Números 17:2 - La'aqtaqa Ñim Lo'onatac 'Enauacna 2013

² Qonapega qome na Israel le'ecpi da ndoreuo caua doce nashelte, qalaxaye ñi 'oonolec na lataxala'pi ndouo aca 'oonole nashelte. Nache 'erelec qome añi 'oonole na le'enaxatpi namayepi.

Números 17:2 Referans Kwoze

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

Ezequiel 21:13

Qaq 'era da ỹa'aqtac Aỹem Nataxala'.

Ezequiel 21:10

Qaiqueuocta da yaqto' qaỹalaataxana, qataq qaiqashelgaxatta da yaqto' qashelectapiguiñi,

Ezequiel 19:14

Qaq ana lcouepi qalaq chegaqaigui so norec, maye ỹavigaxat ana llaxataxapi qataq ana alapi. Nache qaca aca no'onañi aso qaramta lcouepi da yaqto' ivira'a da lashelte na nta'alpi.» (Qaq 'era da no'onec maye qaỹo'on da huo'o ca ileu.)

Salmos 125:3

Qaq saishet da nache 'eetai' qome da ilotague' na qauemaicpi, nam lalamaxatpi nam no'on da lataxac, cha'aye na no'on da lataxac saiuena'a da ỹaconeuga da ỹo'ot na qauemsat.

Salmos 110:2

Qaq Ñim Nataxala' ỹachegoxotchiguiña qome ye Sión, da 'am namaxa aca 'arashelte maye la'anaqte da 'ara'añaxac, nache qonetangui qome na laiñi na 'ampa'aguenaxauapi da 'auamaxasoxootac.

Éxodo 4:17

Qaq 'auache qome ana 'arashelte, cha'aye anamaye nachana ana 'auo'onataxana da 'auo'ot ca na'anec maye ỹo'ot da na'aalaxa.»

Éxodo 4:2

Nache Ñim Nataxala' inat so Moisés, 'eeta': «¿Negue't na 'alasoqta'a?» Nache so Moisés 'enapeco': «Qomye ỹashelte.»

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Números 17:1

Qaq Ñim Nataxala' 'enapega so Moisés, 'eeta':

Números 17:3

Qaq aca lashelte so Leví nache 'erelec so le'enaxat so Aarón, cha'aye 'enauac na nataxala'pi huo'o ana maiche lalamaqte lashelte.

Éxodo 30:26

nache camaye 'aucoraxana da 'aucorelec ca npe'l, qataq aca laỹe' caua nqataxaco,

Números 7:1

Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate.

2 Crónicas 31:17

Qaq so ntaxaỹaxanaxanecpi ỹataqtac qanqa'en da qoỹereuo so llalaqpi, qaq som leviitapi qalaq qoỹereuo som ivi' veinte vi'iye da nachaalataxac ivira'a so ỹepi, qataq ỹataqtac dam lo'onataxanaxac, qataq ye laloqo' da do'onataxan.