Números 20:18 - La'aqtaqa Ñim Lo'onatac 'Enauacna 2013

¹⁸ Nache so nta'a ye Edom ỹamaq so la'aqtac, 'eeta': «¡Saishet qome da qaua'axasoxoñiilec na ña'alhua, cha'aye qom qaua'axasoxoñiilec, nache iỹatec qome na ñalleppi da qami' seloquiaxa'n!»

Números 20:18 Referans Kwoze

Números 24:18

Qataq loxonec qome ye Edom nache ỹacona 'enauac ye Seír, maye lma' na npa'aguenaxaua. Nache na Israel le'ecpi ỹataqta ỹo'ot qome ca lta'araic na'aalaxa.

Números 20:19

Nache so Israel le'ecpi qaltaq 'enapega co'ollaxa somaye, 'eeta': «Qomi' qolaqtegue qome so nqa'aic, qaq qomi' huo'otaq na qana'atet da ñiỹomaxagui na 'etaxat maye le'ec ana nsherepi, nache sesheetenaq qome aca lasheue namaye. Qaq nacherata da seỹaxanaqtegueua'a da qomi' 'auasheetema da sa'axasoxonaxalec na 'ana'alhua.»

Números 20:20

Qalaxaye da lasataxac so nta'a ye Edom, 'eeta': «¡Saishet da qaua'axasoxoñiilec namaye!» Nache somaye ca'ata'aguet so Israel le'ecpi ỹauec so ỹataqta 'añaxaic nalleppi, qataq na'atchiguiñi na lo'ogoxonaxatpi,

Números 21:4

Nache so Israel le'ecpi ca'ai añi qasoxonaxa ye Hor, nache quetegue so nqa'aic maye taỹa'a aso Auaxai Togaxarai, nache queto'ot na loigue ye 'alhua Edom. Qalaxaye co'ollaq ñaq qanayectalec so nqa'aic, nache so shiỹaxauapi huo'o da lqalviaxa,

Números 21:23

Qalaxaye so Sijón sa ỹashenem so Israel le'ecpi da ỹa'axasoxoolec so na'alhua, nacherata da laỹona't so nalleppi, nache tauga so toolec 'alhua da nauana'aguet somayepi, qaq co'ollaq ivita ye Yahás nache iloquiaxan.

Deuteronómio 2:29

'eeta'am da 'eetec co'ollaxa da qomi' ỹasheetrec na chegoxoguetpi so Esaú maye netaña ye Seír, qataq so moabiitapi maye netaña ye 'alhua Ar, da yaqto' sa'axasoxonaxalec so tala Jordán, nache ishet da senoxonaxaua'a ye 'alhua maye qomi' ỹanema Ñim Nataxala'.›