Números 20:10 - La'aqtaqa Ñim Lo'onatac 'Enauacna 2013

¹⁰ Nache so Moisés qataq so Aarón laỹona't naqa'en so shiỹaxauapi, huaña so loigue aso coma', nache so Moisés, 'eeta': ¡Ña qana'axaỹaxañiỹa da ỹa'aqtac, qami' maye sa qaualaqai! ¿Peta'a isheto' da npaxanec ñaqa'enaq na 'etaxat ana'ana coma' da yaqto' qanỹomiigui?

Números 20:10 Referans Kwoze

Santiago 3:2

'Enauac da shenaqta huo'oi naua qarasouaxashe'ete, qalaxaye nachaqcata ca shiỹaxaua maye ỹaỹaten da nllañi ñi lachaxat, camaye nalochiguiñi da lataxac, qataq ishet da nala'aguet da nllañi da maiche 'eetapeguec da lo'ocỹaxac.

Efesios 4:26

Qaq da huo'otaq qaualematai, qalaq saishet da qanashiñiiuo da ỹo'ot ca qarasouaxashechi. Qataq de'era qaralemataiqui saishet da imauec ca 'oonolec na'a'q,

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Deuteronómio 9:24

Qaq nache chegoqta'a co'ollaxa da qami' sauatto'n, da saishet naxa da qaualaqaiguet Ñim Nataxala'.

Génesis 41:16

Nache so José 'enapeco': «Damaye saishet da nachaỹem chegoqchigui. Qalaxaye 'am nta'a, Ñim Lo'onatac 'Enauacna, 'am ỹanem qome ca lasataxac maye ỹo'ot ca 'araỹamaxa.»

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

1 Corintios 3:7

Qaq ỹoqo'oye saishet da nacheca cam ỹa'axat da no'on na'axaỹaxac cam 'amaqtaqaic huo'otaq cam dapaxaguenataxan. Nachaqñita Ñim Lo'onatac 'Enauacna 'oonolec da 'amaqtaqaic, cha'aye Ñimaye nacheñi ñi ỹo'ot da nañaxataxac.

Éxodo 17:6

Qaq 'am seuatta'aguet yem Horeb, soota'a qome añi coma'. Qaq qom 'auaxangui añimaxa, nache naỹenec na 'etaxat, da yaqto' nỹom ne'ena shiỹaxauapi.» Qaq 'era da 'eetec so Moisés, ỹauaachigui so lqueroxonecpi na Israel le'ecpi.

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Salmos 78:16

Ñim Lo'onatac 'Enauacna ỹachegoxottoigui so coma' so la'auaxac na 'etaxat, maye 'eeta'am na tala da la'auataxa.