Números 16:49 - La'aqtaqa Ñim Lo'onatac 'Enauacna 2013

⁴⁹ Qaq da ima'a't se'eso ileupi, nache ivi' catorce mil setecientos, qaq saishet da qanaloqteneuo so leuaxaicpi maye huaigui so ncotaxac so Coré.

Números 16:49 Referans Kwoze

Números 25:9

qaq da ima'a't se'eso ileupi maye ilem se'eso nhuaxanaguec somayepi ivi' veinticuatro mil.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

1 Crónicas 21:14

Qaq huaña nache Ñim Nataxala', talec naqa'en ye Israel so nalolaxa, nache ileu so setenta mil Israel le'ecpi.

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Números 14:37

Ỹoqo'oye se'esoua ỹale't maye qauem da la'aqtaxanaxac da ỹa'axattac ye 'alhua, nmichiyiñi da ilem so napiina, ỹauaachigui Ñim Nataxala'.

Números 16:48

Nache somaye hua'a co'ollaxa so huetaña so leuaxaicpi qataq so ñaq nca'altauecpi. Nache vi'iiguet naqa'en se'eso nleuaxa.

Números 16:50

Qaq co'ollaq vi'iiguet so nleuaxa, nache so Aarón ỹe'eguelaxa so ñegueuo so npe'l maye naỹonqa' som hueta'a so Moisés.