Números 17:8 - La'aqtaqa Ñim Lo'onatac 'Enauacna 2013

⁸ Qaq so lỹa na'a'q, nache so Moisés taua'a so npe'l maye netaña aso arca maye laỹe' da aỹamaxataxac. Nache co'ollaq ỹamata'a aso nashelte maye lalamaqte na chegoxoguetpi so Leví, asom huetalec da le'enaxat so Aarón, qaq asomaye ñaxatec qataq huo'o aso lauoxo, nache huo'o aso ala almendra maye mashe ỹeta.

Números 17:8 Referans Kwoze

Ezequiel 17:24

Qaq huaña qome nache 'enauac ana qo'oipaqpi maye netalec na no'onaxa, ỹaỹaten da nachaỹem Nataxala'. Qaq Aỹem sa'axasoxooñi aca qo'oipaq maye ño'oxonnaxai, qataq ishet da ñaxat ñaqa'en acatai' qapiole qo'oipaq. Qataq deqaqa ñaqa'en aca qo'oipaq maye nsalatec, qataq ishet da nsalatec ñaqa'en aca qo'oipaq deqaqta. Qaq 'era da ỹa'aqtac Aỹem Nataxala', qaq damaye sepacchigui qome.»

Números 17:5

Qaq aca nashelte maye nañaxatec qome, nachaca aca lashelte ca lleca'aguishec, huaña qome nache vi'iiguet da qami' quetegueleguete ne'ena shiỹaxauapi.

Isaías 4:2

Qaq que'eca na'a'q, nache aca llaxataxa maye nañaxat qome naqa'en Ñim Nataxala', nachaca aca llo'oxoraqte qataq llo'oxoyec cam lca'alaxaicpi Israel le'ecpi, qaq cam ala ca nañiguishec maye chegaqaigui ana 'alhua, nacheca qome ca ỹo'ot da llo'oxoyec qataq huo'o naq 'enec naqa'en camayepi.

Ezequiel 19:14

Qaq ana lcouepi qalaq chegaqaigui so norec, maye ỹavigaxat ana llaxataxapi qataq ana alapi. Nache qaca aca no'onañi aso qaramta lcouepi da yaqto' ivira'a da lashelte na nta'alpi.» (Qaq 'era da no'onec maye qaỹo'on da huo'o ca ileu.)

Salmos 110:2

Qaq Ñim Nataxala' ỹachegoxotchiguiña qome ye Sión, da 'am namaxa aca 'arashelte maye la'anaqte da 'ara'añaxac, nache qonetangui qome na laiñi na 'ampa'aguenaxauapi da 'auamaxasoxootac.

Génesis 40:10

qaq asomaye tres soua lcoue. Qaq asa'aso uva lcheyec ñaxatec ana laue, nache huo'o aso lauoxo. Qaq aso lauoxo nañigui aso mashe ỹe uva ala.

Hebreos 9:4

qaq nache hueta'a aso nca'atoxonaxalate maye chegaqaigui na oro maye nca'atoxolate na nchenaxanaxat ama na laita, nataqa'en aso laỹe' da aỹamaxataxac maye imauec da qalapaxalec na oro. Qaq asomaye, nache huetagui aso no'onatole maye chegaqaigui na oro, asomaye huetangui aso nauole le'enaxat maná. Nataqa'en aso lashelte so Aarón maye ñaxatec co'ollaxa qataq soua coma'ye maye nanettaleguete soua diez lamaxasoxonaxaco Ñim Lo'onatac 'Enauacna.

Ezequiel 19:12

Qalaxaye sa qaicherapec co'ollaq qanapogosheguem, nache huetaiya' qanqa'en. Nache so la'at maye chegaqa'ague da nala' lliguisheguem deqaqa naqa'en, nache naañi ana ala uvapi, qataq deqaqa aso qaramta lcouepi, nache qaỹasaxangui so norec.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Números 16:5

nache 'enapega so Coré qataq so laỹepi, 'eeta': Qonte' nte'eta, nache Ñim Nataxala' ỹa'axat qome chaq negue't que'eca lalamaxat, qataq ca iỹotauga Ñimaye, qaq que'eca lca'ateua'a, nacheca qome ca ishet da taua'a ye lanataqa' Ñimaye.

Números 17:9

Nache so Moisés nqatec 'enauac asa'aso nasheltepi maye netaña ye lanataqa' Ñim Nataxala', nache irouga so Israel le'ecpi da yaqto' ỹataqta ỹauaachigui da 'eetec asomayepi, nache ñi 'oonolec se'eso nataxala'pi ỹacona aso maiche lalamaqte lashelte.