Números 18:23 - La'aqtaqa Ñim Lo'onatac 'Enauacna 2013

²³ Qaq nachaqnata na leviitapi da huetague' qome na no'onatacpi ñi npe'l maye naỹonqa', qaq da huo'o ca ỹasouaxat, nache maiche nasouaxaala't. Qaq 'era da lataxac maye nache 'eetai' qome da ỹo'ottac ca 'am chegoxoguetpi. Qaq na leviitapi saishet qome da huo'o ca lalamaxat da ỹalectaigui na Israel le'ecpi.

Números 18:23 Referans Kwoze

Números 3:7

Nache pa'aiguet da ỹo'ot da lo'onataxanaxacpi so Aarón, qataq da huapegue' nam nhuo' le'ecpi, qataq ñi npe'l maye huaña naxa da qanauane' Ñim Nataxala'.

Números 18:20

Ñim Nataxala' qaltaq 'enapega so Aarón, 'eeta': «Qaq na na'alhua namayepi, qaica qome ca 'am taỹot da 'aralamaxat, qataq saishet da 'anhuanaua'a namayepi. Cha'aye nachaỹem da Aỹem 'aralamaxat, qataq 'am talec qome na seqataxaatapigui' qom 'aualectaigui na Israel le'ecpi.

Números 18:1

Ñim Nataxala' 'enapega so Aarón, 'eeta': «'Am qataq na 'aỹa'alaqpi, nataqa'en na 'arhuo' le'ecpi maye chegoxoguet so Leví, qami' qapa'aiỹa'aguet da huo'o ca nasouaxashet ñi npe'l, qataq 'am, nataqa'en naua 'aỹa'alqa, maiche qapa'aỹeeguet da huo'o ca lasouaxashet na ntaxaỹaxanaxanecpi.

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Números 26:62

Qaq ye lcata so ỹalleppi maye chegoxoguet so Leví, som ivi' qataq napacalec ye 'oonolec ca'agoxoic, ivi' veintitrés mil. Qaq somayepi saishet co'ollaxa da qaỹalecnoigui so laỹe Israel le'ecpi maye qoỹiyiñi, cha'aye saishet da qaỹauo'o ca qoỹanem lalamaxat na'alhua.

Ezequiel 44:10

Qaq nam leviitapi maye Aỹem ca'ai co'ollaq na Israel le'ecpi ca'ai da ñeqa'aicỹaxac, da yaqto' ỹo'oxoren na nqolacpi, namayepi qome iuen da isheeten da lasouaxashet.

Números 19:21

Qaq 'era da qalapaxañi lataxac maye nache 'eetai' qome da qaỹo'ottac. Qaq que'eca shiỹaxaua maye qui'itta da lataxac maye dechegoxosoxona ca 'etaxat maye ishet da iỹouec ca nasouaxashet, camaye iuen qome da iỹoi' caua alogo. Qaq ca lỹa shiỹaxaua da ỹashelgui ca 'etaxat qui'itta maye iqui'itaxat da nataxac, camaye saishet da qui'itta'a ivitta'a da pe.

Números 35:29

Qaq de'era qalapaxañi lataxac, nachera qome da lataxac da qoyecỹaxaqui qataq ca qami' chegoxogueta, na'aictaxa ca qoñiitaña ana 'alhua.

Deuteronómio 10:9

Qaq ỹoqo'oye ne'ena leviitapi qaica ca lalamaxat logoxoshet, qataq na'alhua da ỹalectaigui na lqaỹañecpi, cha'aye Ñim Nataxala' lalamaxat namayepi, qataq maiche la'aqtac co'ollaxa Ñimaye.

Josué 13:14

Qaq so Moisés qaica co'ollaxa ca ỹanem 'alhua so maiche nhuo' le'ecpi maye chegoxoguet so Leví, cha'aye somayepi taỹot so laỹe aso nachetaqtaxanaqtepi maye qoỹanot Ñim Nataxala' maye Natamnaxala' so Israel le'ecpi. Cha'aye maiche la'aqtac co'ollaxa Ñimaye.