Números 18:26 - La'aqtaqa Ñim Lo'onatac 'Enauacna 2013

²⁶ «'Aua'aqtaxanem qome na leviitapi, da ivita da ỹaconeguet aca diezmo, maye ỹaneuo na Israel le'ecpi, nache iỹotauga ca 'oonolec maye chegaqaigui ca diez da yaqto' Aỹem ỹanot.

Números 18:26 Referans Kwoze

Nehemías 10:38

Qalaxaye 'oonolec ca ntaxaỹaxanaxanec chegoxoguet so Aarón da nnaictague' na leviitapi, qom ỹe'eguenauga aca diezmo maye chegaqaigui na nachetaqtaxanaxatpi nache qoỹanem so leviitapi, nache ỹachaigui so maiche laponqa' somaye maye naña aso atamnaxaqui maye lalamaqte Ñim Qanatamnaxala'.

Números 18:21

Qaq na leviitapi, sanem qome da lalamaqte ana diezmo maye Aỹem ỹanem na Israel le'ecpi, da nsheetenaqte ñaqa'en da lo'onataxanaxac souaxat da huetague' na no'onatacpi maye huaña ñi npe'l maye naỹonqa'.

Hebreos 7:5

Qaq naua namaxasoxonaxaco maye chegoqo'oto so Moisés ỹa'axa't da huo'otaq huo'o ca ntaxaỹaxanaxanec da chegaqaigui na llalaqpi so Leví, nache camaye huo'o da na'aqtac da yaqto' talec aca diezmo maye laueque 'enauac na Israel le'ecpi. Na'aictaxa da que'eca ntaxaỹaxanaxanec da maiche nalamaxat nhuo' le'ec, huo'otaq da maiche nqaỹa, qalaxaye nache 'ena'am qoỹami' añi 'oonole nam diez maye laueque namayepi.

Números 18:25

Ñim Nataxala' qaltaq 'enapega so Moisés, 'eeta':

Números 18:27

Qaq que'eca iỹotauga nache 'eeta'am qome da 'eetec naxa na Israel le'ecpi da ỹaneuo natai' iỹotauga trigo qataq na lataxa.

Números 15:21

Qaq nache 'eetai' qome da qauo'ocheetac aca'aca nachetaqtaxanaqte, nataqa'en ca qami' chegoxogueta.

Nehemías 10:39

Qaq so Israel le'ecpi qataq so leviitapi, iroua'a aso naponaxanaxaqui maye naña aso atamnaxaqui, asa'aso nachetaqtaxanaqtepi ala na trigo, lataxa, qataq aceite, cha'aye nache netaigui som nogoxoshetpi maye sa qaishetapec, qataq so ntaxaỹaxanaxanecpi, qataq so lasom lo'opi, qataq so 'onaxanaxaicpi. Qaq 'era da 'eetec so qarasataxac da saishet da salataq aso atamnaxaqui maye lalamaqte Ñim Qanatamnaxala'.