Números 19:16 - La'aqtaqa Ñim Lo'onatac 'Enauacna 2013

¹⁶ Qaq da huo'otaq huo'o ca huetauga ca no'onaxa, nache da ipoteua'a ca shiỹaxaua nalaatac, huo'otaq ca maiche ivita ye laloqo' da ileu, huo'otaq caua npi'ineqa, huo'otaq huachiqui, nache camaye saishet da qui'itta da lataxac ivittrec caua siete na'axa'te.

Números 19:16 Referans Kwoze

Mateo 23:27

¡Ỹataqta qauem da qa'aita'ague qami'! Cha'aye qaue'enaxache ca shiỹaxaua no'on da lataxac qataq ỹo'oxoraic, qalaxaye ỹoqta 'eesa da qami' tenataxanaxaiqa qataq qami' qauemaiqa. Qoñiita'am aca huachiqui maye qaỹa'ameeta na pa'auec qataq da qailota'a qalaq ỹataqta qui'itta, qalaxaye nam pa'auo ỹataqta nlaqchigui na npi'inecpi qataq ỹataqta qauem.

Números 31:19

Qataq 'enauac de'era qoñiita da huo'o ca dalaataxan, huo'otaq ỹasheltapigui ca leuaxaic, nache pa'atauga qome qanqa'eñi na pa'auec na qoñiitaña nanataqa' ivittrec caua siete na'axa'te. Qaq ca na'a'q tres, qataq ca na'a'q siete, nache qami' qataq na qoroxoñiqui, qanqui'itaxacheeta qome.

Lucas 11:44

¡Ỹataqta qauem da qa'aita'ague! Cha'aye qami' qoñiita'am acam huachiqui maye sa qaila'a, nache na shiỹaxauapi petapeguelec.

Números 19:11

Qaq ca ipoteua'a ca camachaqca shiỹaxaua leuaxaic, camaye saishet da qui'itta da lataxac ivittrec caua siete na'axa'te.

Números 19:15

Qataq 'enauac qome aca naco'oñapi maye nauattangui huo'otaq sa ỹaỹamaxañi ca lapoxot saishet qome da qui'itta.

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Levítico 21:1

Ñim Nataxala' 'enapega so Moisés, 'eeta': «Qonapega qome na ntaxaỹaxanaxanecpi maye chegoxoguet ñi Aarón, qoneta': Saishet qome da na'aqchet da qui'itta lataxac namayepi ca leuaxaic, maye maiche qarhuo'oi le'ec souaxat da ipoteua'a,

Números 5:2

«Qonapega qome na Israel le'ecpi da ca'ai naqa'en ca qanayeuta'a nanataqa', 'enauac na shiỹaxaua maye hueta'ac na nchega naqa'en na lo'oc, qataq na anactac na lli'i ñi logoxoshet, huo'otaq ca ipoteua'a ca leuaxaic.

Números 6:6

Qataq da ñaq huetaiguilo que'ecaua na'axa'te de'era nañanaxac, nache saishet da nachaateua'a ca huetaña ca leuaxaic,

Números 9:6

Qalaxaye huo'o co'ollaxa so shiỹaxauapi maye saishet da qui'itta, souaxat da ỹasheleua'a so leuaxaic, ỹoqo'oye saishet da ỹalegueua'a so Lapascua se'eso na'a'q. Qaq somayepi, nache taua'a co'ollaxa so Moisés qataq so Aarón se'eso na'a'q,

Ezequiel 44:26

Qaq da huo'otaq ipoteua'a, nache iuen da nỹo, ime nache iuata'a da inoxoore'c caua siete na'axa'te.