Números 18:10 - La'aqtaqa Ñim Lo'onatac 'Enauacna 2013

¹⁰ Nache 'am qataq 'enauac na ỹalleppi, ishet qome da qollequi anamaye, qalaxaye huaña qanqa'eñi ye nqasoxoc ñi npe'l, cha'aye ỹataqta sa qaishetapec.

Números 18:10 Referans Kwoze

Levítico 7:6

Qaq 'enauac ca ỹalleppi maye ntaxaỹaxanaxanecpi ishet da chec acamaye. Qataq da chec, nache huaña ca ỹaqauga ye nqasoxoc ñi npe'l, cha'aye acamaye ỹataqta sa qaishetapec.

Levítico 6:29

Qaq 'enauac ca ỹalleppi maye ntaxaỹaxanaxanecpi ishet da chec aca'aca nachetaqtaxanaqte na'aictaxa da sa qaishetapec.

Levítico 6:16

Qaq ca no'onañi laỹepi aca'aca nachetaqtaxanaqte, nache qoỹanem da chec ñi Aarón qataq ñeua llalqa. Qalaxaye saishet da che'c aca huo'o aca lalegue maye ỹasheeraxachigui ca ndaqñiguishec, da huaña ca ỹaqauga ndaqa' ye nqasoxoc ñi npe'l.

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.

Levítico 14:13

Qataq ipelecot na lqosot ca qagueta huaña naqa'en ye nalaataqa' na shiguiỹac maye qoỹaneuo da qaỹavigaxat. Qaq aca nachetaqtaxanaqte maye sa imauaq da qaỹavigaxat, nache lalamaqte ca ntaxaỹaxanaxanec. Qaq acamaye ỹataqta sa qaishetapec.

Levítico 10:17

«¿Ta'ainco' ye saishet da huaigui ñi npe'l da qollequi aso nachetaqtaxanaqte maye sa imauaq da qaỹavigaxat? Ye asomaye ỹataqta sa qaishetapec, qataq Ñim Nataxala' qami' ỹanema da yaqto' qaỹapalaxat na lasouaxashetpi na Israel le'ecpi.

Levítico 10:13

Nache huaña yemaye da qollequi, cha'aye nacheye ye qaiỹotauga da qarquia'aqa'ai da qollequi aca nachetaqtaxanaqte maye mashe qaiỹotauga da qami' taỹoto, qaq 'era da lataxac maye 'am sanem, qataq daua 'aỹa'alqa, cha'aye nachera da aỹem qaỹamaxalec.

Levítico 6:26

Qaq que'eca ntaxaỹaxanaxanec maye ỹaneuo que'eca shiguiỹac maye sa imauaq da qaỹavigaxat, camaye nacheca ca ishet da chec ca laỹe camaye, qalaxaye nache hueta'a ye ỹaqauga nqasoxoc ñi npe'l.

Levítico 6:18

Qataq 'enauac na llalaqpi ỹalleppi ñi Aarón, ishet da chec acamaye. Qaq 'era qome da nache 'eetai' lataxac da qoyecỹaxaqui, na qaỹa'alquipi qataq ca qami' chegoxogueta, da qaỹo'ot aca nachetaqtaxanaqte maye qaỹavigaxat da qoỹanot Ñim Nataxala'. Qalaxaye 'enauac ca ỹaqauga, saishet da ipoteua'a, cha'aye acamaye sa qaishetapec.»

Números 18:9

Qaq na nachetaqtaxanaxatpi maye qaỹavigaxat, qaiỹotauga qome da 'am taỹot 'enauac na chegaqaigui na ala na nañiguishec, qataq na sa imauaq da qaỹavigaxat, qataq na nachetaqtaxanaxat da qaỹapalaxat ca nasouaxashet maye Aỹem ỹanot qome na Israel le'ecpi, qataq 'enauac na nachetaqtaxanaxatpi maye sa qaishetapec, namayepi 'aralamaxatpi qome qataq na 'aỹa'alaqpi.

Números 18:11

Nataqa'en 'am, qataq na 'aỹa'alaqpi ỹalleppi qataq na 'alpi maye ñaq 'am neto'otpi, da qami' sanema qome 'enauac na nachetaqtaxanaxat maye ỹaasheguem da Aỹem ỹanot na Israel le'ecpi, qaq de'era lataxac nache 'eetai' qome. Qataq 'enauac na shiỹaxauapi maye hueta'a ca 'arma' da qui'itta da lataxac, nache ishet da chec anamaye.

Ezequiel 42:13

Qaq se'eso shiỹaxaua aỹem 'enapega, 'eeta': «Yi'iye nỹecpi maye pa'aỹa'ague da sheu', qataq ye pa'aỹa'ague da taguiñi maye datateuga ye qasoxoc maye napotaua'a, yemayepi saqaishetapec. Qaq nache huaña yemaye da na ntaxaỹaxanaxanecpi maye nquigueua'a Ñim Nataxala', chec na nachetaqtaxanaxatpi maye saqaishetapec. Qaq nataqa'en nache ỹachaña ana nachetaqtaxanaqtepi ala na nañiguishec, qataq ana nachetaqtaxanaqtepi souaxat na nasouaxashetpi, qataq ana nachetaqtaxanaqtepi souaxat ca lỹa nasouaxashet, cha'aye yi'iye ndaqa' ỹataqta qui'itta.