Números 20:1 - La'aqtaqa Ñim Lo'onatac 'Enauacna 2013

¹ Qaq so la'auaxanec ca'agoxoic se'eso vi'i, nache so Israel le'ecpi ivita ye toolec 'alhua ye Zin, nache naña co'ollaxa ye Cades. Qaq nache huaña yemaye da ileu aso María, qaq nache qailareña yemaye.

Números 20:1 Referans Kwoze

Números 13:21

Nache se'esoua ỹale't jec co'ollaxa da demeenaxara yi'iye 'alhua, chegoqchiguiña ye toolec 'alhua ye Sin, nache ivitta'a ye Rejob, yem saqaỹapeque ye ñegueuo ye Jamat.

Números 33:36

Qaltaq jec, chegoqchiguiña ye Ezión Guéber, qaq co'ollaq ivita ye toolec 'alhua ye Zin ye Cades, nache hua'a yemaye.

Éxodo 15:20

Nache aso María maye la'aqtaxanaxana Ñim Lo'onatac 'Enauacna, maye lqaỹa so Aarón, asomaye qataq aso laỹepi 'alpi, ỹacona aso lasaquiaxanatapi, nache qaica'attaueegue asomaye, nache do'onaxaatac qataq dasottac.

Números 27:14

cha'aye qami', Aỹem sa qaualaqaiguet co'ollaq huaña ye toolec 'alhua ye Zin, yem huaña co'ollaxa da Aỹem quetapeguelec ne'ena nhuo' le'ecpi, nache saishet da ỹauaachigui qanqa'eñi da Aỹem qavio'oxoreñi co'ollaq chegaqaigui ñaqa'en so 'etaxat aso coma' ye Meriba. Qaq se'eso 'etaxat, nacheso so huaña ye Cades ye toolec 'alhua ye Zin.

Números 26:59

Qaq so Amirán huaroneguet co'ollaxa aso Jocabed, maye llale so Leví, co'ollaq ñaq netaña ye Egipto. Nache so Amirán qataq aso Jocabed nachesoua soua lta'al so Aarón, Moisés qataq aso María.

Números 12:1

Aso María qataq so Aarón quetapeguelguete co'ollaxa so lqaỹa Moisés, souaxat somaye da huaroneguet co'ollaxa aso lma' ye Cus, maye saishet da lauo' lashe.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Salmos 29:8

Da lavilỹaxac Ñim Nataxala' ỹataqta ỹacholaxan naqa'en ye toolec 'alhua. Ñim Nataxala' ỹataqta cholaxan naqa'en ye toolec 'alhua ye Cades.

Deuteronómio 32:51

Qaq 'era da 'eetec qome, cha'aye qami' ỹauaachiguilo co'ollaxa 'enauac na Israel le'ecpi, co'ollaq qoviita'a ye huaña na npaxaatasheguem 'etaxat ye Meribá Cadés, yem toolec 'alhua ye Sin, co'ollaq qaica ca 'enec qanqa'eñi Aỹem.

Deuteronómio 2:14

Qaq se'eso na'a'q co'ollaq sachegoxosoqchiguiña ye Cadés Barnea, ivitta'a da sa'axasoxonaxalec so la'auaxac ye Zéred, nache ivi' treinta y ocho vi'iye. Qaq mashe nmiguiñi da ileu 'enauac se'eso shiỹaxauapi alaataxaicpi huaña so nanataqa', cha'aye nache la'aqtac co'ollaxa Ñim Nataxala' da saishet da inoxoneuo.

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

Números 12:15

Nache aso María ca'ai qanqa'en so nanataqa' soua siete na'axa'te, qaq se'eso nhuo' le'ecpi nache hua'a yemaye ivitta'a da qaltaq ñe'eguelaxauo aso María.

Números 12:10

Nache so lo'oc co'ollaq ca'ai so npe'l, nache aso María nchega na lo'oc qataq ỹataqta ỹapagaq. Qaq so Aarón co'ollaq ỹamata'a aso María, nache ila'a da mashe huec na nchega naqa'en na lo'oc,

Éxodo 2:7

Nache aso lqaỹa se'eso nogotolec taỹa da inat co'ollaxa aso llale so faraón, 'eeta': «¿Peta'a 'auaỹamaxareeta da ñimitaique aca 'alo hebreo lashe da yaqto' illepaxan qataq ỹaqchet ne'ena nogotolec?»

Éxodo 2:4

qataq 'enapega aso lqaỹa se'eso nogotolec da nache qaỹata'a ca hueta'a, da choche nauaatalec somaye.

Números 13:26

nache soomaye ỹe'eguelaxara ye Cades, yem toolec 'alhua ye Parán. Yem hueta'a so Moisés, Aarón qataq 'enauac so Israel le'ecpi. Nache da'aqtaxaarem somayepi 'enauac da lauanaqchec co'ollaxa soomaye, qataq qaỹachaxan aso ala ana nañiguishe yi'iye 'alhua.

Números 20:22

Qaq 'enauac so Israel le'ecpi ca'ai co'ollaxa ye Cades, nache taỹa añi qasoxonaxa ye Hor,

Deuteronómio 1:46

Qaq ỹoqo'oye ỹataqta qaỹoqtegue da qoñiitaña ye 'alhua Cades.»

Jueces 11:16

Co'ollaq qolqa'ai ye Egipto, nache qolaqtalec ye toolec 'alhua, nache seviraqta'a aso Auaxai Togaxarai, qataq seviraqta'a ye Cades.

Génesis 14:7

Qaq co'ollaq ñe'eguelaq so Quedorlaomer, qataq so nnaictague'pi somaye, nache nvira'a ye Enmispat, maye da lỹa le'enaxat Cades. Qaq huaña, nache loxonec 'enauac yem na'alhua so Amalec le'ecpi, qataq nataqa'en som amorreopi maye netaña co'ollaxa ye 'alhua Jasesón Tamar.

Números 20:28

Qaq nache huaña da so Moisés nqa't soua alogo da ntaxaỹaxanaxanec so Aarón, nache ỹaayeñi naqa'en so Eleazar. Qaq nache huaña yi'iye ỹoqta pa'asheguem aso qasoxonaxa da ileu so Aarón. Nache so Moisés qataq so Eleazar ñe'eguelaxayiñi co'ollaxa.

Ezequiel 47:19

Qaq yem loga't maye pa'aỹa'ague da taguiñi, qalaq chegoqchiguiña qome ye Tamar, nache nlequeelec yem naña añi lapel ye Meribá Cadés, qataq taalec so la'auaxac ye Egipto, nache ivitta'a aso auaxai Mediterráneo.