Números 18:19 - La'aqtaqa Ñim Lo'onatac 'Enauacna 2013

¹⁹ Nache 'enauac qome na iỹotauga lachetaqtaxanaxat da Aỹem ỹanot na Israel le'ecpi, nache 'am taỹot qome, qataq naua 'aỹa'alqa ỹale't, qataq naua 'alol maye ñaq 'am neto'oto. Qaq 'era da lataxac maye nache 'eetai' qome da qaỹo'ottac. Nache de'era ñaỹamaxataxac da 'am ñaỹamaxate' maye 'eeta'am da qaỹalecnaxana ca toue, damaye nache 'eetai' qome da 'auo'ottac 'am qataq cam 'am chegoxoguetpi.»

Números 18:19 Referans Kwoze

2 Crónicas 13:5

Qami', ¿peta'a sa qauaañi da Ñim Nataxala', maye Natamnaxala' na Israel le'ecpi, da ỹanem co'ollaxa so David, qataq na llalaqpi somaye, da chochaq tatec da ilotague' na Israel le'ecpi, co'ollaq ỹo'ot so naỹamaxataxac maye saishet da qanlaxaañe?

Números 18:11

Nataqa'en 'am, qataq na 'aỹa'alaqpi ỹalleppi qataq na 'alpi maye ñaq 'am neto'otpi, da qami' sanema qome 'enauac na nachetaqtaxanaxat maye ỹaasheguem da Aỹem ỹanot na Israel le'ecpi, qaq de'era lataxac nache 'eetai' qome. Qataq 'enauac na shiỹaxauapi maye hueta'a ca 'arma' da qui'itta da lataxac, nache ishet da chec anamaye.

Levítico 2:13

Qaq 'enauac aca'aca nachetaqtaxanaqtepi maye chegaqaigui ana ala ca nañiguishec, iuen da qaỹalecneguet ca toue, cha'aye ca toue naigui da nache 'eetai' de'era aỹamaxataxac Ñim Qanatamnaxala'ai. Qaq ỹoqo'oye 'enauac aca laỹepi nachetaqtaxanaqtepi iuen da qaỹalecneguet ca toue.

2 Crónicas 31:4

Qaq nataqa'en 'enapega so shiỹaxauapi maye hueta'a ye Jerusalén, da ỹanem so ntaxaỹaxanaxanecpi, qataq so leviitapi aso ntaunaqte naqa'en somayepi da yaqto' nalemaqte' da ỹo'ot nam lqataxacpi Ñim Nataxala'.

Deuteronómio 12:6

Nache camaye nacheca qome ca qairoua'a ca nachetaqtaxanaxat qaỹavigaxatta, qataq ca nachetaqtaxanaxat shiguiỹac, qataq aca diezmopi, qataq aca maiche chegoqchigui da qoỹan, qataq ca la'auaxanec llalec ca 'atetpi, huacapi qataq aca qaguetapi.

Números 31:41

Nache so Moisés ỹanem so ntaxaỹaxanaxanec Eleazar, som qaiỹotaugapi da lalamaxat Ñim Nataxala'. Nache ipacchigui qanqa'en da lamaxasoxonaxac Ñim Nataxala', maye ỹamaxalec co'ollaxa so Moisés.

Números 31:29

nache 'aỹa'anem so ntaxaỹaxanaxanec Eleazar que'eca Aỹem qoỹanem da ỹalamaxatpi.

Números 18:8

Ñim Nataxala' 'enapega so Aarón, 'eeta': «Aỹem, 'am sepa'axana'aguet da 'aulotague' 'enauac na nachetaqtaxanaxatpi maye Aỹem qoỹanot. Nache 'enauac na qaiỹotauga nachetaqtaxanaxatpi maye Aỹem ỹanot na Israel le'ecpi, namaye 'am sanem qataq na 'aỹa'alaqpi da yaqto' qaralamaxache, qaq de'era lataxac nache 'eetai' qome.

Levítico 7:14

Qaq nache 'enauac acamayepi, ñi 'oonolec laỹe qaỹacona da qoỹaasheguem da qoỹanot Ñim Nataxala', qataq nache taỹot ca ntaxaỹaxanaxanec maye ichegoxouec ca ltago'q ca shiguiỹac nachetaqtaxanaxat maye qanhuaachigui.

Deuteronómio 12:26

Qalaxaye ca nogoxoshet maye huotaique da qaỹa'añi da qarachetaqtaxanaxache, qataq ca qauachaxañiỹapec da qaỹa'añiỹot Ñim Nataxala', camaye iuen da qaroiua'a ca lca'ateua'a da lanataqa' Ñimaye,

2 Reyes 12:16

Qaq aso anom maye nachetaqtaxanaqte naxa da lasheue da qaỹapalaxat ca npe'enaxanaxac, qataq ca nasouaxashet, asomaye saishet da qairoua'a aso atamnaxaqui, cha'aye lalamaqte som ntaxaỹaxanaxanecpi.

Ezequiel 43:24

ime nache Aỹem 'aỹa'anoto caamaye. Qaq ca ntaxaỹaxanaxanecpi ichegoxolec qome ca toue, ime nache ỹavigaxat da nachetaqtaxanaxat da Aỹem ỹanot.

Éxodo 29:27

Qaq nache 'aỹotauga qome ca ltogue lapat maye 'aỹa'aasheguem da 'aỹa'anot Ñim Nataxala', qataq ca ltele'eta que'eca qagueta maye nachetaqtaxanaxat da qoỹanagui da lo'onataxanaxac ñi Aarón, qataq ñeua llalqa, cha'aye maiche lalamaxa't caamaye.

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.