Números 18:15 - La'aqtaqa Ñim Lo'onatac 'Enauacna 2013

¹⁵ Qataq 'enauac na la'auaxanec llalec na Israel le'ecpi, qataq na la'auaxanec llalec na na'atetpi maye Aỹem ỹanot, nache 'am sanem qome da 'aralamaxat. Qalaxaye ca la'auaxanec llalec na shiỹaxauapi, qataq ca la'auaxanec llalec na shiguiỹacpi maye saishet da qanallec, 'auỹaxanaique qome aca lasheue da yaqto' nmeneguet 'anqa'en.

Números 18:15 Referans Kwoze

Éxodo 34:20

Qaq ca la'auaxanec llalec aca 'ashena, camaye nmeneguet qanqa'en ca qagueta llalec, huo'otaq ca quetaq llalec, qaq da saishet da huo'o ca nmeneguet, nache camaye iuen da qainoxon na lqosot da qaỹalauat. Nataqa'en iuen da qaỹauo'o aca nachetaqtaxanaqte da lasheue ca na'auaxanec ñalec. Ỹoqo'oye saishet qome da huo'o ca Aỹem naua'a da huo'otaq qui'itchiguilo naua lhua'q.

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».

Números 3:46

Qalaxaye na la'auaxanec llalaqpi na Israel le'ecpi, napacalec na llalaqpi na leviitapi, ỹoqo'oye da qañe'eguelaxaala't ne'ena doscientos setenta y tres maye ỹapacauec,

Números 3:13

cha'aye 'enauac na na'auaxanec ñalec, nache ỹalamaxat. Cha'aye co'ollaq ileu ñaqa'en 'enauac so la'auaxanec llalec so Egipto le'ecpi. Nache Aỹem seỹotauga co'ollaxa da sauo'o ỹalamaxat na la'auaxanec llalec na Israel le'ecpi, qataq na la'auaxanec llalec na shiguiỹacpi maye na'atetpi namayepi. Qaq ỹoqo'oye namayepi nache ỹalamaxat. Qaq 'era da ỹa'aqtac, Aỹem Nataxala'.»

Éxodo 22:29

Saishet qome da 'auaỹaloxon da 'andouo aca 'arachetaqtaxanaqte ana la'auaxana ala ca trigo qataq ca la'auaxanec lli'i aca uva. Qataq ca 'ara'auaqteguishec 'aỹa'alec Aỹem 'aỹa'anem,

Éxodo 13:15

Qataq so faraón ỹataqta qaramchigui añi lquiyaqte da saishet da qomi' ỹaxaarec, qaq ỹoqo'oye Ñim Nataxala' ỹalauat so la'auaxanec llalec ñi 'oonolec so Egipto le'ecpi qataq 'enauac so la'auaxanec llalec so shiguiỹacpi. Qaq ỹoqo'oye qomi' sanaqot Ñim Nataxala' nam qara'auaxanec qoyalec ỹale, qataq ana qarachetaqtaxanaqte maye nmeneguet namayepi.

Números 18:16

Qalaxaye da mashe ivi' ye 'oonolec ca'agoxoic da ñiguiñi ca qoỹaneuo, nache qaisheeten aca lasheue camaye maye ivi' aca cinco lcat plata, maye ivi' doce gramos añi 'oonole, maye nachañi añi lasheue da qaisheeten ñi npe'l.

Deuteronómio 15:19

Qaq ca la'auaxanec llalec ỹale aca huaca, huo'otaq aca qagueta, nache 'auỹotauga da lalamaxat 'anqa'en Ñim Nataxala' maye 'Anatamnaxala'. Qataq saishet da 'auo'onataxanaxan da 'auauegaxaalec ca la'auaxanec llalec aca huaca, huo'otaq da 'anpetec na laue ca la'auaxanec llalec aca qagueta.

2 Reyes 12:5

na ntaxaỹaxanaxanecpi ỹaconeguet qome acam nañaneuo nam maiche lauo' le'ecpi, nache qauo'ogoxoñiỹa acamaye da qanapareñi na huaña na lpoxoỹaxapi añi atamnaxaqui.

Nehemías 10:37

Nataqa'en ñasataxagui da seroxoua'a so laponqa' so nallec maye naña aso atamnaxaqui maye lalamaqte Ñim Lo'onatac 'Enauacna, so qarachetaqtaxanaxat la'auaxanec 'ayiiña, qataq aso la'auaxana ala aso qo'oipaqpi, lataxa, qataq so aceite, da yaqto' qoỹanem so ntaxaỹaxanaxanecpi. Nataqa'en ñasataxagui da sanaxam so leviitapi aso diezmo maye chegaqaigui na ala so qorañiguishecpi. Cha'aye nacheso somayepi so laỹootega't naxa 'enauac ana qarachetaqtaxnaqte naua souaqta'alo qaro'onataxanaqa'te.