Números 18:24 - La'aqtaqa Ñim Lo'onatac 'Enauacna 2013

²⁴ Cha'aye na leviitapi, sanem da lalamaqte ana diezmo maye chegaqaigui nam ala na nañiguishecpi maye Aỹem ỹanot na Israel le'ecpi. Ỹoqo'oye shenapega co'ollaxa namayepi da saishet da huo'o ca sanem da lalamaxat ne'ena 'alhua na Israel.»

Números 18:24 Referans Kwoze

Números 18:26

«'Aua'aqtaxanem qome na leviitapi, da ivita da ỹaconeguet aca diezmo, maye ỹaneuo na Israel le'ecpi, nache iỹotauga ca 'oonolec maye chegaqaigui ca diez da yaqto' Aỹem ỹanot.

Números 18:25

Ñim Nataxala' qaltaq 'enapega so Moisés, 'eeta':

Números 26:62

Qaq ye lcata so ỹalleppi maye chegoxoguet so Leví, som ivi' qataq napacalec ye 'oonolec ca'agoxoic, ivi' veintitrés mil. Qaq somayepi saishet co'ollaxa da qaỹalecnoigui so laỹe Israel le'ecpi maye qoỹiyiñi, cha'aye saishet da qaỹauo'o ca qoỹanem lalamaxat na'alhua.

Deuteronómio 10:9

Qaq ỹoqo'oye ne'ena leviitapi qaica ca lalamaxat logoxoshet, qataq na'alhua da ỹalectaigui na lqaỹañecpi, cha'aye Ñim Nataxala' lalamaxat namayepi, qataq maiche la'aqtac co'ollaxa Ñimaye.

Deuteronómio 26:12

Qaq da ivireuga ca vi'i tres maye laloxoqui da qoỹaneuo aca diezmo, nache da mashe 'auỹotauga 'enauac aca diezmopi maye chegaqaiguipi ana ala 'enauac ca 'añiguishecpi, qataq da mashe 'aỹa'anem na leviitapi, qataq ca chegaqauecpi, qataq ca saploqpi, qataq aca pa'aipi, da yaqto' ishet da deque'etac da netañalo naua qarma'achilli' ivitta'a da ỹataqta icoma',

Levítico 27:30

Qaq aca diezmo maye chegaqaigui ca nañiguishec, qataq aca ala aca qo'oipaq maye ishet da qanallec, acamaye qaiỹotauga, cha'aye lalamaqte Ñim Nataxala'.

Josué 13:14

Qaq so Moisés qaica co'ollaxa ca ỹanem 'alhua so maiche nhuo' le'ecpi maye chegoxoguet so Leví, cha'aye somayepi taỹot so laỹe aso nachetaqtaxanaqtepi maye qoỹanot Ñim Nataxala' maye Natamnaxala' so Israel le'ecpi. Cha'aye maiche la'aqtac co'ollaxa Ñimaye.

Nehemías 10:38

Qalaxaye 'oonolec ca ntaxaỹaxanaxanec chegoxoguet so Aarón da nnaictague' na leviitapi, qom ỹe'eguenauga aca diezmo maye chegaqaigui na nachetaqtaxanaxatpi nache qoỹanem so leviitapi, nache ỹachaigui so maiche laponqa' somaye maye naña aso atamnaxaqui maye lalamaqte Ñim Qanatamnaxala'.

Nehemías 13:12

Nache 'enauac so Judá le'ecpi ndoua'a so naponaxanaxaqui aso ndiezmo maye chegaqaigui so ala so trigo, lataxa, qataq so aceite.