Números 20:14 - La'aqtaqa Ñim Lo'onatac 'Enauacna 2013

¹⁴ Nache so Moisés ỹauo'oi soua lamaxa'she chegoqchiyiña ye Cades, da ỹamaxa da la'aqtac so nta'a ye Edom, 'eeta': «Na 'arqaỹañecpi Israel le'ecpi, da la'aqtac, 'eeta': 'Am 'auaỹaten 'enauac na lqalaicpi maye souaqaigui.

Números 20:14 Referans Kwoze

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Malaquías 1:2

Ñim Nataxala' 'eeta' da la'aqtac: «Aỹem qami' sauoteque.» Qalaxaye qami' qoñiỹapec naxa: «¿Ca 'eeteco' da saỹatenaq da qomi' 'auauoteque?» Nache Ñim Nataxala' ỹasat naxa 'eeta': «Aỹem qami' sauoteque, 'eeta'am da 'eetec soua nqaỹa't Esaú qataq so Jacob, qalaxaye Aỹem ỹactec da sauotec so Jacob

Josué 9:9

Nache soomaye 'ena'apo': «Qomye sachegoxosaqa'a ye ỹataqta qaỹoqta 'alhua, qaq souaxat da sa'axasoqtega da llo'oxoyec da le'enaxat Ñim Nataxala' maye 'Anatamnaxala'. Qaq qomi' saỹatenaq 'enauac na ỹo'otpi Ñimaye co'ollaq huaña ye Egipto,

Éxodo 18:8

Huaña, nache so Moisés da'aqtaxaatapeguem so lacho' 'enauac na ỹo'otec Ñim Nataxala' so faraón, qataq so Egipto le'ecpi co'ollaq iueelec so Israel le'ecpi, qataq da lqalaic da ñecỹaxac. Nataqa'en da'aqtaxaatapeguem somaye da 'eetec Ñim Nataxala' co'ollaq nca'alaxatec somayepi.

Génesis 25:23

qaq Ñimaye ỹasateguet asomaye, 'eeta': «Na 'arhuel huetaiguilo yeua dos, maye chegaqaiguilo qome ca ỹotta'a't shiỹaxauapi, qataq dos nhuo' lashe' deloctega't da ñaq taỹa'a da ñiyiñi. Qaq ye 'oonolec ỹataqta 'añaxaic qome, saq 'ena'am ye lỹa da la'añaxac, qaq ye na'asa qalaq ilo'ogue qome ye ỹe.»

Números 13:26

nache soomaye ỹe'eguelaxara ye Cades, yem toolec 'alhua ye Parán. Yem hueta'a so Moisés, Aarón qataq 'enauac so Israel le'ecpi. Nache da'aqtaxaarem somayepi 'enauac da lauanaqchec co'ollaxa soomaye, qataq qaỹachaxan aso ala ana nañiguishe yi'iye 'alhua.

Números 20:15

So hua'au qarta'alpi taỹa co'ollaxa ye Egipto, nache qaỹoqteguelo soua vi'iye da sonaqtaña yemaye, qalaxaye ye Egipto le'ecpi qomi' sa iyacna'ape, 'eeta'am co'ollaxa so hua'au qarta'alpi,

Números 20:22

Qaq 'enauac so Israel le'ecpi ca'ai co'ollaxa ye Cades, nache taỹa añi qasoxonaxa ye Hor,

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.

Josué 2:10

Qataq sa'axasoqtapeguelec da 'eetec co'ollaq qoquiỹa'ai ye Egipto, nache Ñim Nataxala' 'imñi naqa'en so 'etaxat so lche aso Auaxai Togaxarai da yaqto' ishet da qaua'axasoxoñiilec. Nataqa'en sa'axasoqtega da ỹataqta qanmachiichiyiñi soua Sijón qataq Og, soua dos lta'al ye amorreopi maye neta'atrague da le'ego ye tala Jordán.

Josué 9:10

qataq da ỹo'oteque co'ollaxa soua dos lta'al so amorreopi maye neraña da le'ego ye tala Jordán, so Sijón maye nta'a ye Jesbón, qataq so Og maye nta'a ye Basán maye netaña ye Astarot.

Amós 1:11

Qaq Ñim Nataxala', 'eeta': Na Edom le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da ỹataqta sa ichoxonnai' da irolec na lainec, co'ollaq icaatac na maiche lqaỹañecpi Israel le'ecpi. Qataq ỹataqta lta'araic da lalemataic, qataq da lquiỹaxa namayepi.

Génesis 25:25

Qaq so hua'auñi da ñiguiñi, qalaq tocalec ana laso, qataq 'enauac na lo'oc da huo'o ana laso, qaq somaye qoỹanagui da le'enaxat Esaú.

Génesis 25:26

Qaq ime, qaltaq ñiguiñi so lqaỹa, qaq somaye ỹacootagui ana lla'axa so Esaú, qaq ỹoqo'oye qoỹanagui da le'enaxat Jacob. Qaq so Isaac mashe ivi' co'ollaxa soua sesenta vi'iye da nachaalataxac, co'ollaq deco'o aso Rebeca.

Génesis 32:29

Qaq huaña nache so Jacob inato' somaye, 'eeta': «Nagui nache aỹem 'aua'aqtaxanem 'eetec ca 'are'enaxat.» Nache se'eso shiỹaxaua 'enapeco': «¿Ta'ainco' da 'aunataxaateguec ca ỹe'enaxat?» Qaq nache huaña yemaye da se'eso shiỹaxaua, ỹasaxalec da lchoxonnataxanaxa so Jacob.