Números 20:21 - La'aqtaqa Ñim Lo'onatac 'Enauacna 2013

²¹ nache somaye ỹataqta sa ỹashen da qaỹa'asoxoolec so na'alhua. Nache so Israel le'ecpi dasheuec ỹaqa'a so tateuga nqa'aic.

Números 20:21 Referans Kwoze

Jueces 11:18

Huaña nache qaltaq qolaqtalec ye toolec 'alhua, nache qolaqto'oto naua loiguiye ye na'alhua ye edomiitapi qataq ye moabiitapi. Nache co'ollaq seviraxa yem na'alhua ye moabiitapi maye pa'aỹa'ague da nala' lliguisheguem, nache souaqa'a yemaye, yem pa'aỹa'atague da le'ego so tala Arnón. Cha'aye se'eso tala, nache loga't na na'alhua ye moabiitapi ỹoqo'oye saishet da senoxonaxaua'a yemaye.

Deuteronómio 2:29

'eeta'am da 'eetec co'ollaxa da qomi' ỹasheetrec na chegoxoguetpi so Esaú maye netaña ye Seír, qataq so moabiitapi maye netaña ye 'alhua Ar, da yaqto' sa'axasoxonaxalec so tala Jordán, nache ishet da senoxonaxaua'a ye 'alhua maye qomi' ỹanema Ñim Nataxala'.›

Jueces 11:24

Qaq taxa da huo'o ca 'am ỹanem ñi 'anatamnaxala' Quemos ¿maye saisheto' da 'auauo'o 'aralamaxat? Qaq ỹoqo'oye nataqa'en qomi', da 'enauac nam qomi' ỹanema Ñim Nataxala' maye Qanatamnaxala', nache qaralamaxat.

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Deuteronómio 2:27

‹Sauotaique da sa'axasoxoolec na 'ana'alhua, nache sashectec da shectegue so ñec, qataq saishet da huo'otaq saỹoxouec qome.

Números 21:23

Qalaxaye so Sijón sa ỹashenem so Israel le'ecpi da ỹa'axasoxoolec so na'alhua, nacherata da laỹona't so nalleppi, nache tauga so toolec 'alhua da nauana'aguet somayepi, qaq co'ollaq ivita ye Yahás nache iloquiaxan.

Jueces 11:17

Nache huo'oi soua qaramaxa'she da nqo'oora so nta'a ye Edom, da yaqto' qomi' ỹasheetema da sa'axasoxonalec ye na'alhua, qalaxaye qomi' sa ỹashenema. Nataqa'en seỹaxanaqot so nta'a ye Moab, qalaxaye nataqa'en somaye saishet da qomi' ỹashenema da sa'axasoxonaxalec ye na'alhua. Qaq ỹoqo'oye nache sonaqaña co'ollaxa ye Cades.

Números 21:4

Nache so Israel le'ecpi ca'ai añi qasoxonaxa ye Hor, nache quetegue so nqa'aic maye taỹa'a aso Auaxai Togaxarai, nache queto'ot na loigue ye 'alhua Edom. Qalaxaye co'ollaq ñaq qanayectalec so nqa'aic, nache so shiỹaxauapi huo'o da lqalviaxa,

2 Crónicas 20:10

Qaq nagui, ña 'aula'a na amoniitapi, qataq na moabiitapi, qataq nam chegaqa'a añi qasoxonaxa ye Seír, maye sa 'auashenem co'ollaxa na Israel le'ecpi da ỹa'axasoxoolec ye na'alhua namayepi, co'ollaq chegaqa'a ye Egipto, maye nacherata da huaỹoxolec 'anqa'en da yaqto' saishet da nlaxaañi.