Números 17:5 - La'aqtaqa Ñim Lo'onatac 'Enauacna 2013

⁵ Qaq aca nashelte maye nañaxatec qome, nachaca aca lashelte ca lleca'aguishec, huaña qome nache vi'iiguet da qami' quetegueleguete ne'ena shiỹaxauapi.

Números 17:5 Referans Kwoze

Números 16:5

nache 'enapega so Coré qataq so laỹepi, 'eeta': Qonte' nte'eta, nache Ñim Nataxala' ỹa'axat qome chaq negue't que'eca lalamaxat, qataq ca iỹotauga Ñimaye, qaq que'eca lca'ateua'a, nacheca qome ca ishet da taua'a ye lanataqa' Ñimaye.

Oseas 14:5

Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.

Ezequiel 16:41

Nache ỹavigaxat na 'arma'pi, qataq ỹacoolec da ỹo'ot ca 'anhuaxanaguec, ỹauaachigui naqa'en aca qalota 'alpi, nache vi'iiguet ñaqa'en da 'arquisheguetaxac, nache sa 'avi'eguelaxa da 'ausheetetac nam 'ancachaxauapi.

Números 17:8

Qaq so lỹa na'a'q, nache so Moisés taua'a so npe'l maye netaña aso arca maye laỹe' da aỹamaxataxac. Nache co'ollaq ỹamata'a aso nashelte maye lalamaqte na chegoxoguetpi so Leví, asom huetalec da le'enaxat so Aarón, qaq asomaye ñaxatec qataq huo'o aso lauoxo, nache huo'o aso ala almendra maye mashe ỹeta.

Números 16:11

Cha'aye 'am qataq na 'araỹepi qalaỹoñiita'a't da qauataiỹa'aguet Ñim Nataxala', qaq ¿Negue'to' so Aarón da qoquiitapeguelec?

Ezequiel 23:27

Qaq 'era da 'eetec qom sha'axaneguet dam 'arataxac maye maiche 'ananoiqueetac naxa da huo'o ye 'auo'ot, qataq da 'arquisheguetaxac, maye 'anañaneguet co'ollaq huaña ye Egipto, nache saishet qome da ỹe'eguelaxa da qaltaq 'anauane' ye Egipto le'ecpi, huo'otaq da 'auennatega yemayepi.

Isaías 27:6

Qaq ñaq natrauo caua na'axa'te da so Jacob ỹa'alyiñi qome caua lpa'aye, qaq na Israel le'ecpi qalaq ñaxatec qome qataq huo'o aca lauoxo nache nlaqtelec qome ana 'alhua aca alapi.

Isaías 13:11

Qaq Ñim Nataxala' 'eeta': «Sauo'o qome ca nhuaxanaguec na shiỹaxauapi souaxat nam qauem maye ỹo'ottac, qataq nam qauemaicpi souaxat da lalaataxanaxac. Imeuo ñaqa'en da napagaqaanaxac na ño'oxonnaxaicpi, qataq qaica ñaqa'en ca la'amaqchec na na'amqaanaxaicpi qataq nam qaica ca iren.

Isaías 11:1

Qaq asa'aso qo'oipaq lamo, maye nacheso so Jesé, huo'o qome aca llaxataxa, qaq aca'aca llaxataxa chegoqtoiguilo qome naua lpa'aye.

Isaías 5:24

Qaq ỹoqo'oye 'eeta'am qome ca norec da ỹavicta naqa'en ca 'auaqpi deqaqta, qataq na le'eraxa camaye da chepchiguiñi naqa'en ana deqaqta laue ana qo'oipaq, qaq nache 'eetec qome namayepi da imeuo, 'eeta'am aca qo'oipaq da lto na lpa'a'pi, qataq ana lauoxo nlaguiñi nache nañigui namoxoỹaxa, cha'aye sa ỹalaxagueta naua lapaxaguenataxanaxaco qataq naua lamaxasoxonaxaco Ñim Nataxala' maye Qaica ca Ỹaqalanapec, Ñim Qui'itta Natamnaxala' na Israel le'ecpi.

Números 17:10

Nache Ñim Nataxala' 'enapega so Moisés, 'eeta': Aye lashelte so Aarón 'avi'eguelaxateua'a qome ye sa qaỹapeque ye netaña añi arca maye laỹe' da ñaỹamaxataxac. Nache 'auachaña da yaqto' la'anaxat ne'ena ñalaqpi maye saỹalaq. Yaqto' nache tachiguiña da aỹem quetapeguelec, qataq qaica ca ileu qome.

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 17:6

Nache so Moisés da'aqtaxanem co'ollaxa de'era so Israel le'ecpi, nache ñi 'oonolec so nataxala'pi, ỹaneuo añi 'oonole lashelte. Nache nataqa'en ỹalectauo aso lashelte so Aarón.

Salmos 105:26

Huaña nache Ñim Lo'onatac 'Enauacna ỹamaq so lamaxashec Moisés qataq so Aarón maye lca'agui'she co'ollaxa,

Números 1:51

Qataq na leviitapi da ivita da qanqochenaxat ca npe'l, nache namayepi nachena na nsoguiñi, qaq da vi'iiguet qanqa'en, nache namayepi ỹa'ara't da qaltaq nauaxaỹaxaasheguem que'eca npe'l. Qataq da huo'o camachaqca chegaqauec shiỹaxaua da saishet da leviita, da taua'a que'eca npe'l, nache camaye qaỹalauat.

Josué 4:7

nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

2 Crónicas 26:16

Qalaxaye somaye, co'ollaq mashe ivira da ỹataqta 'añaxaic, nache ỹacona da ño'oxonnaxac, qaq nachera da ỹo'ot da nlaguiñi somaye. Cha'aye sa ỹalaxaguet Ñim Lo'onatac 'Enauacna maye Natamnaxala' somaye, qataq taigui co'ollaxa aso atamnaxaqui maye lalamaqte Ñim Nataxala' da ỹavigaxat so lchenaxanaxat, ỹachalec aso lca'atoxolate na nchenaxanaxat.

Esdras 2:62

Qaq somayepi nataqa'en nmittac aso lmalate na le'enaxatpi so hua'au lta'alpi qalaxaye saishet da ilalec ca le'enaxat, ỹoqo'oye somayepi qanqateguesop da ỹalectaigui so ntaxaỹaxanaxanecpi.