Números 16:48 - La'aqtaqa Ñim Lo'onatac 'Enauacna 2013

⁴⁸ Nache somaye hua'a co'ollaxa so huetaña so leuaxaicpi qataq so ñaq nca'altauecpi. Nache vi'iiguet naqa'en se'eso nleuaxa.

Números 16:48 Referans Kwoze

2 Samuel 24:25

huaña nache so David, no'oxoosheguem aso nca'atoxonaxalate da ỹanot Ñim Nataxala', nache ỹaneuo aso lachetaqtaxanaqte qaỹavigaxatta, qataq aso qanhuaachigui. Huaña, nache Ñim Nataxala', hua'axaỹa co'ollaxa da nachoxonnaxac so shiỹaxauapi se'eso 'alhua, nache vi'iiguet se'eso napiina ye Israel.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

1 Ts 1:10

Nataqa'en namayepi ỹaỹaten da qami' qauacheeta'aguet So Jesucristo qom ñe'eguelaq da chegoxogue da piguem. Ñim Lo'onatac 'Enauacna nca'aleeguesop naqa'en da l-leuaxa Somaye co'ollaxa yaqto' qomi' nca'alaxateeguesopa da nhuaxanaguec na 'etaxaloxoicpi ca pa'atec na'a'q qom nmitna Somaye.

Juan 5:14

Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Salmos 106:30

Qalaxaye so Finés nachaañi co'ollaxa, nache ỹalauat som dasouaqtaxan nache vi'iiguet se'eso napiina.

Números 16:35

Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Números 16:18

Nache ñi 'oonolec ỹacona aca laỹe' ca lchenaxanaxat, nache ỹachangui aca poqo qataq ca nchenaxanaxat, nache namayepi nachaateua'a ye ñegueuo ñi npe'l maye naỹonqa', qaq nataqa'en so Moisés qataq so Aarón.

Números 16:47

Nache so Aarón ỹacona aso nchenaxanaxat laỹe', ỹalaxaguet da la'aqtac so Moisés, nache nqalgoqta'a so netaña se'eso shiỹaxauapi. Qaq mashe nvi' co'ollaxa da nhuaxanaguec so nhuo' le'ecpi, nache so Aarón ỹo'ot co'ollaxa so lchenaxanaxat da yaqto' qaỹapalaxat na lasouaxashet se'eso nhuo' le'ecpi.

Números 16:49

Qaq da ima'a't se'eso ileupi, nache ivi' catorce mil setecientos, qaq saishet da qanaloqteneuo so leuaxaicpi maye huaigui so ncotaxac so Coré.