Números 18:30 - La'aqtaqa Ñim Lo'onatac 'Enauacna 2013

³⁰ Qaq nataqa'en qonapega qome, qoneta': ‹Da ime da iỹotauga ca ỹataqta no'on da Aỹem ỹanot, nache ca no'onañi trigo qataq ca lataxa qalaq 'eeta'am naqa'en da maiche lalamaxat.

Números 18:30 Referans Kwoze

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Malaquías 1:8

qataq da saishet da qauem qanqa'eñi, da Aỹem qaỹa'añiỹot ca shiguiỹac maye tagoxoic, huo'otaq huaỹoraxaic, huo'otaq ca sano'on. ¡Qauesomiỹa qome, qaroiua'a nam qarta'ailpi! ¡Nache qauloichigui qome da huo'otaq namayepi ỹamaateguet nam qarachetaqtaxanaxache!»

Deuteronómio 6:5

'Auauotec qome Ñim Nataxala' maye Lo'onatac 'Enauacna, ỹataqta 'amato'ot da 'arquiyaqteỹaxac, 'anachaalataxac qataq da 'ara'añaxac.

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Génesis 50:10

Qaq somayepi co'ollaq ivita ye no'onaxa maye lalamaxat so Atad maye pa'aigue da nala' lliguisheguem ye tala Jordán, qaq huaña yemaye nache qaỹo'ot so lta'araic nasouaxac qataq noinaxac. Qaq huaña yemaye, nache so José ỹo'ot so lasouaxac, ivittrec soua siete na'axa'te souaxat so lta'a.

Éxodo 29:27

Qaq nache 'aỹotauga qome ca ltogue lapat maye 'aỹa'aasheguem da 'aỹa'anot Ñim Nataxala', qataq ca ltele'eta que'eca qagueta maye nachetaqtaxanaxat da qoỹanagui da lo'onataxanaxac ñi Aarón, qataq ñeua llalqa, cha'aye maiche lalamaxa't caamaye.

Números 18:29

Nache 'enauac ca nachetaqtaxanaxat maye ỹaconeguet namayepi, iỹotauga qome ca 'oonolec laỹe da Aỹem ỹanem, qalaxaye ỹaconeua'a ca ỹataqta no'on.

Números 18:31

Qataq ishet da chec camayepi maicheye ca netaña. Cha'aye nachera da nsheetenaguec souaxat da ỹo'ottac na no'onatacpi ñi npe'l maye naỹonqa'.