Números 20:12 - La'aqtaqa Ñim Lo'onatac 'Enauacna 2013

¹² Nache Ñim Nataxala' 'enapega so Moisés qataq so Aarón, 'eeta': «Qaq souaxat da saishet da huo'o ca qarpi'iỹaxaqui Aỹem, qataq saishet da Aỹem qavio'oxoyiñi da ỹauaachigui qanqa'eñi na Israel le'ecpi, nache saishet qome da qarỹaiteuo ne'ena shiỹaxauapi qom inoxoneua'a ye 'alhua maye sanem namayepi.»

Números 20:12 Referans Kwoze

Deuteronómio 1:37

«Qaq nataqa'en aỹem dalemataỹa Ñim Nataxala' souaxat qami', nache 'eeta': ‹'Am saishet qome da 'aunoxoneua'a yi'iye 'alhua›.

Ezequiel 36:23

Aỹem sachaxana na ỹotta'a't shiỹaxauapi da lta'araic qui'itta ỹe'enaxat, maye qami' qanshepaxanaqcheche co'ollaq qaualliquiitaigui namayepi, qaq qom so'ot damaye, nache namayepi ỹaỹaten qome da Aỹem nachaỹem Nataxala'. Qaq 'era da ỹa'aqtac Aỹem Nataxala'.

Números 27:14

cha'aye qami', Aỹem sa qaualaqaiguet co'ollaq huaña ye toolec 'alhua ye Zin, yem huaña co'ollaxa da Aỹem quetapeguelec ne'ena nhuo' le'ecpi, nache saishet da ỹauaachigui qanqa'eñi da Aỹem qavio'oxoreñi co'ollaq chegaqaigui ñaqa'en so 'etaxat aso coma' ye Meriba. Qaq se'eso 'etaxat, nacheso so huaña ye Cades ye toolec 'alhua ye Zin.

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Romanos 4:20

qalaxaye somaye saishet da iqoleguet da Ñim Lo'onatac 'Enauacna ipacchigui da ỹachaxanapec. Nachaqrata da nquictauec da qaramta da lpi'iỹaxac qataq da naquitaxac, qataq ỹaatacot da na'achecỹaxac Ñimaye.

Lucas 1:45

¡Ñim Lo'onatac 'Enauacna 'am talec naqa'en da lta'araic lqouagaxanaqtaic, cha'aye 'aua'amaqten dam ỹachaxanapec!

Lucas 1:20

Qalaxaye 'am ye saishet da aỹem 'aua'amaqten, qaq nagui qaicaua naua 'ara'aqtaqa. Nato' qom mashe ivita da ipacchigui de'era 'am sa'aqtaxaateguem.

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Isaías 8:13

Ñim Nataxala' maye Qaica ca Ỹaqalanapec, nacheñita maye qui'itta qanqa'eñi, qataq nacheñita maye huo'o naq 'enec qanqa'eñi, qataq nacheñi ñi ishet da qayi'iỹai da lviraxac.

1 Pedro 3:15

Nachaqrata da qavio'oxonñiitac So Cristo maye Qarataxala'ai, qataq qami' lhuotte' da qaua'aqtaxañim na shiỹaxauapi da 'eetec da huo'omshe huo'o da qarpi'iỹaxaqui So Cristo qataq dam ỹachaxanapec.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Mateo 17:17

Nache So Jesús 'enapeco': –Qami' ỹataqta saishet da qauaỹachiñi ca qoñiitec qataq saishet da huo'o ca qarpi'iỹaxaqui Ñim Lo'onatac 'Enauacna. ¿Peta'a ỹapacteco' da sa qauañoxoche da huo'o ca qauo'oche da saishet da qami' soota'agueta? ¿Cam laguio' nache ishet da qauaỹaanataxañi? ¡Ña qanaviquicna'a da nsoq!

Ezequiel 38:10

Qaq Aỹem Nataxala', shenapec: Qaq que'eca na'a'q nache 'alapaxañi qome 'enauac cam qauempi.

Ezequiel 20:41

Qom qami' llaỹona't da qami' sachegoxotchiguiñalo nam 'alhuapi, qataq nam ỹotta'a't shiỹaxauapi maye qoñiitaña nagui da qami' laga't, qataq qom sachaxan da qui'itta ỹataxac qom qami' soota'agueta, ỹauaachigui ñaqa'en 'enauac nam nhuo' le'ecpi, nache huaña qome da saconeguet aca qarachetaqtaxanaqche maye ama da laitaỹaxac.

Isaías 7:9

Ye nỹecpi ye Samaria nacheye ye netaña na nta'alpi ye Efraín, qaq so llalec so Remalías nacheso so nata'a ye Samaria qaq qami' da saishet da aỹem qaua'amaqchiñi, nache qaica qome ca no'onañi da qoñeeta.»

2 Crónicas 20:20

Qaq so nte'etom so lỹa na'a'q, nache ñisheguem somayepi da yaqto' taỹa ye toolec 'alhua ye Tecoa. Qaq co'ollaq mashe ivita da jec, nache so Josafat, nachaañi nache 'eeta': «Ñaq aỹem qana'axaỹaxañiỹa qami' shiỹaxauapi maye qarma'ai na Judá, qataq na Jerusalén, qaupi'iỹa'ai qome Ñim Nataxala' maye Qanatamnaxala'ai, yaqto' qami' nca'alaxatrec, qataq qaupi'iỹa'ai qome nam la'aqtaxanaxanecpi Ñimaye, yaqto' 'enauac cam qauo'oche ỹataqta ỹaỹamaqchiguiñi.»

Josué 1:2

«So ỹamaxashec Moisés mashe ileu, qaq ỹoqo'oye 'am nagui qojec da 'aua'axasoxoolec so tala Jordán, 'arỹa'ata 'enauac ne'ena nhuo' Israel le'ecpi da qanqo'oñiita ye 'alhua maye qami' sanema qome.

Deuteronómio 34:4

Nache Ñim Nataxala', 'eeta': «'Ena nam 'alhua maye sachaxanapeguem co'ollaxa so Abraham, Isaac, qataq so Jacob da yaqto' sanem nam chegoxoguetpi. Qaq 'am sachaxana namaye da 'auallelec, qalaxaye saishet da 'anoxoneua'a qome.»

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Números 11:15

Cha'aye da qoqueto'ot da aỹem 'auo'otec de'era, qaq no'ono' da aỹem 'auchoxoren da 'anqat da ñachaalataxac, qom 'eesa da aỹem 'auauotec. Yaqto' saishet da ñeque'etaxaachigui de'era qauem.»

Deuteronómio 4:21

Qalaxaye Ñim Nataxala' aỹem dalemataỹa souaxat qami', nache ỹan da la'aqtac da saishet da sevira'a da sa'axasoxoolec ye tala Jordán, qataq saishet da aỹem inoxonaqcheteua'a ye 'alhua maye qami' ỹanema qome Ñimaye.

Salmos 99:8

'Am Nataxala' maye Qanatamnaxala', 'am, 'auasateguet co'ollaxa da lỹaxanaxac somayepi. Qaq somayepi nache 'Am Natamnaxala' maye 'auchoxoren somayepi, na'aictaxa co'ollaxa da 'auo'ot da nhuaxanaguec souaxat na lasouaxashetpi.

Salmos 106:32

Qataq inogoqchet Ñim Nataxala', co'ollaq hueto'ot na loigue so 'etaxat ye Meribá, nache so Moisés ỹataqta qaica ca laỹamqa' souaxat somayepi,