Números 19:17 - La'aqtaqa Ñim Lo'onatac 'Enauacna 2013

¹⁷ Qaq da qaiqui'itaxat da lataxac que'eca shiỹaxaua maye saishet da qui'itta da lataxac, nache qaỹacona ca laỹe ca alo aca'aca huaca maye qaỹavigaxat da yaqto' qaỹapalaxat na nasouaxashet, nache que'eca alo qaỹasaxangui aca naco'oña, nache qaicoyingui ca 'etaxat maye chegaqangui ca la'auaxac.

Números 19:17 Referans Kwoze

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Juan 7:38

Qaq añi lquiyaqte cam Aỹem ỹa'amaqten, chegoqtoigui ca 'etaxat maye 'eeta'am na la'auaxac da npaxaatasheguem. Cha'aye nache 'ena'ape naua nanettraleguete ana nere maye huetalec na la'aqtacpi Ñim Lo'onatac 'Enauacna.

Cantares 4:15

Aỹem sheeta'am añi laỹe' na 'etaxat maye naigui yi'iye nañiguishe lma', 'etaxat llec maye npaxaatasheguem na le'ec, qataq la'auaxac maye chegoqtapiguisheguema ye Líbano.

Números 19:9

Qaq ca lỹa shiỹaxaua maye qui'itta da lataxac, laỹona't qome ca no'onañi alo aca'aca huaca maye qaỹavigaxat, nache ỹachaña ca qui'ittelec ca pa'auec que'eca nanataqa'. Qaq na Israel le'ecpi ỹaỹamaxat qome que'eca alo, yaqto' do'onataxana da qui'itta naqa'en ca 'etaxat, maye nachelaxat da huo'o ca qaiỹouec na lasouaxashetpi.

Génesis 26:19

Qaq huo'o so na'a'q, nache so lamaxashecpi so Isaac, nshettac aso ñi'illoxoqui se'eso ca'amegue, nache nsheralec so la'auaxac so 'etaxat.

Hebreos 9:13

Ỹoqta 'eesa da la'amqaanataxanaxac na judiopi maye 'eeta': ca shiỹaxaua da nshepaxan da lataxac, nache saishet da ỹañoxot da ỹo'oxoren Ñim Lo'onatac 'Enauacna. Qalaxaye nataqa'en ishet da qui'itta da qaicoreleguete naua ltago'q ca quetaq llalec huo'otaq ca huaca llalec, huo'otaq da qaichegoxolec na alo maye chegaqaigui aca huaca llale maye qaỹavigaxat.

Números 19:18

Ime, nache cam shiỹaxaua maye qui'itta da lataxac, ỹacona aca nchegoxosoxonaqte, nache ishiiñigui que'eca 'etaxat da ỹapapiaxat, nache ichegoxolec que'eca npe'l, qataq aca naco'oñapi, qataq na laỹepi nogoxoshetpi, qataq ca shiỹaxauapi maye netaigui camaye, nataqa'en ca ipoteua'alo caua npi'ineqa, nalaatac, huo'otaq ca leuaxaic maye maiche ivita ca laloqo' da ileu, huo'otaq aca huachiqui.

Números 31:23

'enauac na lcat maye nalota'aguet na le'eraxa ca norec, nache qaỹasaxangui ca le'eraxa ca norec namayepi, da yaqto' qui'itta qanqa'en, qalaxaye nataqa'en iuen da qaiỹoxona ca 'etaxat yaqto' iqashelgaxatta. Qaq ca nogoxoshetpi maye sa nalo'oguet ca le'eraxa ca norec, nache qaỹauota'a ca 'etaxat da qaiỹo da yaqto' qui'itta.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.