Números 17:10 - La'aqtaqa Ñim Lo'onatac 'Enauacna 2013

¹⁰ Nache Ñim Nataxala' 'enapega so Moisés, 'eeta': Aye lashelte so Aarón 'avi'eguelaxateua'a qome ye sa qaỹapeque ye netaña añi arca maye laỹe' da ñaỹamaxataxac. Nache 'auachaña da yaqto' la'anaxat ne'ena ñalaqpi maye saỹalaq. Yaqto' nache tachiguiña da aỹem quetapeguelec, qataq qaica ca ileu qome.

Números 17:10 Referans Kwoze

Hebreos 9:4

qaq nache hueta'a aso nca'atoxonaxalate maye chegaqaigui na oro maye nca'atoxolate na nchenaxanaxat ama na laita, nataqa'en aso laỹe' da aỹamaxataxac maye imauec da qalapaxalec na oro. Qaq asomaye, nache huetagui aso no'onatole maye chegaqaigui na oro, asomaye huetangui aso nauole le'enaxat maná. Nataqa'en aso lashelte so Aarón maye ñaxatec co'ollaxa qataq soua coma'ye maye nanettaleguete soua diez lamaxasoxonaxaco Ñim Lo'onatac 'Enauacna.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

1 Samuel 30:22

Qalaxaye so nnaictague'pi so David huo'o so qauemaic qataq quiỹaxanaqtaqaic maye 'enapeco': Ne'enapi ye saishet da qomi' ca'ateguelo nache saishet da huo'o ca sanaxam na nogoxoshetpi maye qarhuotaxanaxatpi. Nacherata da ñi 'oonolec namayepi da lỹa aca maiche lhua qataq ca maiche llalaqpi, nache jec.

1 Samuel 2:12

Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

Deuteronómio 9:24

Qaq nache chegoqta'a co'ollaxa da qami' sauatto'n, da saishet naxa da qaualaqaiguet Ñim Nataxala'.

Números 16:40

yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.

Números 16:38

Nache ana'ana laỹe' so lchenaxanaxat se'eso shiỹaxauapi maye ileu souaxat da lasouaxashet, nache qairapaqchen qome, da yaqto' qalapaxalec añi nca'atoxonaxalate. Cha'aye anamaye mashe qaiỹotauga da qoỹanot Ñim Nataxala'. Qataq yaqto' nachera qome da ỹo'ot da lvitaxa na Israel le'ecpi.

Éxodo 16:32

Ime, nache so Moisés 'enapeco': «'Era da ỹan la'aqtac Ñim Nataxala', 'eeta': Qauachiỹangui qome aca naloqnaxanaxaqui maye ivi' dos kilos ana maná. Ime, qaq qauaỹamaxache yaqto' lmeena ca qaỹa'alquipi, yaqto' camayepi ishet qome da ỹauatton nam nallec maye qami' sequia'axategueeque co'ollaq qoviitalec na toolec 'alhua co'ollaq qami' ñeqateeguesopa ye Egipto.»

Oseas 10:9

Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Éxodo 16:34

Qaq qaipacchigui da la'aqtac Ñim Nataxala' maye ỹami' so Moisés, nache so Aarón ỹanaña aso naco'oña 'alhua so nalochiguiña aso laỹe' soua lqataxaco Ñim Lo'onatac 'Enauacna, da yaqto' ỹaỹamaxat.

Números 17:4

Nache acamayepi 'anaña ye sa qaỹapeque añi arca maye laỹe' da ñaỹamaxataxac, maye netaigui ñi npe'l maye huaña naxa da qami' ñauaneto.

Números 17:9

Nache so Moisés nqatec 'enauac asa'aso nasheltepi maye netaña ye lanataqa' Ñim Nataxala', nache irouga so Israel le'ecpi da yaqto' ỹataqta ỹauaachigui da 'eetec asomayepi, nache ñi 'oonolec se'eso nataxala'pi ỹacona aso maiche lalamaqte lashelte.

Números 17:11

Nache so Moisés ỹo'ot 'enauac dam ỹamaxalec Ñim Nataxala'.

Números 20:9

Nache so Moisés ỹacona aso nashelte maye netaña ye lanataqa' Ñim Nataxala', nache ipacchigui da lamaxasoxonaxac Ñimaye.

Deuteronómio 9:7

Qataq saishet qome da qaucouaỹa'ai da ỹataqta dalemata naxa qanqa'eñi Ñim Nataxala' maye Qanatamnaxala'ai co'ollaq huaña ye toolec 'alhua. Cha'aye nache chegoqta'a co'ollaq qoquiỹa'ai ye Egipto, nache ivitta'a nagui da saishet naxa da qaualaqai.

Números 4:18

«Saishet qome da qauashiñi da imeuo na maiche nalamaxat nhuo' le'ecpi, maye chegoxoguet so Quehat, da ỹalectaigui na leviitapi.

Números 14:5

Nache so Moisés qataq so Aarón ỹa'alyiñi naua l-llectel, nache iviraxatta'agueta naqa'en na lata'api na 'alhua, ỹauaachigui naqa'en so Israel le'ecpi,

Números 16:21

¡Qoquiỹa'ai qome ne'ena shiỹaxauapi, yaqto' Aỹem ñematchiguiñi da selaxachigui namayepi!