Números 16:47 - La'aqtaqa Ñim Lo'onatac 'Enauacna 2013

⁴⁷ Nache so Aarón ỹacona aso nchenaxanaxat laỹe', ỹalaxaguet da la'aqtac so Moisés, nache nqalgoqta'a so netaña se'eso shiỹaxauapi. Qaq mashe nvi' co'ollaxa da nhuaxanaguec so nhuo' le'ecpi, nache so Aarón ỹo'ot co'ollaxa so lchenaxanaxat da yaqto' qaỹapalaxat na lasouaxashet se'eso nhuo' le'ecpi.

Números 16:47 Referans Kwoze

Romanos 12:21

Saishet da 'aua'aqta'a da 'am loxonec ca qauem. Nachaqrata da 'oxonec ca qauem, qalaxaye 'arolec ca ỹaỹamaqchiguiñi.

Mateo 5:44

Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Salmos 106:29

Nache ỹo'ot da dalemata Ñim Nataxala', souaxat na qauem maye ỹo'ot somayepi, nache talec naqa'en na ỹotta'a't napiina.

Números 16:46

Nache so Moisés 'enapega so Aarón, 'eeta': 'Auacona aca nchenaxanaxat laỹe', nache 'auachangui aca poqo maye chegaqalec añi nca'atoxonaxalate, qataq 'auachangui ca nchenaxanaxat, nache 'anqalgoqta'a qome ye hueta'a da lapoota'a't shiỹaxauapi, nache 'auo'ot ca 'archenaxanaxat da yaqto' qaỹapalaxat na lasouaxashet, ten mashe ỹapacauec da layeloxo Ñim Nataxala', nache talec naqa'en da nhuaxanaguec damayepi.

Números 16:48

Nache somaye hua'a co'ollaxa so huetaña so leuaxaicpi qataq so ñaq nca'altauecpi. Nache vi'iiguet naqa'en se'eso nleuaxa.

Números 25:13

qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»