Números 20:11 - La'aqtaqa Ñim Lo'onatac 'Enauacna 2013

¹¹ Qaq co'ollaq ime, da la'aqtac so Moisés, nache ỹachaxaasheguem aso nashelte. Nache dos da iuaxaneua'a aso coma', nache ỹataqta lta'araic so npaxanec 'etaxat. Qaq huaña nache nỹom se'eso shiỹaxauapi qataq so na'atetpi.

Números 20:11 Referans Kwoze

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Éxodo 17:6

Qaq 'am seuatta'aguet yem Horeb, soota'a qome añi coma'. Qaq qom 'auaxangui añimaxa, nache naỹenec na 'etaxat, da yaqto' nỹom ne'ena shiỹaxauapi.» Qaq 'era da 'eetec so Moisés, ỹauaachigui so lqueroxonecpi na Israel le'ecpi.

Deuteronómio 8:15

qataq qoquiitalec nataqa'en ye toolec 'alhua maye chaqaic qataq qalochiguiñi, qataq nlaqtelec na 'araxanaq maye qanlem na lshenataxanaxa, qataq na pe'elaqtoic, qataq qaica na 'etaxat. Qalaxaye Ñimaye qami' ỹanema so 'etaxat ỹachegoxotaigui aso coma' da yaqto' qami' nỹomaxa'n,

Números 20:8

'Auacona qome aca nashelte, nache 'am qataq ñi 'arqaỹa Aarón qalaỹoñiỹa't qome na shiỹaxauapi. Nache ỹauaachigui 'anqa'en da qonapega añi coma' da ỹanem namayepi ca 'etaxat, qaq huaña nache 'auauaachigui añi coma' da chegaqaigui ca 'etaxat, nache nỹomigui na shiỹaxauapi qataq na na'atetpi.

Santiago 1:20

Cha'aye na shiỹaxauapi maye sa ncherapec, saishet da ỹo'ot ca 'eetapeguec Ñim Lo'onatac 'Enauacna.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Oseas 13:5

Qaq aỹem 'am selotague' co'ollaq huaña ye toolec 'alhua, yem 'alhua maye ỹataqta deqaqta.

Salmos 78:16

Ñim Lo'onatac 'Enauacna ỹachegoxottoigui so coma' so la'auaxac na 'etaxat, maye 'eeta'am na tala da la'auataxa.

1 Crónicas 15:13

cha'aye so hua'auchiguiñi co'ollaq so'otaq de'era, nache qami' saishet da qauo'oche damaye, ỹoqo'oye Ñim Nataxala' maye Qanatamnaxala', huo'oi soua nqa't da nachaalataxac, souaxat da saishet da senataq ca 'eetec ca lataxac da lamaxasoxonaxac.»

1 Samuel 15:24

Nache so Saúl 'enapega so Samuel, 'eeta': Aja', 'eesa da huo'o da ỹasouaxashet, cha'aye aỹem ñapacalec da lamaxasoxonaxac Ñim Nataxala', qataq da 'arapaxaguenataxanaxac, souaxat da shi'iỹa'aguet caillaye na ñalleppi, nache so'ot dam la'aqtac.

1 Crónicas 15:2

Huaña nache so David, 'eeta': «Nachenata na leviitapi da ishet da ỹache qome añi arca maye laỹe' naua lqataxaco Ñim Lo'onatac 'Enauacna, cha'aye Ñim Nataxala' lca'ateua'a co'ollaxa namayepi da yaqto' nachenata da ishet da ỹache añimaye, qataq da yaqto' nache 'eetai' da huetague' de'era lo'onataxanaxac.»

1 Samuel 15:19

¿Qalaq ta'ainco' da saishet da 'aualaxaguet da lamaxasoxonaxac Ñim Nataxala', nacherata da 'anache na 'arhuotaxanaxatpi maye lalamaxatpi co'ollaxa so 'ampa'aguenaxauapi, nache 'auo'ot dam sa ỹaỹamaxañi ỹauaachigui 'anqa'en Ñim Nataxala'?»

Levítico 10:1

So Nadab qataq so Abiú, maye llalqa so Aarón, soomaye ỹacoora soua laỹe't so nchenaxanaxat, nache ỹacherangui so norec qataq ỹavigaxat so nchenaxanaxat maye ama na laita, nache ỹaarot Ñim Nataxala', qaq de'era 'eeteque soomaye saishet da lataxac da namaxasoxonaxac.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

Salmos 78:15

Qataq huaña ye toolec 'alhua da ipoxoỹaxachigui aso coma', nache ỹanem somayepi da nỹomigui se'eso qalota 'etaxat.

Salmos 78:20

Qaq 'eesa co'ollaxa da Ñim Lo'onatac 'Enauacna ipoxoỹaxachigui aso coma' qataq chegaqaigui naqa'en so la'auaxac 'eeta'am na tala, nache ipaxaalec naqa'en ana 'alhua, qalaxaye, ¿isheto' peta'a da ỹan ca nallec? qataq ¿isheto' peta'a da ỹanem ca lapat ne'ena lalamaxat nhuo' le'ecpi?»

Salmos 105:41

Qataq chegaqaigui naqa'en aso coma' so 'etaxat, nache 'eeta'am na tala da quelec so toolec 'alhua.

Salmos 114:8

Cha'aye Ñimaye nañigui naqa'en da laỹe' na 'etaxat aca coma', qataq nañigui naqa'en da mpaxaatasheguem na 'etaxat aca coma'.

Isaías 43:19

Qaq Aỹem, huo'o ca so'ot dalaxaic, nache qauauañiichigui nagui da yo'oq camaye. Sauo'o qome ca nqa'aic, taalec ye toolec 'alhua qataq so'ot ca tala ye 'alhua maye qaica ca ñaxaalec.

Isaías 48:21

Qaq na'aictaxa co'ollaxa ỹauecteuga ye toolec 'alhua qalaq saishet da ilem na laquip, Ñimaye depoqogui naqa'en so coma' nache chegaqaigui somaye so 'etaxat da yaqto' nỹom somayepi.

Jueces 15:19

Huaña nache Ñim Lo'onatac 'Enauacna npaxaasheguem naqa'en na le'ec aso lcheque maye naña ye Lehí, nache so Sansón nỹomgui so 'etaxat maye chegaqangui asomaye, huaña nache qaltaq huo'o da la'añaxac. Qaq ỹoqo'oye, asa'aso chegaqangui so 'etaxat npaxaatasheguem maye naña ye Lehí, ỹamata'ac da le'enaxat Enacoré maye naigui da «Laquipiaxaqui som deỹaxan co'ollaxa», qaq nache ivitta'a nagui.