Números 19:13 - La'aqtaqa Ñim Lo'onatac 'Enauacna 2013

¹³ Qaq da huo'o ca ipoteua'a ca shiỹaxaua leuaxaic, nache da saishet da nỹola't camaye, nache ishet da na'aqchet ñi npe'l maye lanataqa' Ñim Nataxala'. Qaq que'eca shiỹaxaua iuen da ca'ai qanqa'en na Israel, cha'aye saxanaxa da qaiquetegaxaalec que'eca 'etaxat maye ishet da iqui'itaxatta, nache camaye nache 'eetai' da saishet da qui'itta da lataxac.

Números 19:13 Referans Kwoze

Levítico 15:31

Qaq 'era da qoñiitec da ivita'aguet qanqa'eñi na Israel le'ecpi ca saishet da qui'itta, yaqto' saishet da ileupi souaxat da sa iren, qataq na'aqchet ye ỹanataqa'.»

Levítico 22:3

Nataqa'en qonapega qome namayepi, da huo'o ca saishet da qui'itta da lataxac na chegoxoguet namayepi, nache saishet da ỹaneuo ca nachetaqtaxanaxat, cha'aye da ỹaneuo ca nachetaqtaxanaxat maye ỹaneuo na Israel le'ecpi, da yaqto' qoỹanot Ñim Nataxala', nache camaye qaỹo'orauec, ca'ai qanqa'en ye ỹanataqa'. Qaq 'era da ỹa'aqtac, Aỹem Nataxala'.

Levítico 7:20

Qaq ca shiỹaxaua maye nshepaxan da lataxac, da huo'otaq chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Apocalipsis 22:11

'Aua'aqta'a ca 'etaxaloxoic da queto'ot da ỹo'ottac ca qauem; qaq ca nshepaxan da ntoonaxac, nache queto'ot da ỹo'ottac nam lataxacpi maye nshepaxan. Qaq cam ỹo'ottac cam ỹaỹamaqchiguiñi, nache 'aua'aqta'a da queto'ot da ỹo'ottac, qaq cam ỹanot da nachaalataxac Ñim Lo'onatac 'Enauacna, nache 'aua'aqta'a da ỹataqta nañanot Ñimaye.» Nache So Jesús 'enapeco':

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Juan 8:24

Qaq ỹoqo'oye Aỹem qami' sa'aqtaxaateguema da saishet da Aỹem qaua'amaqchiñi qataq sa qauauattoñi da Nachaỹem, nache choche qaulliviitañito naua qarasouaxashe'echilli'.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Números 19:20

Qaq ca shiỹaxaua maye saxanaxa da qui'itta, da saishet da nqui'itaxat, nache camaye iuen da ca'ai qanqa'en ne'ena nhuo' le'ecpi, cha'aye na'aqchet ñi npe'l maye lanataqa' Ñim Nataxala'. Souaxat da saxanaxa da qaichegoxolec na 'etaxat maye ishet da qui'itta naqa'en da lataxac, nache camaye nache 'eetai' da saishet da qui'itta da lataxac.

Números 19:18

Ime, nache cam shiỹaxaua maye qui'itta da lataxac, ỹacona aca nchegoxosoxonaqte, nache ishiiñigui que'eca 'etaxat da ỹapapiaxat, nache ichegoxolec que'eca npe'l, qataq aca naco'oñapi, qataq na laỹepi nogoxoshetpi, qataq ca shiỹaxauapi maye netaigui camaye, nataqa'en ca ipoteua'alo caua npi'ineqa, nalaatac, huo'otaq ca leuaxaic maye maiche ivita ca laloqo' da ileu, huo'otaq aca huachiqui.

Números 19:9

Qaq ca lỹa shiỹaxaua maye qui'itta da lataxac, laỹona't qome ca no'onañi alo aca'aca huaca maye qaỹavigaxat, nache ỹachaña ca qui'ittelec ca pa'auec que'eca nanataqa'. Qaq na Israel le'ecpi ỹaỹamaxat qome que'eca alo, yaqto' do'onataxana da qui'itta naqa'en ca 'etaxat, maye nachelaxat da huo'o ca qaiỹouec na lasouaxashetpi.

Números 15:30

Qalaxaye da huo'o ca shiỹaxaua da nache 'ena'anac da ỹo'ot ca lasouaxashet, na'aictaxa da Israel le'ec, huo'otaq chegaqauec, nache camaye Aỹem inogoqchet. Nache que'eca shiỹaxaua qanqateeguesop na lauo' le'ecpi,

Números 8:7

Da lataxac da yaqto' qui'itta namayepi, 'eeta': 'Am 'auquetegaxaalec qome ca 'etaxat maye ishet da qui'itta naqa'en namayepi, qaq da ime, nache namayepi namarec 'enauac ana laso na lo'oc, qataq iỹoi' 'anqa'en naua alogo, nache namayepi ỹataqta qui'itta.

Levítico 20:3

Nache Aỹem ỹataqta sataỹa'aguet qome que'eca shiỹaxaua, qataq so'orauec, ca'ai ñaqa'en ca lauo' le'ecpi, cha'aye ishepaxanaqchet ye atamnaqa' maye ỹanataqa', qataq ỹe'enai' da ỹataqta qui'itta ỹe'enaxat, souaxat da ỹanot ca llalec ca atamnaxala' Moloc.

Levítico 5:17

Da huo'o ca shiỹaxaua da sa nanoma da npe'eelec na lamaxasoxonaxacpi Ñim Nataxala', nache ỹo'ot ca sa qaỹashen da qaỹo'ot, nache camaye nque'etaxangui qome que'eca lasouaxashet.

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Levítico 5:3

Qaq da huo'o ca ilamaxata'a da ỹashelagui ca la'atec ca shiỹaxaua, nache camaye saishet da qui'itta. Qaq da ivita da nanoma, nache camaye huo'o ca lasouaxashet.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Levítico 7:21

Qaq ca shiỹaxaua da ỹashelagui ca la'atec ca shiỹaxaua, huo'otaq ca shiguiỹac maye qaiqaiga, huo'otaq ca camachaqca nam qaiqaigapi, da chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.»

Números 19:14

Qaq da qalapaxañi lataxac da huo'o ca ileuaigui ca maiche lpe'l, 'eeta': 'Enauac na netaiguipi que'eca npe'l qataq ca pa'aigui camaye, nache saishet da qui'itta da lataxac ivittrec caua siete na'axa'te.

Números 19:19

Qataq que'eca shiỹaxaua maye qui'itta da lataxac, camaye ichegoxolec nataqa'en ca shiỹaxaua maye saishet da qui'itta da lataxac, ca na'a'q tres qataq ca na'a'q siete. Qaq ca na'a'q siete nache mashe qui'itta naqa'en que'eca shiỹaxaua, qalaxaye que'eca shiỹaxaua maye saishet da qui'itta da lataxac iuen da iỹoi' caua alogo qataq nachel, qalaxaye saxanaxa da qui'itta ivitta'a da pe.

Ezequiel 44:26

Qaq da huo'otaq ipoteua'a, nache iuen da nỹo, ime nache iuata'a da inoxoore'c caua siete na'axa'te.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Levítico 22:4

Qataq na chegoxoguetpi ñi Aarón, da huo'o ca huetalec na lo'oc ca qauem nhuetaxanaxa, huo'otaq da huo'o na lli'i ñi logoxoshet, nache saishet qome da chec ca nallec maye qoỹaneuo da nachetaqtaxanaxat, nato' qom qui'itta. Qataq ca ipoteua'a ca ỹataqta qaiqaiga souaxat da nhuoiguet ca leuaxaic, huo'otaq ca maiche anactac ana lmale,

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.