Números 20:13 - La'aqtaqa Ñim Lo'onatac 'Enauacna 2013

¹³ Qaq se'eso npaxaatauec 'etaxat huaña co'ollaxa ye Meribá, maye qaỹamata'ac cotaqa', yem huaña co'ollaxa so Israel le'ecpi da quetega Ñim Nataxala'. Nache Ñimaye ỹachaxana somayepi da qui'itta lataxac.

Números 20:13 Referans Kwoze

Salmos 95:8

«Saishet qome da qaua'añaxachiiguilo naua qarquiyaqchilli', da 'eeta'am co'ollaq huaña ye Meribá, qataq da 'eeta'am so na'a'q co'ollaq huaña ye Masah, yem huaña ye toolec 'alhua,

Éxodo 17:7

Nache ỹamata'ac se'eso 'alhua da Meribá, cha'aye nache huaña co'ollaxa da so Israel le'ecpi huo'o da nachoxoc. Nataqa'en ỹamata'ac da Masah, cha'aye huaña co'ollaxa da ỹe'eguen Ñim Lo'onatac 'Enauacna, 'eeta': «¿Peta'a qomi' hueta'agueto'ca cam Nataxala', huo'otaq saishet da qomi' hueta'agueta?»

Deuteronómio 33:8

Qaq da ỹanem la'aqtac so Leví, 'eeta': «'Am Nataxala', soua 'aralamqa'ate Tumim qataq Urim qalaq 'aỹa'anema so shiỹaxaua maye 'arpe'et, qataq 'avi'iguen co'ollaq huaña ye Masah, som 'ancotaỹapegue' co'ollaq huaña ye npaxaatasheguem na 'etaxat ye Meribá,

Deuteronómio 32:51

Qaq 'era da 'eetec qome, cha'aye qami' ỹauaachiguilo co'ollaxa 'enauac na Israel le'ecpi, co'ollaq qoviita'a ye huaña na npaxaatasheguem 'etaxat ye Meribá Cadés, yem toolec 'alhua ye Sin, co'ollaq qaica ca 'enec qanqa'eñi Aỹem.

Ezequiel 38:16

nache 'auloquiaxan ye ỹalamaxat nhuo' Israel le'ecpi. 'Am Gog 'amattalec qome ye 'alhua qoneta'am ca napo. Qaq que'ecaua pa'atrec na'axa'te, nache 'am ñanacot qome da 'auloquiaxan yem hueta'a ye ña'alhua, yaqto' 'am chegoqchigui ñaqa'en da na laỹepi ỹotta'a't shiỹaxauapi ỹaỹaten qome, da sachaxana namayepi da qui'itta ỹataxac.

Ezequiel 36:23

Aỹem sachaxana na ỹotta'a't shiỹaxauapi da lta'araic qui'itta ỹe'enaxat, maye qami' qanshepaxanaqcheche co'ollaq qaualliquiitaigui namayepi, qaq qom so'ot damaye, nache namayepi ỹaỹaten qome da Aỹem nachaỹem Nataxala'. Qaq 'era da ỹa'aqtac Aỹem Nataxala'.

Ezequiel 20:41

Qom qami' llaỹona't da qami' sachegoxotchiguiñalo nam 'alhuapi, qataq nam ỹotta'a't shiỹaxauapi maye qoñiitaña nagui da qami' laga't, qataq qom sachaxan da qui'itta ỹataxac qom qami' soota'agueta, ỹauaachigui ñaqa'en 'enauac nam nhuo' le'ecpi, nache huaña qome da saconeguet aca qarachetaqtaxanaqche maye ama da laitaỹaxac.

Isaías 5:16

Qalaxaye Ñim Nataxala' maye Qaica ca Ỹaqalanapec ỹachaxan qome da la'amaqchec qom nmit na shiỹaxauapi, Ñim Lo'onatac 'Enauacna maye qui'itta ỹachaxan qome da qui'itta lataxac, qom ỹo'ot ca nalochiguiñi lo'onataxanaxac.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Salmos 81:8

Ña qana'axaỹaxañiỹa da iviraqtaxanaxac qami' nhuo' le'ecpi maye ỹalamaxatpi. ¡Da iyoxo' da aỹem qana'axaỹañiỹa qami' Israel le'ecpi!