Biblia Todo Logo
Bib sou entènèt

- Piblisite -




Números 19:22 - La'aqtaqa Ñim Lo'onatac 'Enauacna 2013

22 Nache 'enauac na ipoteua'a que'eca shiỹaxaua maye saishet da qui'itta, nache nataqa'en saishet da qui'itta, qataq ca ipoteua'a camaye, nataqa'en saishet da qui'itta da lataxac ivitta'a da pe.»

Gade chapit la Kopi




Números 19:22
21 Referans Kwoze  

Nache so Hageo, qaltaq, 'eeta': «Qaq da huo'otaq huo'o ca shiỹaxaua nshepaxan da lataxac souaxat da ỹaconeua'a ca leuaxaic, qaq da ỹaconeua'a ca camachaqca ne'enapi, qaq namayepi ¿peta'a saishet nataqa'en da nshepaxan?» Nache so ntaxaỹaxanaxanecpi ỹasat, 'eeta', aja' nataqa'en nshepaxan.


Qaq ca lapat maye nhuoiguet ca camachaqca nam qaiqaigapi, nache camaye saishet da qanallec, nacherata da qaỹalat qalaxaye qaỹavigaxat. Qaq que'eca lỹa lapat, nache 'enauac ca shiỹaxauapi maye qui'itta da lataxac ishet da chec.


Ỹoqo'oye camachaqca shiỹaxaua da ipoteua'a ca lmala' que'eca sa no'oita, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qataq nache 'ena'am da huo'o ca shiỹaxaua da ilamaxata'a da ỹasheleua'a ca shiguiỹac leuaxaic maye saishet da qui'itta, huo'otaq ca 'atet leuaxaic, qataq ca huauec, nataqa'en ca hualectapigui' maye saishet da qui'itta, nache que'eca shiỹaxaua saishet da qui'itta, cha'aye huo'o ca lasouaxashet.


Qaq da huo'o ca ilamaxata'a da ỹashelagui ca la'atec ca shiỹaxaua, nache camaye saishet da qui'itta. Qaq da ivita da nanoma, nache camaye huo'o ca lasouaxashet.


Qaq ca shiỹaxaua da ỹashelagui ca la'atec ca shiỹaxaua, huo'otaq ca shiguiỹac maye qaiqaiga, huo'otaq ca camachaqca nam qaiqaigapi, da chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.»


huo'otaq ca ipoteua'a ca shiguiỹac maye saishet da qui'itta, huo'otaq da ipoteua'a ca shiỹaxaua maye saishet da qui'itta, nache camaye saishet da qui'itta,


nache camaye saishet da qui'itta ivitta'a da pe. Ỹoqo'oye camaye saishet qome da chec ca nachetaqtaxanaxat maye qoỹaneuo, da ñaq saxanaxa da nachel da yaqto' nỹola't.


Ñim Nataxala' 'enapega so Moisés qataq so Aarón, 'eeta':


Qataq 'enauac ca nso'oolec ca nso'onqa' que'eca ỹale, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qataq camachaqca shiỹaxaua, da ipoteua'a que'eca ỹale maye huo'o da lalolaxa ñi logoxoshet, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qaq que'eca ỹale maye huo'o na lli'i ñi logoxoshet da huo'otaq nqaigoqot ca shiỹaxaua maye no'oita, nache que'eca shiỹaxaua iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qataq da huo'o ca ipoteua'a ca nogoxoshetpi maye nso'oolec que'eca ỹale, nache saishet da qui'itta ivitta'a da pe. Qataq ca shiỹaxaua da huo'otaq ỹache ca camachaqca que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qaq que'eca dalolaxaic, da sa iỹoi' naua lhua'q, nache 'enauac ca ipoteua'a camaye, iuen da iỹoi' caua alogo qataq nachel, qalaxaye saishet da qui'itta ivitta'a da pe.


Qataq camachaqca shiỹaxaua da ipoteua'a ca lmala' acamaye, nache iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qataq ca shiỹaxaua da ipoteua'a ca nogoxoshetpi maye nso'oolecpi acamaye, nache iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qataq ca shiỹaxaua maye ipoteua'a ca huetalec ca lmala', huo'otaq ca nso'onqa' acamaye, nache camaye saishet da qui'itta ivitta'a da pe.


Qaq ca shiỹaxaua da ipoteua'a que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.


Qaq ime, nache so ntaxaỹaxanaxanec iỹoi' caua alogo qataq nachel, qaq da ime, nache ishet da ỹe'eguelaxaua'a ca qanayeetaña, qalaxaye ñaq saxanaxa da qui'itta ivitta'a da pe.


Swiv nou:

Piblisite


Piblisite