Números 20:15 - La'aqtaqa Ñim Lo'onatac 'Enauacna 2013

¹⁵ So hua'au qarta'alpi taỹa co'ollaxa ye Egipto, nache qaỹoqteguelo soua vi'iye da sonaqtaña yemaye, qalaxaye ye Egipto le'ecpi qomi' sa iyacna'ape, 'eeta'am co'ollaxa so hua'au qarta'alpi,

Números 20:15 Referans Kwoze

Deuteronómio 26:6

Qalaxaye ye Egipto le'ecpi ỹataqta qomi' sa iyacna'ape, qataq qomi' ỹo'oteque da qarachetataic, qataq qomi' ique'etenque da qanlataguec da so'onataxanaqtac.

Éxodo 12:40

So Israel le'ecpi ivi' soua cuatrocientos treinta vi'iye da netaña ye Egipto,

Génesis 46:6

Nache so Jacob qataq 'enauac so lalamaxatpi nqo'ona ye Egipto, nache ỹo'orelec aso lalo huacapi qataq aso qaguetapi qataq 'enauac som ishet da ỹachegoxotaña co'ollaxa ye 'alhua Canaán.

Hechos 7:15

somayepi hueta'a ye Egipto choche ivitta'a da ileu.

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Hechos 7:19

Qaq se'eso nta'a ỹataqta nquiỹa na Israel le'ecpi, nache ỹatenachet. Nataqa'en, sa icherapec da 'enapega namayepi da ỹalat na ñaqpiolec maye cheta'ague da ñiguiñi da yaqto' ileu.

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Números 11:5

¡Qaq nagui qomi', tachigui qarhuel co'ollaq souaqta'a ye Egipto, qalaq saishet da sesheetenaq da sacheguenaq na nỹaq! Nataqa'en sacheguenaqtac ana pepinos, melones, puerros, sebollas, ajos.

Éxodo 5:14

Nataqa'en ỹataqta iuaxaatalec som lataxala'pi som nlatacpi maye ipataxalec so faraón da ilo'ogue naqa'en so nlatacpi. Nache 'eetega, 'eeta': «¿Ta'ainco' ye shecait, qataq nagui da saishet da naloguiñi na qaỹa'añeeuo na qaro'onataqui losoc, qaq saishet da 'ena'am so hua'auchiguiñi?»

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Éxodo 1:16

«Da ivita da qanvigoqoiñi ana hebreo lashepi da deco'o, nache qaumichiñiita cam ñiguiñi llalec da ỹale, nache qaualauache, qaq da 'alo, nache qauauaqaita'a da nca'altauec.»

Números 20:14

Nache so Moisés ỹauo'oi soua lamaxa'she chegoqchiyiña ye Cades, da ỹamaxa da la'aqtac so nta'a ye Edom, 'eeta': «Na 'arqaỹañecpi Israel le'ecpi, da la'aqtac, 'eeta': 'Am 'auaỹaten 'enauac na lqalaicpi maye souaqaigui.

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

Génesis 46:7

Qataq 'enauac so llalaqpi qataq aso llalpi, qataq so laualpi ỹalleppi qataq 'alpi, da lỹatec somaye.

2 Samuel 12:18

Qaq co'ollaq inoxoore'c soua siete na'axa'te, nache ileu se'eso nogotolec. Qaq so nataxala'pi maye ltauapi so David, ỹataqta ñi'iỹa da da'aqtaxanem so David da ileu se'eso nogotolec, cha'aye da lhuennataxa somayepi, 'eeta': «Can ña nca'altauec yi'iye nogotolec, nache da setaxasoqtacot naxa ñi nta'a, qalaq saishet da qomi' ỹalaxagueta. Qaq ¿ca 'eeteco' nagui da sa'aqtaxanaxam da ileu ye nogotolec? ¡Qaigo' ỹo'ot ca ỹapactec sa ỹaỹamaxañi!»