqa'en ỹamata'ac da Masah, cha'aye huaña co'ollaxa da ỹe'eguen Ñim Lo'onatac 'Enauacna, 'eeta': «¿Peta'a qomi' hueta'agueto'ca cam Nataxala', huo'otaq saishet da qomi' hueta'agueta?»

Números 20:5

¿Ta'ainco' ye qomi' qanqacheueeguesopa co'ollaxa ye Egipto, nache qomi' qanaviquiugalo ne'ena 'alhua maye ỹataqta qauem? Ne'ena 'alhua, namaye saishet da huo'o ca qoỹaalec, qaca aca higo, uva, granada, qataq qaica ca 'etaxat da yaqto' ñiỹomaxagui.

Números 20:26

qaq nache huaña qome yemaye da 'anqa't daua alogo da Aarón dam ỹaatrañi da ntaxaỹaxanaxanec, nache ỹaayeñi 'anqa'en da Eleazar maye llalec damaye, cha'aye nache huaña qome yemaye, da ileu da Aarón.»

Deuteronómio 33:8

Qaq da ỹanem la'aqtac so Leví, 'eeta': «'Am Nataxala', soua 'aralamqa'ate Tumim qataq Urim qalaq 'aỹa'anema so shiỹaxaua maye 'arpe'et, qataq 'avi'iguen co'ollaq huaña ye Masah, som 'ancotaỹapegue' co'ollaq huaña ye npaxaatasheguem na 'etaxat ye Meribá,

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.