Números 19:19 - La'aqtaqa Ñim Lo'onatac 'Enauacna 2013

¹⁹ Qataq que'eca shiỹaxaua maye qui'itta da lataxac, camaye ichegoxolec nataqa'en ca shiỹaxaua maye saishet da qui'itta da lataxac, ca na'a'q tres qataq ca na'a'q siete. Qaq ca na'a'q siete nache mashe qui'itta naqa'en que'eca shiỹaxaua, qalaxaye que'eca shiỹaxaua maye saishet da qui'itta da lataxac iuen da iỹoi' caua alogo qataq nachel, qalaxaye saxanaxa da qui'itta ivitta'a da pe.

Números 19:19 Referans Kwoze

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Números 19:12

Nache camaye nqui'itaxaala't ca na'a'q tres, nachelgui que'eca 'etaxat, qaq ca na'a'q siete nache qui'itta. Qaq da huo'otaq saishet da nỹo que'eca na'a'q tres, nache camaye saishet da qui'itta da lataxac ca na'a'q siete.

Levítico 14:9

Qaq da iviraxatrec caua siete na'axa'te, nache camaye ỹataqta namarecta na laue na lqaic, qataq ana lqa' laue, nashep laue, npe laue qataq 'enauac ana laso na lo'oc, qataq iỹoi' caua alogo, qataq nachel. Ime, nache ỹataqta qui'itta camaye.

Judas 1:23

Qanca'alaxacheeuec nam iuen da qanca'alaxateeguesop cam nhuaxanaqa' na 'etaxaloxoicpi, qataq qauchoxoyiñi nam nataqa'en iuen ca nchoxonnataguec. Qalaxaye ỹataqta qarvichiỹa'aguet da qauo'oche nataqa'en nam qauem maye ỹo'ottac namayepi.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Números 31:19

Qataq 'enauac de'era qoñiita da huo'o ca dalaataxan, huo'otaq ỹasheltapigui ca leuaxaic, nache pa'atauga qome qanqa'eñi na pa'auec na qoñiitaña nanataqa' ivittrec caua siete na'axa'te. Qaq ca na'a'q tres, qataq ca na'a'q siete, nache qami' qataq na qoroxoñiqui, qanqui'itaxacheeta qome.

Génesis 2:2

Qaq co'ollaq ivita so na'a'q siete, nache Ñim Lo'onatac 'Enauacna, imat nam lo'onatacpi nache nmatec.

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Números 19:13

Qaq da huo'o ca ipoteua'a ca shiỹaxaua leuaxaic, nache da saishet da nỹola't camaye, nache ishet da na'aqchet ñi npe'l maye lanataqa' Ñim Nataxala'. Qaq que'eca shiỹaxaua iuen da ca'ai qanqa'en na Israel, cha'aye saxanaxa da qaiquetegaxaalec que'eca 'etaxat maye ishet da iqui'itaxatta, nache camaye nache 'eetai' da saishet da qui'itta da lataxac.

Números 19:18

Ime, nache cam shiỹaxaua maye qui'itta da lataxac, ỹacona aca nchegoxosoxonaqte, nache ishiiñigui que'eca 'etaxat da ỹapapiaxat, nache ichegoxolec que'eca npe'l, qataq aca naco'oñapi, qataq na laỹepi nogoxoshetpi, qataq ca shiỹaxauapi maye netaigui camaye, nataqa'en ca ipoteua'alo caua npi'ineqa, nalaatac, huo'otaq ca leuaxaic maye maiche ivita ca laloqo' da ileu, huo'otaq aca huachiqui.

Levítico 14:7

Ime, nache siete da ichegoxolec ca shiỹaxaua maye huec ca qauem nhuetaxanaxa da yaqto' qui'itta, nache ỹa'axatem da no'oita camaye. Qaq ca qoỹo maye ña nca'altauec, nache ỹaxanec da huaỹo.

Números 31:24

Nataqa'en qauỹoi' qome naua qorogolli' ca na'a'q siete, yaqto' qami' qui'itte'. Ime nache ishet da qauanaiua'a na nanataqa' maye qanayeuta'a.