Números 18:12 - La'aqtaqa Ñim Lo'onatac 'Enauacna 2013

¹² Qataq ana la'auaxana 'ala na nañiguishec ye vi'i, maye Aỹem ndoua'a na Israel le'ecpi, nache 'am sanem nataqa'en na ỹataqta no'on aceite, lataxa, qataq na trigo.

Números 18:12 Referans Kwoze

Deuteronómio 18:4

Nataqa'en qoỹanem ca la'auaxanec ala ca trigo, lataxa, aceite, qataq ca la'auaxanec npichiiguishic laue aca qagueta.

Éxodo 23:19

Qaq ca no'on la'auaxanec ala ca qorañiguishequi, camaye qauroiua'a qome aca atamnaxaqui maye lalamaqte Ñim Nataxala' maye Qanatamnaxala'ai. Qataq saishet qome da qaỹa'añiiuaq ca quetaq llalec da qauallicñiiguet ca lche' aca late'e».

Éxodo 34:26

Qataq qaroiua'a qome aca atamnaxaqui maye lalamaqte Ñim Nataxala' aca ỹataqta no'on la'auaxana ala ca qorañiguishequi maye chegaqalec ca qana'alhuaipi. Nataqa'en da qaỹa'añeeuaq ca quetaq llalec, nache saishet da qauoshaxañiỹa ca maiche lche' aca late'e.»

Deuteronómio 26:2

nache qanqache qome ca la'auaxanec ala 'enauac ca ñaxaalec yi'iye 'alhua maye qami' ỹanema qome Ñim Nataxala', nache qauachiỹangui aca npaqta da laỹe' qanqa'eñi da qauroiua'a ca lca'ateua'a da lanataqa' Ñim Nataxala' maye Qanatamnaxala'ai.

Levítico 23:20

Qaq ca ntaxaỹaxanaxanec, nache ỹaayishegue'm da ỹaareuo que'ecaua qagueta llalqa, da nachetaqtaxanaqa'ate da huaña ye lanataqa' Ñim Nataxala', qataq lỹateuo naqa'en aca nauole 'ayiiña maye chegaqaigui aca la'auaqteguishe ala ca nañiguishec, qataq caua dos qagueta llalqa. Nache ỹanoto Ñim Nataxala'. Ime, nache taỹot ca ntaxaỹaxanaxanec.

Levítico 23:17

qataq ñi 'oonolec irouo caua dos lauole maye chegaqaigui ca ỹataqta no'on 'ayiiña maye lalegue ca ỹasheeraxachigui ca ndaqñiguishec, maye ivi' cuatro kilos añi 'oonole, da yaqto' nachetaqtaxanaqte la'auaqteguishe ala ca nañiguishec da qoỹanot Ñim Nataxala'.

Levítico 2:14

Qaq da huo'o ca ỹaneuo aca nachetaqtaxanaqte aca la'auaqteguishe ala ca nañiguishec, nache ỹauota'a aca nqatelliguishec ala ca nañiguishec, huo'otaq aca nsoiguishe.

Éxodo 22:29

Saishet qome da 'auaỹaloxon da 'andouo aca 'arachetaqtaxanaqte ana la'auaxana ala ca trigo qataq ca la'auaxanec lli'i aca uva. Qataq ca 'ara'auaqteguishec 'aỹa'alec Aỹem 'aỹa'anem,

Génesis 27:28

Qaq Ñim Lo'onatac 'Enauacna, 'am ỹanem qome ca auot maye chegoqo'ot na piguem, qataq ca no'on alaỹaxac nam nañiguishecpi ana 'alhua, qataq 'am ỹanem qome ca saqalota trigo qataq ca lataxa.

Deuteronómio 18:3

Qaq da huo'o ca 'oonolec na nhuo' le'ecpi da ỹaneuo ca lachetaqtaxanaxat huaca huo'otaq qagueta, nache ca ntaxaỹaxanaxanecpi ishet da ỹacona ca laỹe ca l-laq lapat, qataq ca lanoc, huo'otaq ca da'ama'.

Deuteronómio 32:14

qataq qollequiitac naqa'en so huaca lche', qataq so isaxa't lche' ana qagueta, qataq so ỹataqta chaxaraic lapat so qagueta llalec, so qagueta qataq so quetaq lhuaraic maye huaña ye Basán, qataq qollequiitac so ỹataqta no'on ala so trigo, qataq qanỹomiitapigui so ỹataqta no'on lataxa maye lli'i aso uva.

Salmos 81:16

Nache Ñim Lo'onatac 'Enauacna ỹanem taxa na lalamaxat nhuo' le'ecpi da chectac na ỹataqta no'on trigo, qataq ỹanem taxa na no'onaxa le'ec te'esaq lta'a lli'i da yaqto' saishet da iqouat.

Salmos 147:14

Ñimaye ỹauo'o da nlagaxayec na 'ana'alhua, qataq 'am iquia'axanec na no'on ala na trigo.

Ezequiel 44:30

Na ntaxaỹaxanaxanecpi taỹot qome nam ỹataqta no'on maye la'auaxanec ala na nañiguishec, qataq 'enauac ana nachetaqtaxanaqtepi. Qaq qami' da qauo'oche ca qardaqñiqui da qauo'oche aca nauole, nache namayepi taỹot qome aca ỹataqta no'on nauole. Qaq 'era da 'eetec, da yaqto' da iqouagaxanaqtaic huetalec qome ca qarma'aipi.

Levítico 2:12

Qalaxaye ca ỹasheeraxachigui ca ndaqñiguishec, qataq ca dapic lli'i, ishet da qoỹanot Ñim Nataxala' huaxaiguet aca nachetaqtaxanaqte maye la'auaqteguishe ala ca nañiguishec. Qalaxaye saishet da qaỹauota'a nachetaqtaxanaqte qaỹavigaxat da yaqto' ỹamaateguet da laitaỹaxac Ñim Nataxala'.

2 Reyes 4:42

Qaq co'ollaq ime, nache nvi' so ỹale maye lma' ye Baal Salisá, ndotaua'a so Eliseo aso veinte nauolepi maye cheta'ague da dato, qataq so trigo maye cheta'ague da qanqat. Nache so Eliseo ỹamaq so lamaxashec, 'eeta': Ñaq 'aỹa'anoigui na shiỹaxauapi da yaqto' chec.

2 Crónicas 31:5

Qaq co'ollaq mashe qaỹaỹaten se'eso namaxasoxonaxac, nache so Israel le'ecpi ỹataqta lhuotta da ỹan so no'on la'auaxanec ala so lañiguishec trigo, lataxa, aceite, dapic lli'i, qataq 'enauac so laỹepi maye qaỹachegoxotalec so no'onaxa. Nataqa'en qalota aso irouo ndiezmo maye ỹachegoxotaigui ana ala so lañiguishecpi.