Números 19:20 - La'aqtaqa Ñim Lo'onatac 'Enauacna 2013

²⁰ Qaq ca shiỹaxaua maye saxanaxa da qui'itta, da saishet da nqui'itaxat, nache camaye iuen da ca'ai qanqa'en ne'ena nhuo' le'ecpi, cha'aye na'aqchet ñi npe'l maye lanataqa' Ñim Nataxala'. Souaxat da saxanaxa da qaichegoxolec na 'etaxat maye ishet da qui'itta naqa'en da lataxac, nache camaye nache 'eetai' da saishet da qui'itta da lataxac.

Números 19:20 Referans Kwoze

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Números 19:13

Qaq da huo'o ca ipoteua'a ca shiỹaxaua leuaxaic, nache da saishet da nỹola't camaye, nache ishet da na'aqchet ñi npe'l maye lanataqa' Ñim Nataxala'. Qaq que'eca shiỹaxaua iuen da ca'ai qanqa'en na Israel, cha'aye saxanaxa da qaiquetegaxaalec que'eca 'etaxat maye ishet da iqui'itaxatta, nache camaye nache 'eetai' da saishet da qui'itta da lataxac.

Génesis 17:14

Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

Apocalipsis 22:11

'Aua'aqta'a ca 'etaxaloxoic da queto'ot da ỹo'ottac ca qauem; qaq ca nshepaxan da ntoonaxac, nache queto'ot da ỹo'ottac nam lataxacpi maye nshepaxan. Qaq cam ỹo'ottac cam ỹaỹamaqchiguiñi, nache 'aua'aqta'a da queto'ot da ỹo'ottac, qaq cam ỹanot da nachaalataxac Ñim Lo'onatac 'Enauacna, nache 'aua'aqta'a da ỹataqta nañanot Ñimaye.» Nache So Jesús 'enapeco':

2 Pedro 3:14

Qaq ỹoqo'oye qami' ñauochaxau' ỹaqaỹa't, nagui da ña qauacheeta'aguet da yo'oq 'enauac de'era, qaq no'on da ỹataqta qanpogoxoiñiỹapegue' da qaulaquiichiguiñi da qoviito'ot Ñim Lo'onatac 'Enauacna, yaqto' Ñimaye saishet da qami' natenaleguete da huo'o ca qarasouaxashechi.

Números 15:30

Qalaxaye da huo'o ca shiỹaxaua da nache 'ena'anac da ỹo'ot ca lasouaxashet, na'aictaxa da Israel le'ec, huo'otaq chegaqauec, nache camaye Aỹem inogoqchet. Nache que'eca shiỹaxaua qanqateeguesop na lauo' le'ecpi,

Levítico 15:31

Qaq 'era da qoñiitec da ivita'aguet qanqa'eñi na Israel le'ecpi ca saishet da qui'itta, yaqto' saishet da ileupi souaxat da sa iren, qataq na'aqchet ye ỹanataqa'.»

Levítico 17:16

Qalaxaye da saishet da iỹoi' caua alogo, qataq da saishet da nachel, nache camaye maiche nque'etaxangui ca lasouaxashet.»

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Levítico 22:4

Qataq na chegoxoguetpi ñi Aarón, da huo'o ca huetalec na lo'oc ca qauem nhuetaxanaxa, huo'otaq da huo'o na lli'i ñi logoxoshet, nache saishet qome da chec ca nallec maye qoỹaneuo da nachetaqtaxanaxat, nato' qom qui'itta. Qataq ca ipoteua'a ca ỹataqta qaiqaiga souaxat da nhuoiguet ca leuaxaic, huo'otaq ca maiche anactac ana lmale,

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.