Números 18:31 - La'aqtaqa Ñim Lo'onatac 'Enauacna 2013

³¹ Qataq ishet da chec camayepi maicheye ca netaña. Cha'aye nachera da nsheetenaguec souaxat da ỹo'ottac na no'onatacpi ñi npe'l maye naỹonqa'.

Números 18:31 Referans Kwoze

Lucas 10:7

Saishet da qa'aiteua'alo na nỹecpi. Nachaqrata da qoviỹa'a ca 'oonolec nỹec, nache qolliqui qataq qanỹomiigui cam qami' qoỹanema, cha'aye ca 'onataxanaxaic saishet da sa qaisheeten da lo'onataxanaxac.

Mateo 10:10

qataq ca laỹe' ca qo'oqoi na nqa'aic. Qataq saishet da qauache caua qarashelchelli' qataq caua lỹa't qo'ogolli'. Cha'aye 'enauac na 'onataxanaxaicpi saishet da sa qoỹami' da lquia'axac.

Gálatas 6:6

Cha'aye ca mashe ỹaỹateeta da napaxaguenataguec da la'aqtac Ñim Lo'onatac 'Enauacna, qaq camaye no'on da nhuaate' ca napaxaguenaxala' 'enauac nam no'on maye ỹaconeguet.

2 Corintios 12:13

Cha'aye da qoñiita 'oonolec dam no'on maye saxanaxa da qauo'oche, dam mashe ỹo'ottac na laỹepi 'amqaanataxanaxaicpi: ¡Qami' saishet da aỹem qautauñic aca qo'omi! ¡Qalaxaye choche aỹem qauchoxoyiñi! Cha'aye maiche ỹasouaxashet, souaxat da maiche aỹem saishet da qami' seỹaxanoiguilo.

Números 18:30

Qaq nataqa'en qonapega qome, qoneta': ‹Da ime da iỹotauga ca ỹataqta no'on da Aỹem ỹanot, nache ca no'onañi trigo qataq ca lataxa qalaq 'eeta'am naqa'en da maiche lalamaxat.

Números 18:32

Qaq da ime da iỹotauga ca ỹataqta no'on da Aỹem ỹanot, nache ishet da chec ca no'onañi, qalaxaye saishet da huo'o ca lasouaxashet, cha'aye da 'eetec de'era, nache saishet da na'aqchet na lachetaqtaxanaxatpi na Israel le'ecpi, qataq saishet da huo'o ca ileu.›»